وكر _الحر 🦅

البارت الثامن والعشرون

#وكر_الحر 🦅
(البارت الثامن والعشرون)
مساء الخير
اريد احجي بخصوص شغله من تجيني حضره جنابج وتكولين ليش تتاخرين بالبارت وليش متنزلين بارتين وشدعوه عليج ونتوسل بيج وهذا الحجي الماله داعي احب اكلج البارت ياخذ وقت ماينكتب بيوم وليله واني عايفه عملي وبيتي وكاعده اكتبلج والحجي ماجاي اجيبه من بيت الخلفوني اكو ناس مأمنيني ع قصتهم وجاي يرسلولي الحدث واذا انتي معاجبج لاتقرين القصة مامجبورة +كاعده ومكسور ضهري واكتبلج البارت واطلعه بصوره حلوه حته تفهمينه وتقرينه مو تجيني والله حضره جنابج تهوسين بالخاص وشدعواج وليش ومدري شنو شوفن قسم بالله العلي العظيم اذا ضلن هيج اسد القصة وماانزل بعد ايشي منهااا وتاخذن رزاله معدله وتعرفن نفسجن انتن جاي دخللي تهوبزن بالخاص فَ احترمن نفسجن وخلي النفس عليجن طيبه + بين يوم ويوم راح يصير البارت وتفاعلو لاتخلوني اسحب القصة ...
.
.
.

بشاير: اخذتنه سوالف والضحك رفعت راسي لكيتها الساعة ب2ونص عزاا صار شكد كاعدات عطت بيهن يلا يلا مانعستن صار ساعة تجرشن حجيي كومن نام باجر شراح يكعدنه
العنود: اوو بشاير هساع شحاجين ليش بلا بيش ساعه
بشاير: بـ 2 ونص
مروة: لابربج صدك والله
بشاير: شايفتني اجذب عليج
مروة: يمة باجر نبراس تنعل والدييي شراح يكعدني من الصبح
زمرد: الي يسمعج يومية تكعدين ساعة ب6الصبح ماجنة تفزين ب10
مروة: صبح لو مو صبح بعد شني
زمرد: انجبي يلا
العنود : راح اكوم انام انه واشوف حمزة ليوم ينيمني بره الغرفة
مروة: تعاي انجبي نضفي الغرفة سويتنها زبالة
العنود: بيباي صبايا
مروة: شردت شردت جلبة
بشاير: عوفي المره انه انضف بس سدي حلكج فضحتينا بهل ليل ،لمينة الغرفة وفرشتليي بالارض اريد انام جان تحجي مروة
مروة: خير خير شو هنا فارشة
بشاير: اريد انام بغرفة اختي عندج مانع
مروة: ياسلام صارت غرفة اختها هساع اشحتجن من الغرفة انتي واختج مو عندج غرفة
بشاير: بكيفي يلا نامن وانجبن وزمرد كومي طفي ضوه
زمرد: انه نايمة
مروة: حقيرات
بشاير: شمرت المخاد علينه وراحت طفي ضوه ودردم واحنه خربانين ضحك عليها
.
.
.
.
العنود: سهرت ويه البنات ورحت ننمت دخلت للغرفة لكيت حمزة ماموجود هذا وينه توني ساحبه تلفوني اريد اتصل عليه ونفتح الباب
حمزة: بعدج مانايمة
العنود: بعد وكت وين جنت استاذ
حمزة: طالع
العنود: ويه منو ؟؟
حمزة: صنديد
العنود: واكو واحد يرجع هيج وكت باع ساعة شكد راح يطر الفجر وانته طالع
حمزة: عادي واذا
العنود: حمزة مو جاي احاجيك ليش تنطيني ضهرك وتروح
حمزة: شبيج يابهه غير تعبان اريد اسبح
العنود: اهوووو تعال هنا احاجيك
حمزة: صوتج ولج
العنود: حمزة لاتخبلني باوع الساعة شكد مامعقولة طالع ويه صنديد لهل وكت لاوفوكاها انه ماادري يمته طالع ماتفكر ماتكول مره بحدها يصير مايصير
حمزة: عليمن بحدج غير اهلي وياج
العنود: يعني اذا صار شي اهلك يساعدوني انته شنو موقعك
حمزة: هساع شتردين
العنود: اطلع برا ماتنام بالغرفة والله
حمزة: روحييي ولج الغرفة غرفتي
العنود: لاوالله غرفتي وتطلع براا هساع احسلك نوب يريد يسيح جنت يم نسوان مو
حمزة: انجبي لو تموتين
العنود: انه الك حمزة انه الك ادبسزز
حمزة: هاي عليمن ولج
العنود: مو عليك عافني وراح يسبح ابو النسوان الله يعلم ويه منو جان سهران ومايريد يحجي خل يفيدنك ذني الك***** انه هم ثوله شعندي باقيه يمك ماادري والله ياالله
حمزة: كملتي
العنود: 😒😒
حمزة: لاتكلبين عيونج هيج لاافكسهن الج
العنود: شتريد مني بكيفي
حمزة: نعم بكيف منو ست عنود
العنود: بكيفي انه عندك اعتراض والله اذا دنيت يميي شايف هذا المشط اركعك بي
حمزة: وهوه لازم ضحكة كوه * انه المشكله ماكدر اسويلج شي مو حباً بيج لاابد خايف ع ابني
العنود: خل اجيب واخذ ابنك وفكني منك ومنه 😒
حمزة: صايرين
العنود: مستفز غراب غثيث هم شايف روحه الاجكم اخذت فراشي واريد اطلع من الغرفة
حمزة: وين ع الله
العنود: اريد اطلع انام يم البنات شعليك بيه
حمزة: لاتنسين سدي الضوه وياج والباب
العنود: الله ياخذني
حمزة: بعصبية * خراااااا لادعين راح اكوم اكسر راسج
العنود: نننننن * شفته صار عصبي عفته وطفرت يم البنات دخلت لكيتهن نايمات هيوووو سولي مكان
بشاير: نايمة بعز نومتي واشوف بطريق فوك راسي يصيح فتحت تك عين شفتها العنود خيررر شكو
العنود: بدموع سويلي مكان يمج حبابة
بشاير: كمت ع حيلي شبيج يولي ليش تبجين
مروة: ماانام اليوم شكو شبيجن
بشاير: كعدن العنود مدري شبيها
زمرد: شكو شكو صاير
بشاير: طفرت مروة فتحت الضوة وكعدت العنود بنصنه تبجي مثل الجهال شبيج يول
العنود: اخوج الخبيث
بشاير: شبي
العنود: اكله وين جنت يكلي ويه صنديد
مروة: اي وشنو
العنود: لج جذاب جان يم الك****** مالاته هوا شايفتلج ضابط ادميي لا طبعاً يدور نسوان السكط  خل يفيدنه
زمرد: بربج انتي صاحيه
بشاير: تعاي حبيبتي تعاي صعدن هرمونات الحمل
مروة: تهي بهيي والله عبالي بيج شي طلعتي علمود هاي سالفة دنامن نامن
العنود: وخري ولي عني
بشاير: كافي ياعيني يستاهل سوين بروحج هيج
زمرد: عنيده باوعيلي مامرتاحة الج معقولة ماجفصتي فرد جفصه
العنود: لااا
زمرد: جذب لاجذبين من جذبين ينكلبن عيونج حول احجي شصخمتي حته جايه تنامين يمنه
العنود: ماكتله بس ادبسزز و
زمرد: ووو شنو الغي
العنود: وابو النسوان وردت اركعه بالمشط بس خفت يكتلني بهل ليل
مروة: طكتيها بضحكة يايمة بطني اخخ
بشاير: بس ومرض * خافيه ضحكتها
زمرد: ولج اكو وحده تحجي ويه رجلها هيج ونوب تريد تركعه بالمشط
العنود: يستاهل لو بيدي اركعه بالمزهرية
بشاير: جان سويتيها
العنود: خفت منه لايكتلني
البنات: هههههههههههههههههه
العنود: وجع يضحكن علي وانه مجروحة مشاعري
مروة: نخمدي ام المشاعر
زمرد: كومي افرشلج حته تنامين
بشاير: فرشت زمرد العنود وحطت راسها يمي ونامت كافي حبيبتي لاتبجين يولييي حميزة ابو النسوان
مروة: لاتحجين ع اخوي
بشاير: اكلي خرا انتي ونطمري
العنود: اي والله اكلي خراا بنات
البنات: همم
العنود: اشتهيت تفاح
مروة: العنود تنامين لااجيبج بعجل يصحيج من الغيبوبة الي انتي بيها
العنود: عابت ولاتراعون مشاعري
زمرد: شنراعي من مشاعرج موتينة انتي تستغلين الواحد
بشاير: بس نطمرن صارت ب3 كافي وانتي عنيده نخمدي لااكوم اسحلج يم رجلج
العنود: سكتن بنات خلي اختجن تنام
البنات: ياهو يحجي
بشاير: كافيييي نطمرن *بعياط ..
.
.
.
.
مرت أربعـة ايام ....
بشاير: صار اربعة ايام والعنود ماضل شي ماسوته حته بس تسهل عدها الولادة وجيب
مروة: العنود كافي لاضل شي ماسويتي وهذا ابنج ماناوي يجي
العنود: راح اموت ربي رحمتك تعبت والله تعبت يمه موزودتها تعال وانجب عاد
ام حمزة: ولج يمة خليج هيج الولاده مو هينه
العنود: ياااخالة ياخليج هيج طلعت روحي صدك جذب
ام حمزة: سوده عليه يمة الله يسهلج
مروة: هاا نونو تريدين جيبين بيبي
ام حمزة: انجبي ادبسزز
مروة: جاا انتي تكولين سودة عليه ولجن دورن الامي عريس
بشاير: صخام بهل عمر
مروة: ايييي بهل عمر يجينه اخو نربي هواا وابن حمزة العم وابن الاخو
العنود: خرب يومج مروة كافي مابيه اضحك
مروة: دضحكي بلكت يلفيي هذاا المصخم ابو راس المربع تعبناا اسوي بهل يانسون وارد ليورا اشتغلت كهوجيه
زمرد: حماره الكهوجيه سوي كهوه مو يانسون
مروة: ولايهمج احس روحي ابيع بچمبر چاي نومي كهوه يانسون
البنات: ههههههههههههه
بشاير : اكلج عنوده
العنود: نعم كولي
بشاير: ماحجيتي ويه حمزة
العنود: يخسة احاجييي ابو النسوان خلي نسوانه تفيده
مروة: كفووو اشجعج ع هاي القوة المراه الحديديه
بشاير: انتي انجبي ولصميي عنودة كلبي مايصير هيج يعني صار اربعة ايام وانتم ع هلحالة
زمرد: اي والله اخوي يكسر الخاطر البارحة صاحني انه كويتله ملابسه ومن سئلته شعجب ماكوتلك العنود باوعلي وكال خليها سكتة وطلع يدخن
العنود: اي يريدها سكتة ابو النسوان يدور حبجيات براسي
مروة: ابد لاتتنازلين خلييي يموت قهر ادبسزز
العنود: اي شحسبالج
بشاير: انتي شنو براسج تنكة لج بابا مايصير هيج موزين الكطع
العنود: انجبي من تزوجين تعرفين ليش هيج جاي اسوي
بشاير: هزيت باايدي وكمت اكمل الملابس خلصت وصعدت للسطح شريتهن ونزلت
زمرد: وينج بشايررررررر
بشاير: وجع شبيج تلعلعين
زمرد: حمزة خبصني خبص ستالاف مره داك عليج
بشاير: حمزة خير خوماكوشي
زمرد: وانه شدراني
بشاير: وين تلفوني
زمرد: بشحن روحي اخذي واحجي وياا
بشاير: فتحت تلفون لكيت داك عليي فوك 20 مكالمة لچمني كلبي خير ياربي اللهم اجعله خير رجعت اتصلت عليه
شوية واجاني صوتة الووو ها خوية
حمزة: الوو بشورة وينج يبااا صار ساعة اتصل عليج
بشاير: مو تلفون بشحن وجنت اغسل ملابس وصعدت شريتهن وهساع زمرد كالتلي داك علييي عسى ماشر خوية
حمزة: كل خير يابهه بس انه شوية واوصل للبيت اريدج بموضوع
بشاير: خير ان شاء الله خوية خوفتني
حمزة: لاتخافين يابهه كلشي ماكو
بشاير: ان شاء الله خوية
حمزة: يلا انه شوية واجي مع سلامة
بشاير: الله وياك ، عجيب صاير ويااا سديته من حمزة وغيرت دشداشتي ناكعه لفيت شالي ونزلت يم البنات
.
.
.
.
نرجع شويـة البطلنـاا فـي مكان مـااا...
الحر: اخذت الجنسية من حمزة وبقيت اقرة بيهاا صفنت ع اسم حمزة انطيني تلفوني من يمك
حمزة: وينه
الحر: ع شحن بسرعة
حمزة: اوكف شبيك هااك
الحر: طلعت جنسية امي وجنسية البيدي وضليت اقارن بيهاااا وكف عقلي شنو يعني تشابهه اسماء لو شنو ياربي زين وهاي واسم الام لامامعقولة لازم اتاكد
حمزة: هااا ابو شباب وين صفنت
الحر: مادري دخت هاي شنو
حمزة: كلشي ماكو هاييي بمعناها انته ابن خالتها
الحر : وشمدريك ابن خالتها شنو الي يثبت
حمزة: ادري حمار انته اكثر من هيج بعد بيش اثبتلك
الحر: حته لو يجوز تشابهه
حمزة: هساع تشابهه بااسماء الاب والجد خوش مشيناها زين والام ودم الوجه دباع خالتك تشبه امك وشوف العشيرة يعني هذن كلهن بعد بيش اثبتلك ماتكلي
الحر: ولو لازم اتاكد بطريقتي
حمزة: شلون بلا تتاكد يعني تكل الاهلك
الحر: راح اطلع للعمارة
حمزة: اكل خراا يطلع للعمارة بهل ليل
الحر: ايييي بهل ليل راح اطلع
حمزة: وعلييي ابو الحسنين اخطي خطوا مناا وشوف شسويلك اذا ماكسرت رجليك مااسمه حمزة
الحر: انجب وانطيني سويج
الحر: لو تموت وعليي بهل ليل ناقص يريد يطلعلي والدنيا ضلمه صار ماصار بعد منيلي هزوع اضحك عليه
الحر: طيح الله حظك والله لعبتو نفسي بااسميي صدك جذب
حمزة: يلا انجب واكعد يريد يوليي للبيت تالي وكت يطلعلي بليل ماعدنه زلم تطلع هيج وكت
الحر: خاب ماتاكل خراا
حمزة: هساع تعال اكعد
الحر: اوففف زين انطيني جكاير خل ادخن
حمزة: توء توء توء حبيبي اخاف عليك موزين
الحر: مصختها عاد لاتخليني اولي ولاتخليني ادخن انطيني راح اكوم اكسرك
حمزة: اعصابك عمي هاك
الحر: فتحت الجكارة وبديت ادخن خليت راسي ع قنفه واباع ع سكف شلون هيج صار ومن شوكت وفكره بالي تاخذني وفكره جيبني
حمزة: وتالي راح تبقه هيج صفن جنك وحده  ميت رجلها
الحر: باوعتله ورفعتله حاجب سالفه دوخ
حمزة: نهجم بيتك غير تطلع شك من ترفع حاجب لو مراا انه جان اخذتك
الحر: يعني تغتصبني
حمزة: نعم مثل ماتفضلت غير صاك ابن الزفره
الحر: متستحي انته ماعندك اخوان شلون تتكلم معاي بهاي الطريقة
حمزة: عضيتله شفه ينعل بليسك غيررر تثيرر
الحر: لاياسكط ههههههههههههههههههههههههاي
حمزة: طيح الله حظك فضحتنه
الحر: هههههههههههههه  الله ياخذك
حمزة: ليش وين تلكه مثلي بعد يونسك ويجيبلك معلومات
الحر: صدك بلياك اضيع
حمزة: اخخخخ شوف الحب شوف عمييي يلا حبيبي كوم سويلنه نركيله لطيفة مرتبة حتى ندخن ونعدل المزاج
الحر: اشتغل عندك اخذك الواهس
حمزة: عابت اويييي *بدلع
الحر: خرب يومك ههههههههههههههههه
حمزة: كافي كل شويه وفاتح حلكك تتمضحك طاحظك عود انته زلمه خشنه
الحر: انجب شتريد مني
حمزة: صدك ولك عوف شقه هساع شنو راح سوي
الحر: والله ماادري راح اشوف اهلي واشوف شون اصرف
حمزة: الله كريم تكضي ان شاء الله لاضل تفكر
الحر: ان شاء الله
حمزة: سهرت عند الحر ضلينه ل2 ورجعت للبيت لكيت العنود معبسه ويمكن طاكات عدهاا جادلت وياي الحيوانه دعييي ع روحهاا شون ردت اكوم اكسرها طفت ضوه وطلعت وانه لفيت راسي ونمت ..
.
.
.
.
الحر: صار الصبح ورحت للمركز مشيت كل شغلي واخذت اجازتي ونزلت الاهليي طلعت ب1 الظهر وصلت المغرب سحبت تلفوني واتصلت ع فرقد شوية ورد الوو
فرقد : هلا حبيبي
الحر: شلونك يابهه
فرقد: بخير مشتاقلك انته شلونك
الحر: والله الحمدالله
فرقد: شنو وين انته يمك صوت سيارات
الحر: قريب منكم راح اوصل
فرقد: لابربك صدك تحجي
الحر: اي وداعتك بس لاتحجي الاحد
فرقد: شلون واهلي خطية
الحر: لاتكول يمعود اجيت اسويلكم مفاجئة
فرقد : خوش يابهه انتظرك هساع انته وين
الحر: مسافة طريق واجيكم
فرقد: هلا بيك بعد اخوك
الحر: يلا وصلت للسيطرة مع سلامة
فرقد: الله وياك حبيبي
الحر: سديته من فرقد وتعديت سيطرة يعرفوني مشيت وصلت المغرب ب5 دخلت للفرع رمشت الفرقد وصلت الباب بيتنه لكيته واكف بالباب فتحلي باب الكراج دخلت السيارة واخذت غراضي ونزلت السلام عليكم
فرقد: عليكم السلام
الحر: حضنته افيش شكثر مشتاقلك ياخوية
فرقد: مو بكدي والله طاك كلبي عليك
الحر: بعد عمري شخبارك
فرقد: بشوفتك كلش زين تعال ادخل
الحر: منو عدنة
فرقد: ماكو احد ابوي بالديوان عنده كعده اخذ رائد وياا وامي جواا تقره قران ومرتك بغرفتها
الحر: جا امشينه ياالله
فرقد : راح ادخل قبلك ومن اشرلك ادخل
الحر: خوش
فرقد: السلام عليكم
بثينـة: صدق الله العظيم * وعليكم السلام ورحمه الله وبركاته هلا يمة
فرقد: شلونج حبيبتي
بثيـنة: بخير بعد روحي انته شلونك
فرقد: زين انه كلش زين
بثيـنة: عساك دوم يمه اشوفنك فرحان فرحني وياك
فرقد: عندي الج مفاجئة تشككك بنص
بثيـنة: شني خير ان شاء الله
فرقد: كومي ويايي للمطبخ
بثيـنة: يا شعندك ولك
فرقد: هساع كومي وياي وشوفي بعينج
بثيـنة: تعال انطيني ايدك
فرقد: يلا يمة كولي ياالله
بثيـنة: ياالله
الحر: دخلت للمطبخ شربت ماي وجريت الكرسي كعدت ارتاح واسمع فرقد يحاجي امي وجابها للمطبخ دخلت هيه شافتني وصرخت
فرقد: يمه صوتج فضحتينه
بثيـنة: يمه وليدي يمه حبيبي بعد روحي يايمة يبعد امك واهلها *تبوس بي وشمشمه 🥺
الحر: عزيزتي شلونج
بثيـنة: بشوفتك احسن واحسن يبعد حيلي * بدموع
الحر: ها يمة شجاج تبجين ماتكليلي
بثيـنة: يمه والله قلبي طاك عليك وع شوفتك
الحر: يروحلج فدوه حمزة حبيبتي هاي انه يمج شبعي مني
بثيـنة: حبيبي يايمة ياوليدي ليش ماكلت راح تجي
الحر: اسويلج سبرايز
بثيـنة: احلا ربايس مدري شسمونه
الجميع: ههههههههههههههه
فرقد: يمه سبرايز يعني مفاجئه
بثيـنة: اي هوه هذا يايمة شخبارك شونك دوامك شلونه
الحر: الحمدالله جاا ابوي ورائد شعجب مو هنا
بثيـنة: صارت عدهم طلابة ودكو ع ابوك وشحنته ع رويد بس كاعد ياكل وينام كتله اخذه وياك اذا يضل بالبيت يسودني
الحر: هههههههههه احسن
بثينـة: نداء ولج صخيمه نداء
نداء: هاا عمة خير
بثيـنة: تعاي اجه رجلج
نداء : اجيت
الحر: اسولف ويه اهلي ونزلت نداء لابسه دشداشه طويله وشال رفعت راسي ماعرفتها صايره سمينه وبيضة جان تكول
نداء: السلام عليكم الحمدالله ع سلامتك هزاع 
الجميع: وعليكم السلام
الحر: الله يسلمج يابهه شلونج
نداء: زينة انته شلونك
الحر: الحمدالله
بثيـنة: يمة جوعان تريد اكل
الحر: يمة اصعد ارتاح وانزل اكل
بثيـنة: خوش جا ندوا روحي صعدي حضري الحمام رجلج  بين مااسويله عشه
نداء: انه اسوي العشه عمه
بثيـنة: صعدي حضريله الحمام ونزلي عاونيني
نداء: ان شاء الله
الحر: اترخصت من اهلي وصعدت لكيتها تطلع بملابسي سديت الباب وخليت الغراض ع ميز تواليت واجيت تمددت ع جرباية وصافن عليها
نداء: حضرت الحمام تكدر تروح تسبح
الحر: باوعتلها ماعاجبني تصرفاتهه احس اكو شي كلت خل اجاريها صحتهاا تعاي يمي بلا
نداء: خير
الحر: مشتاقلج شنو خير
نداء: تشتاقلك العافيـة
الحر: نداء صاير شي وانه ماموجود
نداء: لاقابل شكوو
الحر: خير ان شاء الله ، عفتها ورحت اسبح طلعت من الحمام لكيتها ماهيه بالغرفة فتحت التلفون مالتي شفت رسايل من شغل وجماعتي سديته وخليته ع شحن وصليت ونزلت اسولف ويه فرقد واجتني
نداء: هاا هزاع اصبلك
الحر: لاانتظر ابوي بعد وكت
بثينـة: يمه انته جوعان روح اكل
الحر: لا انتظرهم
بثيـنة: اتاخرو شلون تبقه جوعان
فرقد: يمه دخيل ربج بسج شني جهال وتالي وياج عوفي الزلمه ع راحته
بثيـنة: اي يمه انتم شكد ماتكبرون بعين الام والاب تبقون جهال ومن صير اب تعرف قصدي
فرقد: هم جابت سيره الزواج
بثيـنة: دخلت ال30 وانته رافض فكره الزواج شوكت افرح بيك متت وماشفت جهالك شلون بيه
فرقد: احنه يومية هالسطوانه هاي يابهه عمرج طويل وعرس مو هسه عود الله كريم
الحر: ههههههههه خلي ع راحته الغالية ان شاءالله يلكه بنت الحلال ويزوج ويفرحنة
بثيـنة: ان شاء الله
رائد: هااااي كايز عاااااااااا*بعياط
بثيـنة: وجع حته وجع شبيك تعيط جنك معزايه
رائد: ماي برذر هنااا اخيييييييي بعد جبدي مشتاقلك كد الدنيا
الحر: هلا بيك شلونك ولك
رائد: نفس لوني هيههيهيه *بضحكه مايعه 😂
الحر: ولك مايصير براسك خير بعدك انته انته مو الي بعمرك جهالهم بطولهم
رائد: بعد مالكيت الملكة الي تليق بيه
فرقد: نهجم بيتك ياااامير هاري
رائد: شني هذا الخايس احلا مني
فرقد: لاعمي انته رائد ابن اركان ال.... وين اكو بجمالك
رائد: حسبالي
بثيـنة: ولج رويده باعيليي
رائد: هم كالت رويده يمه زلمه انه مو مره شتردين بلا
الحر: احجي عدل ولك
بثيـنة: لااكلك رويده دامك تحجي نفس المايعات
رائد: هساع احجي
بثيـنة: ابوك وين مامش وياك
رائد: يحاجي ابو سلام برااا ماتدرين لازم ياخذله فره يلا يدخل للبيت
فرقد: اي والله هوا مو جاي تعبان شعنده برا
رائد: شدرانيي يمه راح ابدل وانزل صبولنه عشه مصاريني تكطعت تكطع
بثيـنة: روح اسبح وانزل
الحر: دخل ابوي وسلمت عليه شويه وصبونه عشة بقيت اسولف ويه اهلي بس الجذب نضري نداء ابد ماعاجبني شكلهاا ماهتميت الها بقيت ويه اهلي اسولف صارت ساعة ب10 ترخصت منهم
اركان: هاا وين يابهه
الحر: والله كعدتكم ماتنمل بس تعبان اريد ارتاح
بثيـنة: روح حبيبي ارتاح
الحر: تصبحون ع خير
الجميع: اجمعين
الحر: صعدت لكيت نداء كاعده تحاجي اختها بس شافتني سدته كتلها طفي ضوا اريد انام طفت الضوا ورادت تطلع وين
نداء: انزل جوا يم عمة
الحر: راح ينامون انتي مانعسانة ماتنامين
نداء: لامانعسانة
الحر: تعاي ماكو نزله
نداء: شنو بكيفك هواا
الحر: كمت ع حيلي جاا بكيفج ست نداء وبعدين تعاي ادبسزز شهل اسلوب طايح حظه
نداء: وشتريدني اسويلك
الحر: نداء سدي حلكج لااكوم اجنزج كفيلج العباس اكوم افرغ المخزن براسج جاي تعبان لصمي وتعاي نطمري
نداء: اهووو
الحر: وجعوو  تعاي نامي وانجبي اجت مثل الحبابة حطت راسها ونخمدت عفتها ونمت ...
.
.
.
.
بشاير: مشة الوضع طبيعي كاعده انتظر حمزة ومااجة صارت ب4 وحمزة ماكو شعجب اتصلت عليه خالتي كالها عندي شغله شوية اتاخر بقينة كاعدين والعنود تلوب شبيج عنوده
العنود: ضهري راح يطك من الوجع
مروة: ولادة بااذن الله
زمرد: ليش حضرتج تشتغلين جده
مروة : انجبي هساع كولي ان شاء الله بس تلصمون الواحد ع حلكة
العنود: بسسس تعيطن يم راسي سكتن اخخ يمه ضهري
بشاير: تعاي حبيبتي كعدي خل افركلج ضهرج اجت كعدت خطية ثكلانه كوه تتحرك وكمت امسح ع ضهرها واقره ايات هااا ؟
العنود: شوية ارتاحيت
بشاير: الحمدالله
العنود: مروة مروة
مروة: هاااا شبيج زرفتي رجلي
العنود: سويلي قرفة
مروة: شني اشتغل عند الخلفوج انه
زمرد: عابتلج انه اسويلج حبيبتي
العنود: كون تعرسين يامروة وتحبلين اله اشلع قلبج ياحقيره
مروة: عود الله كريم
بشاير: كامت زمرد سوتلها قرفة شربت اكلج ترا موزين الكثره كافي شربين
العنود: غير يطلع ابن الخراا موتني يمه حموت من الوجع
مروة: المن تحبلن بس اريد اعرف
العنود: سدي حلكج مروه سدي
مروة: سكتنه عمي
بشاير: خالة وينج
ام حمزة: ها حبيبتي
بشاير: خالة خل ناخذها نتمشه بيهااا بلكت والله منا لبعشوي جيب
ام حمزة: خوش خل اخابر حمزة اشوفه
بشاير: اخذنه اذن حمزة وبدلنه ماقبلت تروح العنود اله اسويلها قرفة سوتلها زمرد وحطتها بمطاره واخذناها ويانه رحنه للحديقة قريبه ع بيت
زمرد: هاا العنود كومي يلا خل نتمشه جبناج تتمشين لو تكعدين
العنود: خايبه انطيني صبر خل ارتاح تعبت
زمرد: ماكو راحه كومي يلا
بشاير: انطي صبر زمرد خل ترتاح البنية تعبت
العنود: كومني حته امشي
بشاير: كومناها نتمشه وخالتي كعدت بنص الحديقة لكت مره جبيره وكعدن يسولفن واحنه نتمشه ومروة كل شوية ذابتلها حجايه وخلت العنود طفرر واحنه نضحك عليها عبر الاذان نريد نرجع لمينه غراضنه بعدنه ماواصلين للبيت والعنود صرخت صوت العالم كلها ندارت علينه
مروة: شبيج وكرص
العنود: راح اجيببببببببببببببببب الحكوني راح اموت
بشاير: صخام هساع وبشارع العنود فدوه اروحلج لااا
العنود: ولج بشايرررررر لحكيني يمه راح اموتتت
بشاير: احتارينه بيها تعده رجال بسيارته شافنه محتارين بيها وهيه تطلك ونريد سياره ماكو نزل خطية وصعدناها بسياره واخذناها للمستشفى وزمرد رجعت للبيت اخذت تلفون وخابرت حمزة ادك عليه مايجاوب بالاخير جاوبني
حمزة: بشاير هااا بوية جاي والله جاي ادري تاخرت
بشاير: خويه لاتجيييي
حمزة: شلون ولج ليش
بشاير: بوجهك للمستشفى
حمزة: ليش صاررر بيكم شي
بشاير: العنود راح جيببب الحكنه المستشفى .....
حمزة: جاي جاي يلا مع سلامه
بشاير: الله وياك سديته من حمزة وهاي تصرخ زرفت طبله اذاني وصلنه للمستشفى وجابو سديه صعدناها وكبل الصالة الولادة رجليه كامت ماتاخذ بالمشي وانه اشوف هاي صرخ وهاي موته روحهاا يمه باد كل حيلييي وانه لازمه بيد العنود اهديها اجت دكتوره تفحصها وطلعونه بره اخذت خالتي تلفونها وخابرت ع ام علي اجه علي اخذ مروة واخذني وياها رجعت للبيت لميت غراض طفل وغراضها وشغلات الي نحتاجها وفلوس واخذني علي رجعني للمستشفى لكيت حمزة واصل هااا بشرو جابت
ام حمزة: لايمة وين بعد اصبعين وتولد مناا ل7 اذا ماجابت شوف شلون
بشاير: الله يسهل الها وينها هساع
ام حمزة: جواا بالغرفة
بشاير: جاي نسولف انه وخالتي وحمزة خطية وجهه مخطوف شوية وطلعت الممرضة
الممرضة: منو بشاير
بشاير: نعم انه تفضلي
الممرضة: حبيبتي تعاي وياي المريضة هرجتنه تريدج
بشاير: صخام بوجهج العنود انه اشوف دم ادوخ نوب ادخل غرفة ولاده رحت ويه الممرضة واشوفها تلوب دمعت عيوني عليها كسرت خاطري تتوسل برايح وجاييي الله يساعدج كلبي ع كيفج كولي ياالله
العنود: الله لايوفقك حمزة بيوم القشمرتني ياطايح الحظ
بشاير: عزاا صوتج عنود براا والله يدخل يموتج
العنود: خل ياكل خراا لك عار انه تضحك علييي ولج يمههههه راح اموت
بشاير: كوا لازمه روحي مااضحك وهاي هرجتنه هرج بالغلط والفشار ع حمزة جان تحجي مره يمكن جايه ويه بنتها
المرة: خالة كولي ياالله بدال ماتحجين ع زلمة
العنود: ولج عيني قشمرني السكط انه الك حمزة اذا ماطلعت وطلكتك
بشاير: شلون طلكينه
العنود: اخخ اخلعه خلع من عساك بتوم كون يشلعون كلبك بالوجع الله يحبلك
بشاير: هيه كالت هيج وحته الي يردن يولدن كامن يضحكن عليها فطست من الضحك خرب يومج
العنود: عساك بتوم ياحمزة كون تحبل بدالييي وضوك الوجع اضعاف اخخ يايمة تعبت اخخ
بشاير: كافي ولج موتي روحج صل ع محمد
العنود: اللهم صل ع محمد واله محمد ولج بشاير ديربالج تعرسين ترا يضحكون عليج
بشاير: لاطمني مازوج بس كافي عليج الله صرتي حمره ع صفره
العنود: اخخ يمة راح اموت اخخخخخ
بشاير: كسرت خاطري وهيه تلوب جنها سمجه مزوهره صارت ب7 والعنود ماجابت اجت الممرضة كالت طلعي مايصير راح تجي الدكتورة تفحصها اجت فحصتها وطلعت كالت بعدها خلوها تمشي طلعتها من الغرفة واجيت امشيها بالممر هيه شافت حمزة وصرخت
العنود: جابك جابك اطلع براااااااااااااااا ولك اطلعع ولج عوفيني خل اكوم اكفشه اذا ماطلكتك بس خل اصير زينه اوكفلي انه تقمشرنييي انه الك حميزة
بشاير: شهرتنه شهيرة وحمزة خطية ساكت بس يريدها تكوم بسلامة
العنود: ابو النسوان يكلي سهران ويه صنديد وهوا يم النسوان العار الخبيث يااااا عليييي الحكني ولج يمه تعبت عساك ياحمزة بنفس الوجع
حمزة: يعني شلون احبل بدالج
العنود: عساك بتوم يمردوك مرد ويطلعون روحك نفسي شلون جاي تطلع روحي
حمزة: والله ياعيوني لو يصير جان سويتها بدالج بس شبيدي عليج ابوية انتي
العنود: وجع وجع لاتضحك سخيفففففف
بشاير: فضحتنه شوية واجتها طلكه القوية اخذوهاا وهيه كومت المستشفى وكعدتها من الصريخ اخيراً شرف ولي العهد بعد عناء باوعت للساعة بـ 9:20 دقيقة يوم السبت طلعو الطفل احمر وابيض يجنن وسمين حيل سمين وزنه سبع كيلوات اخذو ينضفون طفل وحمزة راح يشوفه وهسه طلعوها بالغرفة نايمة رحت اشوف طفل وصورته دزيته للبنات جان تتصل مروة
مروة: كلللللللللللوش شرف ولي العهد يايمه
زمرد: يخبلل بشاير يخبللل شكله
مروة: امبيتج وين شفتي حته عيونه مغمضه
زمرد: دباعي ابيض شحم
بشاير: ههههههههه يلا بسجن انه راح اروح وبس يطلعوها اخابرجن
زمرد: عليج الله سوت العنود مساع خابرتنه خالتي سمعت صريخها واصل للظالين
بشاير: مصيبة هاي بعدين اسولفلجن راح اروح ديربالجن ع بيت وع رواحجن باي
البنات: باي
بشاير: سديته ورحت شفته فدوه يخبل لكيت حمزة واكف يمه مبروك خوية يتربه بعزك ودلالك ان شاءالله
حمزة: بعد روحي خوية الله يبارك بيج يوم الالج وافرح بضناج
بشاير: اشكرك ، عفنه طفل ورحنه نشوفها كعدت اول مادخلت لكيتها مبلوعه بلع وجهه اصفر وكوه تحجي صوتها مبحوح الحمدالله ع سلامة كلبي
العنود: بصوت محبوح الله يسلمج
بشاير: ولج فضحتينه فضيحه
العنود: ههههه
بشاير: شلون صرتي هساع
العنود: زينه الحمدالله اسد وين
بشاير: اخذو ينضفونه ويفحصونه ويجيبو الج
العنود: ماشي وابو وين
بشاير: بعدها تسئل عليه هساع يجي
العنود: اي شلون لعد
بشاير: شوية واجة حمزة عفناهم وطلعنه انه وخالتي
.
.
.
.
حمزة: الحمدالله ع سلامة ام اسد
العنود: الله يسلمك
حمزة: شلون صرتي بابا
العنود: الحمدالله ابني وين
حمزة: هناك يمهم يبدلون اله ويجيبو الج
العنود: ماشي
حمزة: بعدج زعلانه
العنود: حمزة لاتحاجيني احنه بينه بس طفل هساع
حمزة: طكيتها بضحكة هههههههههههه يابوية كشمشتي هيج زعلانه علييي
العنود: لاتكول كشمشتي لاكشمشتك ولاجوزايتك وخر من وجهي
حمزة: يهون عليج تعوفين زوجج وحبيبج وابو بيتج زعلان وضايج
العنود: شوف لاعبالك تضحك علي بجم حجايه وتخليني احبل نفس سالفة ابنك هذا لو تموت ولاراح ارضي عليك عود هوا يقشمرني
حمزة: هههههههههههههههه هساع لو ماتوج جايبة جان طكيتج ب3 توم *يغمزلها
العنود: حمزة اطلع براااا لااكوم ارفسك والله اطلع براااااااا لاتخبلني
حمزة: ع كيفج كلهن نسوان حبلن وجابن شني قابل بس انتي
العنود: انته ضايكها الحباله شون تاذي والولاده اخس لو شهامك تحبل وماعليك بالباقي
حمزة: يعني شلون احبل بدالج
العنود: اخخخخ دعوه وحده نفسه وتوها جايبه الله يرزقك ب4 توم ومايخلوك اليل تنامه وتضوك الوجع نفسي الله يسويك حامل يارب سوي حامل يارب
حمزة: ضحكت عليها وهيه رافعه ايديها وتتوسل ودعييي ولج بوية انتي صاحيه
العنود: باوعتله بنضره متروسه حنيه حبيبي حموزايتي
حمزة: اخخ يابهه شنو من نضره عيونه عيونه كشمشه
العنود: تعال يمي دنك
حمزة: اوفف استحي يابهه
العنود: حمزة دنك شبيك حباب
حمزة: زوج المايدنك يابهه
العنود: دنك راسه يمي حسباله راح ابوسه الزكته راشدي وعضيته من خده
حمزة: اخخخخخخخخخ يابربوك هايي ليش
العنود: حته مره ثانيه تعرف شلون تتمضحك عليي وهساع اطلع براا ولاتراويني خلقتك يلا برااا
حمزة: عرمة صيري زينة وشوفي شسوي بيج
العنود: براااا يلا يلااا ، طلع حمزة وتمددت شوية وجابولي اسدي حبيبي عيون امه يخبل سمين وثكيل وابيض والخدود الخدود ضليت ابوس بي واصلي ع محمد بشاير حبيبتي
بشاير: عيوني
العنود: اذن بذانه حمزة
بشاير: اييي وشاله وبوسه
العنود: خوش*😒
بشاير: هههههههه بعدج زعلانة
العنود: يولي جاي يقشمرني حسباله اتقشمر بعد الحباله هاي
بشاير: هههههههه تدرين غير اسمه حمزة
العنود: فزيت ع حيلي صدك ليشش
بشاير: مادري بس كال ماريده اسد
العنود: جا شيريد
بشاير: صار اسم ابنج ( أسدالله )
العنود: هبطتيني يمه وليدي اسمه مركب حبيب امه
بشاير: حبيبتي الله يفرحج بي ويجعله من الصالحين
العنود: عمري بشورتي يوم الالج يكلبي بس ديربالج تتقشمرين
بشاير: ههههههههه ان شاءالله ، كعدنه نسولف انه والعنود شوية ودخلت
#يتبع ....
#الكاتبة نيروز الكربلائيـة 🖤.