وكر _الحر 🦅

البارت الثالث عشر

#وكر_الحر 🦅
(البارت الثالث عشر )
الحر: نمت نومه بحياتي مانايم مثلها ذبيت روحيي ومادري بدينا صار بعد فزيت ع اتصال من فرقد ياستار باوعت الساعة ب5:00 الفجر خير ان شاء الله خو ماكوشي الووو ها فرقد
فرقد: الله يساعدك مولاي
الحر: هلا بيك ولك خير شصاير
فرقد : ماصاير شي بس اجانة انذار ويردونك
الحر: صدك تحجيي ولك ماصار امس من نزلت شيردون
فرقد : اندري شيردون هسه ماعلينه تعال الصبح وشوف
الحر: خير ان شاء الله يلا انه اطلع للبيت واجيكم دبرها من يمك خوش
فرقد: ان شاء الله بس لاتتعطل
الحر: افتهمت يلا مع سلامه
فرقد: الله وياك
الحر: سديت تلفون من فرقد خرب روحهم مايخلون الواحد يرتاح هوه انه امس نزلت كمت تعوذت من شيطان ورحت توضيت وصليت طلعت بره ادخن واشم شويه هوا رفعت راسي واشوف بنيه لابسه عبايه بس مابين شكلها واكفه بابهم مشيت ع كيف وصلت قريب منها كتلها شعندج هنا واكفه بهل ليل ..
بشاير: طلعت اريد اشوف سياره حمزه موجوده وماشوف اله واحد صاح شعندج هنا واكفه جمدت بمكاني من الهبطه مالتي اجيت اعثر بالعبايه شلت عبايتي ودخلت للبيت حته مارديت عليه يمه هذا منين طلعلي بس الصوت مو غريب علييي اباوع الايدي ورجلي كلهن يرجفن وكلبي تحسين يريد يطلع من مكانه ونبضات كلبي سرعت دخيلك ربييي شبح هذاا والله حته شكله يخوف دخلت للبيت وقفلت البيبان وحته سالفة عمي نسيتها كمت رحت للمطبخ اشرب مااييي انداريت سمعت صوت مروة
مروة: نزلت اشرب مااي فزيت عطشانه اباوع بشاير مو بفراشها جا وين راحت نزلت للمطبخ اشوفها واكفه تشرب ماي منكد مانعسانه نسيت افتح الضوه كتلها شعندج هنااا
بشاير: عمه بعينج شبيكم اليوم انتي وهذاك فززتوني ناوين تموتوني استغفرالله العظيم اندري ياهو مسلطكم علييي
مروة: هااا اوكفي اوكفي انه صح نعسانه بس مو ثوله افتهم ياهو هذاك الييي فززج عيونييي ومنو مسلطه عليج هاا هاا
بشاير: وجع الوجعج صوتج نصييي هييي ماكو احد اصلاً انه شوكت كلت هيج وبعدين شمكعدج بهيج وكت
مروة: انه نزلت اشرب مااي عطشانه انتي الي شمكعدج بهيج وكت شكلج مو مال وحده كاعده هسه من نوم اصلاً مبين عليج مانايمة هااا اعترفي ولاتلوفين سالفه هذا ياهوا الي فززج
بشاير: ضليت ابلعم ادري بمروة ماراح تفك مني ياخه يمعوده مو احد مواحد سمعت صوت بالباب نزلت اشوف شفت العتوي خرعنيي وهسه انتي
مروة: جاا والعتوي مايجي اله بليل وعايف ناس كلها يريد يخرعج انتي غير عتوي لوتي هذا
بشاير: حصرت ضحكتي حته مابين انه اضحك كتلها اووو مروة وتالي وياج فكي عني خل اروح انام اشرفلي
مروة: روحي روحي وانه اريد اشوف هالعتوي هذا شلونه مالونه اشكر احمر اخضر
بشاير: ضليت اضحك ع سوالفها وحطيت راسي ع مخده وانه اتكلب منا ومنا مادري شوكت غفيت ..
.
.
.
.
الحر: اشو انه حاجيت هاي البنية وهيه الله للبيت حته ماردت عليي وثول حته ثول هاي شبيهاا هوه انه هم صوجي اي والله رجعت للبيت دخلت جوا لميت جنطتي وحضرت ملابسي شويه ورجعت تمددت فزيت ع ساعه ب 7:00 كلت بعد ماتسوه خل اكوم اطلع بطلعتي دخل حمزه
حمزة: صباح الخير شيخناا
الحر: صباح النور يابه
حمزة: هاا شنو شو ململم الغراض
الحر: ايييي خابرني فرقد ب5 كال جاينه انذار ويردوني
حمزة : لملمنه الغراض وهساع نشيل وانكطعت بعد كل المواصيل البيت الفاكدك ياريته مهجور ياشمعه البيت بجيت اليل روح روح
الحر:  يغني ويطك اصبع من الصبح ضحكني الله يطيح حظك تبقه كو*د وساقط سافل نذلل بلا عود انته واحد مرت عمه ميته وحزين
حمزة: جا اصرخ نفس النسوان
الحر: اغم والله اغم ههههههه
حمزة: هسه عوفنه مني بس تعال كلي شسالفه صدك تحجي شبيهم هذول انته مو امس نزلت وين رايح
الحر: مادري ياخوي هساع راجع للبيت بعد ابدل واحضر غراضي وارجع للدوام
حمزة: صدك تحجييي يادوام ولك حاجيهم كلهم انه امس نزلت
الحر: ولك شحاجيهم يكلك انذار ومليوصه لوص وهاا القذر ايهاب مجاز مرته تريد تجيب وهوا هناك وكلها طايحه براسي
حمزة: الله يساعدك خويه هساع كوم وياي خل نتريك والله كريم
الحر: خير ان شاء الله ، دخلنه للمطبخ شفت بنيه شابه لابسه دشداشه وشال ومرتبه وجنها حامل بطنها جبيرة واكفه تخدر جاي عرفتها مرت حمزة  احمم السلام عليكم
العنود: وعليكم السلام هلا خويه شلونك
الحر: هلا بيج خويه ام اسد الحمدالله بخير انتي شلونج
العنود: بخير الله يسلمك
الحر: خويه شلونه حميزه وياج
العنود: ماكو منه والله
الحر: كليلي اذا يسويلج شي حته اشلع ذاناته
حمزه: اصلاً انه رجال فقير
الحر: اي سوده عليه كلش فقير
حمزه : هههههههههههههههه
ام حمزه: ولكم يمه بسكم حجييي كومو تريكو يلا هساع يبرد الجاي
حمزة: يمه شوفي صنديد يريد يرجع للدوام
ام حمزة: يايمه وين رايح شعندك هناك ولك يمه انه امس يلا كحلت عيني بشوفتك شمسرع هيج تريد تروح وتعوفنا وانته صارلك شكثر ماجاي للديره
حمزة: كليله يمه كليله انه ماكدر ع فراكة كلبي مايتحمل
الحر: ضليت اضحك ع حمزة  الاغم يسوي روحه يبجي مثل النسوان ، حبيبتي شسوي غير شغلي اعوضج وداعتج
حمزة: ياحبيبي غير اخاف عليك شعندك هناك رايح اني منو اليه
الحر: سوده عليه حبيبتي لو يصير اخذج وياي
حمزة: اوف اوف منك هزوعيي
الحر: خاب اكل خره كرهتني حته بااسمي طاحظك
الجميع : هههههههههههههههههه
العنود: صافنه اباوع ع صنديد ماشاءالله شاب طول بوسامه بضخامه وشخصيته تجنن ماشاءالله دعيت الله يرزق بشاير نفسه خطيه تستاهل
الحر: تريكت وكملت وتوادعت وياهم وطلعت للبيت ..
.
.
.
.
بشاير: فزيت اباوع للساعه ب9:00 هاي انه شكثر نايمة بس راسي بعده يوجعنييي مادري شبيه كمت تعوذت من شيطان ونزلت جوا اصبح عليهم صباح الخير
البنات: صباح النور
مروة: ها كعدتي
بشاير: انتي شسوفين
مروة: انه اشوف كعدتي
بشاير: خوش
مروة: اكلج بشاير
بشاير: اصبحنا واصبح المللك الله خير ياطير
مروة: شمالج خايبه اريد انشدج ع سالفه
بشاير: اسمع
مروة: الصبح وانه اسوي ريوك فتحت الباب مال الحوش (الطارمة) ها خيه وشني اشوفلج عتوي واكف يم زرعات جان كال بشاير وين كتله بعدها نايمة كليي شتاقيتلها كعديها كتله لاخطيه من وراك كوه نامت *بشقه
بشاير: ياادبسزز ياماتستحين بطلي سوالفج لاكل الخالتي طيح حظج
زمرد: هوب هوب شبيجن تتكافشن وبعدين وين اكو عتوي يحجي
مروة: لاخيه هذا عتوي من نوع اخر *بشقه
زمرد: مافتهمت
مروة: احسن احسن *بضحكه
بشاير: عرفت مروة جاي تبسمرني الادبسزز ماجوز من سوالفها بس انه الها شنو اليوم مانتريك راح ضلن سولفن
مروة: اعصابج اوختي سويت ريوك ذاك جاي ويمج كيمر وصمون
بشاير: ياهو جاب كيمر وصمون
زمرد: انه الصبح فزيت ع ربده بالباب فتحتها ولكيت حمزة جايب الهم  والنه
بشاير: سوده عليه هالحمزه مادري شون اجازي
مروة: انجبي شهل حجي ولج ماتذكرين احنه من عمرنه يوم واحنه سوا رابين بعد شنو جازي وهالحجي الماصخم
بشاير: ولج انه بس اريد اعرف خالتي بيش متنسيه بيج اشو اهلج حبابين وطيبين وخوش ناس اله انتي السانج متبري منج
مروة: امي متنسيه بيه بجوز ولوز وفستوق طلعت اشقق زمرد: هجم بيتج ام الفوستق هههههههههه
بشاير: ههههههههههههه انه اروح اتريك اشرفلي
زمرد: روحييي
بشاير: تريكت وخلصت كمت اشرب ماي من البراد جان تجيني مروة
مروة: بشاير شنو نسوي غده
بشاير: مادري انتن شتردن
زمرد: خل نسوي برياني
بشاير: سوون
مروة: وين التمن شباب
بشاير: هاي يمج فتحي الكاونتر وتلكين
مروة: خوش
بشاير: انه رايحه انضف تردن شي ومروة اذا تحتاجين شي يمج زمرد
البنات: خوش سلامتج
مروة: ماشي
بشاير: رحت بديت انضف وكملت وصلت قريب غرفه امي فتحت الباب وضليت اباوع ع ريحتها اوففف ياعزيزه كلبي شكثر فاكدتج عمت عيني عليج يايمه تبهذلت والله بخلافج تبهذلت احوالي كمت فتحت الكنتور اباوع ع ملابسها اوفف ياريحتج نضفت الغرفه ورجعت قفلتها خلصت لميت البيت كله اذن الاذان ورحت اصلييي كملت صلاه وشلت سجاده طبكتها اريد انزل ودخلت زمرد
زمرد: بشوره اريدج بسالفه
بشاير: خير ان شاء الله كولي
زمرد: بشوره انه اريد اكلج شي بس مادري اذا هوا صدك لو جذب بس المهم تعرفين
بشاير: خير زمرد صاير شي من ورايييي حته وجهج نخطف شكو احجي اسمع
زمرد: بيوم الي جانت امي الله يرحمها مريضه بالمستشفى
بشاير: ايييي ؟؟
زمرد: من توسلت بيج وكتلج روحي ويه حمزه ومن رحتو رحت اغسل واجيبلي شي اكله رجعت وشفت
بشاير: شفتيييي احجي مالحكت تكمل زمرد قاطعنه صوت مروة كالت تعالن اتغدن
زمرد: هابعدين بعدين اكملج
بشاير: تعاي كملي ولج
زمرد: ولج بعدين انه نازله عيب البنيه بحدها
بشاير: فلتت مني زمرد ضليت اطحن بروحي شنو الشي شافته اشو اختي حته نكلب وجهه اصفر ياستار شكوو صاير نزلت اتغده يسولفن ويضحكن وبالي مو يمهن
مروة: شعندج صافنج وايدج ع الخد
زمرد: جنج عاشكه وبالج احد
مروة: وع يامال تبجين والمن تدمع العين
زمرد: والمن لابسه هالثوب الاسود والمن لابسه هالثوب الاسود
مروة: يااا بس لاذكرت العتوي
زمرد: ههههههههههههههههههههههههه
بشاير: صافنه وفزيت ع ضحكت زمرد زمخت بيها وضربت مروة ع راسها ع كيف طايحه الحظ موتيني انتي والعتوي مالتج جوزي عني مريوه
مروة: وداعتج حبيت الطف الجو اذا انتي وجهج يتلاطم
بشاير: وليي عني انه اروح انام اشرفلي
زمرد: بشاير صار هواي تنامين
مروة: تفكر بالعتوي 😂
زمرد: مروة حجت هيج وبشاير ع درج ونزعت نعالها وشمرته ع مروة اجه سنتر براسها ضليت اضحك عليهن جنهن ديج ودجاجة كلشوي يتعاركن مروة عمرها يقارب عمري يعني هم بالعشرينات انه 21  وهيه اكبر مني بسنتين عمرها 23 سنة بس عقلها صغير وسوالفها تخبل احنه نتونس عليها من تجي يمنه ومن خلتها خالة ام حمزه تبات يمنه حيل كيفت كلت ياربي طلع مود الضوجه والحزن من بشاير وتلطف الجو بسوالفها وحركاتها كملنه الغده وغسلنا الاماعين رحت اسوي چاي واجت مروة
مروة: اكلج زمرد شنو رئيج نسوي كيك
زمرد: تعرفين
مروة: شحسبالج ام بيت معدله
زمرد: خوش نسوي ليش لا
مروة: خوش انه راح اسوي كيك وانتي سوي زرده شنو رئيج
زمرد: خوش بدينه نسوي كيك وزرده وحضرنه كلشي صارت الساعه 3:30 راحت مروة تسبح وانه طلعت الكيكة من الفرن زينتها وكملت وخليتها ع صفحه شويه طلعت مروة من الحمام رحت طلعت ملابس الي وسبحت ونزلت صبينه چاي وكيك وكاعدات ناكل سمعنا الباب ندك
مروة: ياهو اجة
زمرد: اندري هساع افتح الباب بس كومي شيلي ذني بالمطبخ
مروة: خوش
زمرد: منوووو
ام حمزه: انه خالة فتحي الباب
زمرد: هلا خالة شلونج
ام حمزه: هلا بيج بعد حيلي شلونج يمه شلون صحتج اختج شلونها
زمرد: بخير خالة الحمدالله ليش واكفه تفضلي دخلي
ام حمزة: ياالله
زمرد: دخلت خالتي وسئلتها ع العنود خالة وين ام اسد ماهيه وياج
ام حمزة: والله يمه العنود تعبانه خطيه من الحباله وعفتها ترتاح كتلها انه رايحه اشوف البنيات واردلج مريوه وين لاهيه لابشوره
مروة: هاااا هاا يمعت اسمي
ام حمزة: وعلااا ع هالحس شجاج ولج ثكلييي
مروة: شلونج عيني نبراس
ام حمزة: ولج احترميني انه امج شنو صيحيني بااسمي
مروة: هساع ديلا سابه العنب الاسود
ام حمزه: ياطايحة الحظ ولج رادلج تربية من جده وجديد
مروة: لازعلين عليه ماميتو انه سبورتيه احب الطف الجو
ام حمزة: طاحظج
زمرد: بقت تشاقه ويه امها مروة وانه اضحك ع سوالفهم استئذنت من خالة ام حمزة ورحت اكعد بشاير..
.
.
.
بشاير: صعدت نمت وذبيت نفسي تعبانة كل حيل مابيه مكسره تكسر من اثر الفاتحه وامس مانمت زين من غفيت حلمت جنه اميي لابسه ابيض واجت الي بيدها مفتاح  جبير  كتلها يمه شنو هذا الي باايدج كلتلي يمه هذا مفتاح كتلها وشسوين بي وهذن البيبان الي وراج شنو اباوع ع بيبان واحد لونه ابيض وثاني لونه اسود يمه شنو هذن فهميني كالتلي يمه هذا المفتاح خلي عندج وهذني البيبان اثنينهن اختاري واحد واخذي المفتاح وفتحييي وهذا الباب الابيض باب سعاده وهذا الباب الاسود باب الحزن والهم والغم ويايمه ديربالج ع نفسج وع اختج وديربالج من عمج ناويلج نيه كشره تره مايفوتها الج والتزمي بصلاتج يمه واكو عنوان تلكينه بكنتوري لو ضاكت بيج الوسيعه روحي اله مايردج اخذت المفتاح من امي واجيت افتح الباب الابيض ماينفتح ابد رجعت فتحت الباب الاسود نفتح فزيت من نوم اخترع واصيح لالالالالاكافي تعب كافييييييي كعدت اباوع النفسي عركانه وجسميي كله يرجف استغفرت ربي وتعوذت من شيطان وكمت سبحت وبدلت ملابسي واكفه امشط كبال المرايه وكلام امي يرن بالي كمت توضيت وصليت كملت فتحت الباب عليه زمرد
زمرد: ها كاعده
بشاير : اي كعدت قبل شويه
زمرد: تقبل الله حبيبتي
بشاير: منه ومنج صالح الاعمال
زمرد: شسمه صدك اجت خالتي ام حمزة جوا وسئلت عليج تريدج
بشاير: خوش انه جايه نزلي وانه وراج انزل
زمرد: خوش لاتتعطلين
بشاير: ان شاء الله ، كملت تمشيط ولفيت شالي ونزلت سلمت ع خالتي السلام عليكم
ام حمزة: وعليكم السلام هلا يمه هلا بعزيزة كلبي
بشاير: هلا بيج خالة حبيبتي
مروة: يمه جا وانه مو عزيزه كلبج
ام حمزة: لا انتي المغثه مال البيت وشالعه كلبي
مروة: رحمه الله والديج مقبوله منج شسوي مره جبيره بعد
ام حمزه: لايااادبسزز
بشاير وزمرد: ههههههههههههههههههه
ام حمزة: المهم ماعلينه يمه من سوالف هاي تافهه هساع وخلينه بالمهم يمه بشورتي بنيتي انتي العاقله الناضجة اجيت انه اليوم احاجيج بسالفه
بشاير: كولي خالة امريني
ام حمزة: يمه لازم ملابس امج تنطيهن الناس محتاجه مايصير ينخلن بالكنتور وحرام ملابس الميت يبقن بالبيت ماهو زين بعد خالتج خليهن ننطيهن للناس الفقره لميهن انتي واخياتج مروة وزمرد وانطينياهن انه اعرف ناس اريد اوزعهن عليهم اذا تقبلين
بشايرر: من كالتلي هيج نمرد كلبي معقوله ملابس امي الي بس هنه بقلي منهاا يرحن للغريب تعوذت من شيطان وكتلها ان شاء الله خالة *بحزن وقهر
ام حمزة: يمه انه ادري عليج صعبه وع اختج بس هاي حال دنيا يايمه لااعتراض ع حكم ربج الله يرحمهم همه سابقون ونحن لاحقون
بشاير: ونعم بالله لاخالة احنه راضين بقضاء الله وقدره الحمدالله والشكر ع كل حال مو هيج زمرد
زمرد: بدمعه* اي صح
ام حمزة: بارك الله بيجن بعد كلبي
بشاير: ردت اسئلها ع حمزة وترددت بعدين كلت خل اخابره بليل واشوفه وين واحاجي
ام حمزة: خيرج يمه بشوره شو معاجبني شكلج
بشاير: هاا لاخالة سلامتج ماكو شي
ام حمزة: خوش يمه يلا انه اروح اخليجن بحدجن ترتاحين ولج مريوه صيري ادمية وديربالج ع خياتج
مروة: شقصدج يمه انه مسودنه نعم الله عليج وفوك هاي ماتكليلهن دربالجن ع اختجن توصيني عليهن
ام حمزة: جاانتي من زمان مسودنه اي وغصبن ع راسج ان شاء الله ماراضيه
مروة: لابعد انتي رفعتي السلاح الاسود {تكرمون نعال😂} اكيد راضيه وغصبن علي بعد ارضه
ام حمزة: خوش جاا انه اروح يلا مع سلامه
بشاير: هههههههه مع سلامه الله وياج خالة ، راحت خالتي وبدينه نسوي عشه البيت نضيف تعشينه صارت الساعة ب9:00 كمت صعدت الغرفتي طلعت تلفوني ومتردده اتصل بحمزه خاف  طالع خاف بدوام وينه شلون ميه حسبه اجت بالي بعدين كلت خل اجرب حضي شخسرانه ولو ادري بي حضي مصخم بس نجرب كمت اتصلت ..
.
.
.
- حمزة: جنت طالع بره ورا ماراح صنديد طلعت اكضي شغلات الناقصه واريد امشي للدوام بهل ايام دام خلصت الفاتحة جنت بسياره اسوق للبيت واجاني اتصال باوعت اخيتي بشاير خير ان شاء الله الوو ها بوية 
- السلام عليكم شلونك خويه ابو اسد
- وعليكم السلام هلا بيج خويه الحمدالله انتي شلونج
- الحمدالله بخير دامك بخير
- دومج بويه ان شاء الله امري خو مامحتاجين شي
- هاا لاسلامتك بس ردت ...
- كولي بويه عليش متردده ومستحيه امريييي
- بس انته وين خويه اريدك بشغله يعني ياريت اذا فارغ لو بلبيت تمرنه
- والله انه بسياره للبيت جاي ان شاء الله بس اوصل امرلج تدللين بويه
- رحمه الله ع والديك مشكور خويه
- لابويه تدللين ولايهمج
- مع سلامة
- الله وياج
بشاير: سديت تلفون من حمزة وانه جسمي كله يرجف يايمه شراح اكله وشراح يصير وشنو ياربي دخيلك شويه كاعده بغرفتي احاول الهي روحي باايشي اندك الباب مال غرفتي تفضل
مروة: بشاير كاعده
بشاير: اي كاعده دخليي
مروة: هاا خيه اكلج ابو اسد وصل وهساع هوا بالدوانيه يريدج
بشاير: هاا اي خوش هساع نازله بس الف شالي واجيج
مروة: خوش
بشاير: كمت لفيت شالي واباوع بالمرايه وجهي نخطف سميت بسم الله ونزلت عبالك وحده مسويه جريمة الخوف ماكلني دخلت للدوانيه لكيته كاعد وزمرد صابتله چاي سلمت عليه السلام عليكم شلونك خويه
الجميع وعليكم السلام
حمزة : هلا بيج بويه زينه انتي شلونج
بشاير: الحمدالله
حمزة: خيرج بويه ردتيني اجيج كولي شنو صاير اشو انه بسياره وصوتج ماعجبني خير صاير
بشاير: والله ياابو اسد مادري شكلك ومادري اصلاً الي راح اكوله شنو
حمزة: كولي بشاير خوفتيني بويه صاير احجي وعليش هالخوف انه بضهرج ان شاء الله بس احجي طيحتي كلبي
بشاير: خويه اسمعني بيوم فاتحة امي احت مرت عمي وبناتها انته تعرف عمي سامي وسوالفه وتعرفه شنو هوا
حمزة: اكيد تعلميني بي
بشاير: اي المهم اجت هيه وبناتها وتخلفت النه وطلعت وبيوم رادت تطلع بنتها انطتني رقمها وكالت اريد اخابرج وره فتره خابرتني وكالت عمي سامي ماخذ قطعه ابوي وماعرف منو متنازل اله وشلون صارت مادري بس جايب اثنين ويريد يعرضها عند دلال ويبيعها وخابرتني ترجف وتبجي وحجتليي تكول احنه ماندري وهيه سامعته بسكته وهذا الي صار وانه خايفه ومتردده قطعه ابوي تروح وبس هاي الوحيده الي ورثناها من ابوي وعايشين عليها
حمزة: وشوكت صار هذا الحجي كله بلا * بعصبيه
بشاير: قبل4 ايام 
حمزة: وليش هساع يلا حجيتي
بشاير: جنت متردده
حمزة: استغفرالله بويه سالفه مثل هاي ماينسكت عليها لو بنفس اليوم حاجيه وكايلتلي جان عرفت اصرف بيومها هساع اذا سوينه شي يكول جاي تتبلون علينه واحنه ماعدنه مستمسك عليه استغفرالله ياربي شهل قذاره شايله هالرجال * بعصبيه وانفعال
بشاير: والله خفت والله وهساع يلا كدرت احجييي كلت بلكت شويه يرتاح كلبي ودبرها النه ماعندي غير الله وانته * بجيي
حمزة: استغفرالله ولج بويه عليمن البجي هذا هساع انه شكايل مو كايلج انه بضهرج خلاص انه اعرف شصرف بس كون الرم مستمسك عليه زين بنته ماتكدر تشهد لو رادوها بالمحكمه؟
بشاير: لالا دخيلك كلشي ولابنته خطيه البنيه امنتني حته اسمها ماجيبه ماريد اورطها
حمزة: سهله يلا مسحي دموعج انه اعرف اصرف
زمرد: انه اسمع وعيوني مغوركات بدموع ذكرت بيوم الي اجه بالمستشفى اجيت احجي وترددت بعدين ضليت ابجي بصوت عالي الكل انتبه عليه
حمزة: شبيج بويه ليش تبجين مو كتلج انه احلها
بشاير : زمرد اهدي اهدي شبيج حبيبتي
مروة: هاج مااي حبي  ع كيفج شجاج ياربي دخيلك
حمزة: اهدي بويه واحجي شبيج ليش جاي تبجين هيج
زمرد: انه انه انه اعرف ..
حمزة: شتعرفين احجي
زمرد: يتبع .....
#الكاتبة نيروز الكربلائيـة.🖤
كلش اعتذر عن الانقطاع والقصور صار  بس تعرفون عيد وملتهيه رجعت وياكم وان شاء الله نكمل القصة بس اريد تفاعل قوي حته يصير واهس  🤍'