وكر _الحر 🦅

البارت الثالث والثلاثون

#وكر_الحر 🦅
(البارت الثالث والثلاثون )

الحر: اظاهر انتي محد مئدبج ومربيج عدل وغصبن ع راسج ماراح صير الخطوبة سمعتي لولا
بشاير: احترم نفسك انه متربايه اكثر منك ومتئدبة وانته بكيفك تقرر ان شاءالله
الحر: ضغطت ع زنودهاا بايدي وحجيت فحيح * وكلام الله يابشاير اذا صارت الخطوبة تطلع جنازتج قبل لايصير كلشي سامعتني
بشاير: شبيك انته شتريددد منييييي عوفنييي ماتستحي
الحر: سهله يصير خير خل يصير شي وشوفي شراح اسوي بيج
بشاير: شعليك انته بصفتك منو ابوي امي اشو من تالي طلعتنه ساعدتنه وشكرنه منك بعد شكو جاي تهدد وتتوعد ماذيتك انه ليش تاذيني لو حسبالك انه مجرم عندك وجاي تشرط وتتوعد اله
الحر: ببرود * هذا الحجي كله بعدين نعرف شون نصرف ويااا بس بنسبة للمجرم ايييي انتي مجرم بس من غير نوعيه * وغمزلها {دخيل ربك شكد فيسد 😂}
بشاير: فللتت روحي منه وصعدت فوك اركض دخلت للغرفتي وقفلت الباب عزاا بعيني هذا شيريد يسوي بعدين ذكرت من سحبني اله وصار صدري يضرب بصدره كزبر كل جسميي واحس روحييي ماعت استغفراالله ياربي هذا شناوي يسوي معقوله يئذي الهشام لو يئذيني بعدين كلت هذا مايكدر يسوي شي دام حمزة بظهري بعدت التفكير من راسي وكمت ع حيلي غسلت وجهي بمااي بارد فتحت الباب ونمت ماريد افكر اكثر
.
.
.
.
الساعـة 8صباحاً..
بشاير: نزلت الصبح لكيتهم كاعدين بالصالة يتريكون بس زمرد ومروة فوك نايمات صبحت عليهم صباح الخير
الجميع : صباح النور
ام حمزة: يلا بشوره تعاي تريكي
بشاير: اي خالة كعدت يم العنود وشلت اسودي ابوس بيي وهزاع كاعد كبالي كل ماارفع راسي يباوعلي ويخزر بيه بداخلي كلت والله مريض مو صاحي
العنود: بشوره شنو تردين اصبلج جاي بحليب لو جاي بس
بشاير: جاي بحليب
ام هزاع: جنج هزاع يموت ع جاي بحليب
بشاير: عنوده كلبي صبيلي جاي ماريد جاي بحليب {😂😂😔} رفعت راسي لكيته يخزرني باوعتله ورفعت حاجبني بمعنى شكو ان شاء الله كعدنه نتريك جاي يكول عمو اركان
اركان: ييي بنيتي شلونج
بشاير: الحمدالله عمو بخير
اركان: عساكم بالخير اي باباتي مامحتاجه شي منا مناك انتي واخيتج
بشاير: شتاقيت الكلمه بنيتي وباباتي وبوية جان ابوي دوم يكولهن الي دمعت عيني وكتله لاشكراً عمو اريدك سالم حمزة ماقصر ويانه
اركان: بعد قلبي الله يسلمج ادري بي ونعم منه ومن اصله
حمزة: تلسم عمي رحمه الله والديك
بشاير: كملنا ريوك وشلنه الاماعين عفت اسودي يم خالتي ام حمزة ورحت اغسل الاماعين
العنود: صدك بشوره البارحه عفتج وصعدت وين رحتي بعدين انتظرتج وماجيتي حته البنات كالن مادري وين راحت ضل بالنه بس لامريضه بيج شي يعني ؟
بشاير: لاحبي مابيه شي بس نعست ودخت وصعدت سبحت ونمت
العنود: هاا سلامتج كلبي
بشاير: الله يسلمج ، كملنا الاماعين والعنود عفتها تطبخ الغده وطلعت يم خالاتي بالحديقة كاعدات اجيت وبسطت يمهن هلاوو
الجميع: هلاا
بشاير: عن ماذا تتحدثون
الجميع: هههههههه
ام حمزة: ماكو يمه نسولف ع اهل قبل
بشاير: الله شحلاتهم ياريت زمنه نفس زمنكم
ام حمزة: يمه انتم هساع بزر نستله وين تتحملون الي تحملنا احنة
بشاير: هم صدك والله
ام الحر: اكول يمة بشاير
بشاير: نعم خالة كولي
ام الحر: يعني انتي هاهيه موافقـة يعني مابالج شي منا مناك هذا زواج مو لعب
بشاير: بداخلي هاي يمكن ثاني مره تسئلني شني سالفه اي خالة موافقه لاماكو شي ان شاء الله
ام الحر: ان شاء الله
بشاير: بقينة نسولف انه وخالاتي تالي دخلن وانه ضليت كاعده بالمرجوحة اتمرجح والجو يجنن شمس حلوه كاعده وادندن اغنية ماضن يجيبه البخت راح وخسرته متكلي شيجبره كلبي الكسرته لاهيه كسرت ضلع من الكلب منشلع وكاعده ادندن شوية وسمعت صوت يكول صوتج حلو نداريت شفت هزاع واكف ع صفحة فزيت من مكاني وعدلت شالي انته من شوكت هنااا
الحر: من كسرت الضلع
بشاير: انحرجت منه سكتت من رخصتك
الحر: وين وين تعاي كعدي
بشاير: شتريد
الحر: احجي وياج
بشاير: بخصوص شنو
الحر: شكد سئلين خرب عقلج كعدي
بشاير: كعدت ع مرجوحة وهوا كعد يميي بس مسافة بيناتنه جان يكلي
الحر: تدرين صوتج ححلو
بشاير: اي اعرف دوم يكلولي هيج
الحر: منو يكلج
بشاير: خواتي
الحر: همم
بشاير: شنو ردت تحجي
الحر: ترا مااكل بشر بس حبيت اكعد يمج واسولف ليش شردين مني
بشاير: مامتعوده اكعد يم احد غريب واسولف وياا
الحر: بس انه مو غريب
بشاير: حته لو ماصار فتره من عرفتك ع اي اساس اكعد يمك
الحر: راسج بي عقل؟؟
بشاير: طبعاً
الحر: والله اشوف راسج بي جوزه مو عقل
بشاير: سكتت وعفته بعدين اجت بالي شيصير لو سئلته عن تصرفه البارحة اكول
الحر: همم احجي يابهه
بشاير: انته ليش تصرفت هيج وياي البارحه وكعدت تهدد بيه
الحر: تغيرت نضراته وباوعلها * حته جرين عدل
بشاير: بس مالك حق تمنعني من الناس الي احبهم انته مجرد ابن خالتي وبس
الحر: كوه مصبر روحي عنهاا هذا الموجود يعجبج يعجبج مايعجبج ركعي راسج بالحايط
بشاير: هذا اسلوب واحد عاقل برئيك مايصير هيج ليش تدخل بخصوصيات العالم
الحر: ماريد اباوع لعيونها لان اضعف يشككن كلبي كتلهاا * بنسبة الج انتي وسكتت
بشاير: شو سكتت ماتحجي
الحر: بشاير دخلي جواا اجاني اتصال روحي
بشاير: عفته ودخلت ادردم والله غريب اطوار مادري شبي كل ماحجيت مايعجبه بس هوا يدخل بخصوصيات العالم تهي بهي
العنود: هاي عليمن ادردمين
بشاير: ع واحد حمار بعقله جوزه
العنود: هههههههه منو هذا
بشاير: خيولي انسي شسويتي غده تره جعت
العنود: سويت بامياااا
بشاير: اكول ريحه تعط عاشت الايادي راح اصعد اصلي واكعد البنات وننزل نتغده
العنود: روحي حبيبة
بشاير: صليت وكعدن البنات تغدينة وخلصنه وضلينه نسولف كاعده ع صفحة وفتحت الواتساب جنت اشوف الحالات باوعت لكيت هزاع ناشر الاغنية الغنيتهاا مادرتله بال اندارت الحالة طلعتلي حالة هشام جان كاتب يا حبيبي أيعقل أن تفرقنا المسافات وتجمعنا الآهات يا من ملكت قلبي ومُهجتي يا من عشقتك وملكت دنيتي وحاط حرفي لاارادياً انرسمت ابتسمه ع وجهيي شوية ودزلي رسالة
هشام: هاا حبيبي شلونج
بشاير: الحمدالله
هشام: اخيراً عليتي قلبي ع ماوافقتي
بشاير: ببتسامه * غير افكر واخذ راحتي بالتفكير
هشام: من اروح فدوه لهل خدود صارن طماطه هساع بشاير والله مامصدك وروح الماتو وماشفتهم مامصدك
بشاير: ههههههههه لاصدك
هشام: شوكت نجيكم ونشوفج ونحجي بالشغلات مال خطوبة
بشاير: بعد وكت هشام هيه امك البارحة اجت
هشام: اوف ولج مامصدك حيل مشتاقلج والله
بشاير: يمه وجهي صار احمر اصفر * ان شاء الله شوفني وتشبع مني شوف
هشام: عمت عيني اذا شبعت منج شوف انتي ماينشبع منج
بشاير: هشام عليك الله كافي والنبي راح ابجي
هشام: ههههههههههاي هاهيه بوية بعد مااحجي يلاا سكتنه
بشاير: احسن ، ضلينه نسولف وسديت تلفون كمت كعدت يم البنات بقينه نضحك ونشاقة صار اليل ومثل العادة مر اليوم بسلام الحد الساعة ب10 جنه كلنا كاعدين بالصالة واجه هزاع جان يكول
الحر: السلام عليكم
الجميع :وعليكم السلام
اركان: ها بوية شو تاخرت
الحر: بوية صارت شغله وطريت اتاخر بس اجيت اكلك حضرو نفسكم
بثيـنة: ليش يمة
الحر: يمة صارت عندي شغله ولازم ارجع للعمارة وانتم وياي خو ماعوفكم وحدكم ترجعون
حمزة: شسالفة ماصارلكم هواي من اجيتو
الحر: شسوي ياخوي عندي شغل هوااي وهساع صارت سالفه ويردوني
حمزة: ادنه يمه وهمس * بس لا ع سالفة ذكول نواقيص جم مره كتلك عوف القضية بس اخخ منك شكد عنيد
الحر: ولك لا مو همه غير شي بس وربك اكضيهم كضيان انه الهم وين يرحون مني
حمزة: اوف منك ومن راسك اليابس
الحر: هاا ياابهه نتوكل هساع شتكولون
اركان: بوية دام انته تريد تروح لازم نرجع لان انه هم عندي كعده عشائريه عكب باجر فَ نرجع وياك احسن
بثيـنة: والله بعدني ماشبعت من البنات
البنات: احنه هم خالة ماشبعنه منج
ام حمزة: ان شاء الله نخلي يوم ونمرلكم
بثيـنة: بفرحة * كل الهلا حبيبة
اركان: بوية بشورة لازم تجن نشوفكم ونعرف الجماعه عليكم ونضيفكم يمنه
بشاير: ان شاء الله عمو اخلي اخوية يجيبني الكم
حمزة: تامرين امر اخيتي
بشاير: بكلبي اخيراً راح يروح ابو راس اليابس فكه ونخلص منه ياربي همزين جنت صافنه عليه وادردم بكلبي اشو هذا رفع راسه ورفعلي تك حاجب سويتله براسي بمعنى خير شكو سحب جكاره وكام يدخن وصفن بوجهي غلست عنه وبقينه نسولف شوية وصلتني رسالة ع واتساب فتحتها لكيتها منه كاتبلي
رسالة : راح اطلع للحديقة 10 دقايق والكاج يمي
كتبتله مااطلع رجع عليه
رسالة: سمعي الكلام احسن ماتندمين وتره اسوي شي مايعجبج
بشاير: خفت خاف يسوي شي ترخص وطلع ورا شوية شحبت نفسي وطلعت لكيته واكف بالحديقة يدخن ومنطيني ضهره تلفتت ماكو بشر الحمدالله رحتله كتله هاا خيرر ؟؟
الحر: تاخرتي ليش
بشاير: ع ماطلعت من يمهم وخاف احد يشوفنه شتريد صحتني
الحر: انتي تدرين باجر راح اروح
بشاير: ترا سمعت مو طرشه
الحر: انتي عود ليش لسانج طويل
بشاير: عود مرت جايه اكصره ولايهمك هساع شتريد
الحر: استغفرالله سمعيي بشايرر انه راح اروح للبيت وارجع واحتمال اروح للشغل واطول ع ماارجع فَ ايشي يصير بدون علمييي حسبي روحج ميته سامعتني
بشاير: شو تهدد ؟؟
الحر: بشاير لاطولين لسانج لااكصه الج واهدد واكسر راسج وايشي يصير يكون بعلمييي حسج اذا سمعتج مكايله الي لو صاير شي من ورا ضهري اكسر راسج سامعتني
بشاير: استغفرالله ربي
الحر: سمعتيييييييي لو اعيدد ؟؟
بشاير : سمعت سمعت لاصيح لحد يجي
الحر: ادنيي شوية
بشاير: هزاع وخر شتريد
الحر: دنيييي شوية شبيج مااكلج
بشاير: ضليت واكفه بمكاني جرني من ايدي وصرت مقابيله نزعني شالي واخذ خصله من شعري شمهاا حيل جسمي كل كزبر وروحي فرفحت اخذ شالي وضمه شسويت * بصوت تعبان
الحر: شعليج
بشاير: شنو شعليه انته ماتستحي
الحر: سدي حلكج شي ماتعرفينه لاضلين سئلين بييي
بشاير: استغفرالله صدك ماعندك اخلاق
الحر: وحق ربج بس خل اسوي الي براسي اذا ماطلعتهن من عيونج ذني الحجايات ماااسمه هزاع
بشاير: وخرر عني اريد ادخل
الحر: روحي روحي روحي ياحمامة قلبي *بصوت ناصي
بشاير: ماسمعته شحجه ركضت للمطبخ وانه الهث يمه حركتة بندت جسمي كله دخلت شوية واجتني زمرد شايله ترمز الجاي والكهوة
زمرد: خيررر شبيج
بشاير: هاا لامابيه
زمرد:جاا ليش تلهثين
بشاير : انه صاعده زمرد تعبت
زمرد: خبال والله محد صاحي هناا
بشاير: صعدت فوك من الهبطة دخلت للغرفة وقفلتها وختلت جوا لحافييي وكلبي يدك سريع كشفت وجهي صفنت ع سكف ولاارادياً جسمي رجف يمه شعور مادري اول مره احس بي بس ماعرف شنو هواا
.
.
.
.
صباحـااً
بشاير: فزيت من نومتي وصليت باوعت للساعة بعد وكت بس مو مال ارجع انام نزلت جواا لكيت بس خالتي تقره قران واسودي نايم بالصالة صبحت عليها ودنكت بست اسود وكمت رحت للمطبخ وسويتلي لفة اكلت وتريكت وكمت ع طبخ نضفت وطبخت وكعدن البنات هدوء البيت كلشي ماكو
العنود: هاا بشورة شو صفنتي
بشاير: بيت خالتي راحو
العنود: من زمان الفجر طلعو
بشاير: هم خوش انه كملت الغده راح اصعد الغرفتي انضف
العنود: روحي حبيبي
بشاير: صعدت فوك نضفت الغرفة وكعدت فتحت تلفوني اتصفح دخلت ع واتساب لكيت هزاع دازلي مسج كاتبلي
💬: صباح الخير بشاير انه رايح ادعيلنه نوصل بسلامة والي كلته الج خلي بالج وحسج اذا سمعت شي صاير من وراي راح افتقدج ديربالج ع نفسج ياحمامة ...
بشاير: صفنت ع رسالة قريتها الف مره حمامة شنووو ارجع اقره اريد افتهم شي ماكو تالي كتبتله بسلامة ان شاء الله وسديت تلفون نزلت جوا مر اليوم عادي ..
.
.
.

بشاير: مرن شهرين وانه مرتاحة من هزاع حته ماادخل للواتساب هواي ولااشوف شي احسن اجو اهل هشام واتفقنة ع خطبة صير يوم الخميس وبدينه نجهز الكلشي وحضرنه الغراض بيوم صادف ثلاثاء جان باقي اشياء بسيطه نجيبها للعقد كعدت الصبح بتسعة تريكت وبديت اشتغل شوية واجة حمزة سلم علية وصاحني نعم خوية
حمزة: بوية صبيلنه جاي اجانه ضيف
بشاير: ان شاء الله صبيت چااي وكيك ومااي ودكيت الباب
حمزة: دخلييي
بشاير: دخلت وجانت صدمة
#يتبع ....
#الكاتبة نيروز الكربلائيـة.🖤
ملاحظة : مرحبا عمري شلونكم بناتيي طبعاً اعرف البارت قصير بس هذا الي وصلني من البطله لان عدهم خدمة وكلش اعتذر منكم بخصوص التعطيل عن النشر بس والله احنة هم عدنة خدمة وجاي نخدم وطبعاً ماانساكم بالدعاء الجميع دعيتله والله يتقبل 🤲🏻..