وكر _الحر 🦅

البارت الثاني والثلاثون

#وكر_الحر 🦅
(البارت الثاني والثلاثون)

بشاير: وخر ايده عن حلكي وهمس يم اذني لاصرخين نايمين منوووو انته عفية وخرررررر وانه جسمي كله يرجف حسيت حته روحي راح تطلع
الحر: شعندج هنااا
بشاير: اريد افرزن صوت منو ماكدرت جسمي يرجف وروحي لايبه من الخوف اجيت احولل انته منو
الحر: انه هزاع
بشاير: كال اسمه وانه وكعت بالكاع اجر النفس كواا وهوا واكف يباوعليي كمت ع حيلي وكتله انته صدك تحجي تنحنح كول شي ردت توكف كلبي اكو واحد هيج يسوي
الحر: صافن عليها وع شعرهاا وعيونها * انتي شمنزلج هنااا
بشاير: عطشانه واجيت احول بعد شنو منزلني
الحر: همم
بشاير: اباوع عليه وضعه مو طبيعيي شعره مخربط شكله جان يغسل والجكاره بيده وعيونه تخبلل مكحلات  حجيت بيني وبين روحي فلك فلكك ع هلجمال شايله احووو شون عيون
الحر: اباوعلها شون صافنه علييي وترجف ذبت بعيونهاا وشعرها سواده يشك بنص وطوله لو عيونهه الجنهن بحرر اجت الكهرباء شو هاي صرخت من مكانهه ذبيت جكاره وجريتها من ايدها
بشاير: عزاا بعيني اجت الكهرباء وانتبهت ع روحي انه بلا شال نازله ولابسه دشداشه كصيرونه مال نوم صخام صخمني عطت وهذا جر ايدي وختلنه ورا المولده
الحر: صوتج شبيج تردين تكعدين العالم علينه بهلليل
بشاير: عفية وخررر عيب مايصير
الحر: شنو المايصير شبيج
بشاير: وخرر انته محاوطني باايدك وانه بلاشال ولابسه دشداشه كصيره مايجوز وخر عني
الحر: صوتجج لاتعلينه لاطيح حظج وبعدين ادري عيب بس حمزة نزلل من للحديقة ماريده يشوفج
بشاير: باوعتله حمزة نايم شنزله بهليل شو ماسمعت شي بس حمزة نايم شينزله هساع وانته شلون شفته
الحر: شفته بعد سدي حلكج شوية
بشاير: سكتت وضلينه واكفين ورا المولده
الحر: جذب لاحمزة نزل ولااي بشر بس اريدهاا اريد اشم عطرهاا دوختني بنت الاوادم بيضهه وزنودها طالعات والشعر اوف يالشعر سطرني سطر واكفه كبالي وتتمايل اجس روحي ماعت عليهااا اخذت خصله من شعرها وشميتهااا اجس العطر مالها دخل الريتي براحه
بشاير: واكفين لاساعه ولاساعتين نعست وانه نزلت مطفيه واستحيت من عنده مادري شضم من جسميي حجيت بيني وبين نفسي شكد ثوله شنزلني هساع انجبي وصعدي وياج مااي اله تعطشين هساع بعدين كتله اكلك راح نضل واكفين اريد اروح
الحر: ايي هساع اشوف ماكو احد وروحي توني طالع واشوف ابوي راح للحمام رجعت لاطلعين
بشاير: مصختها شبيك اريد اطلع وخرر
الحر: كتلج لاترحين
بشاير: دفعته وتوني اريد اطلع واشوف عمو اركان فتح باب الحمام رجعت ليوراا فحطت
الحر: هاا مارحتي
بشاير: موو هواا هاا شسمة شيسمونه هواا
الحر: لاشسمه ولاشيسمونه انتي عود ليش عنيده وراسج يابس
بشاير: شكو تدخلل انته
الحر: انتي تعرفين انه شصير منج لو لا
بشاير: لا
الحر: امم شوفي انه ابن خالتج يعني المراا الجوا الجنتي تسولفين وضحكين وياها هاي امي يعني هساع انه وياج اقارب فهمتي
بشاير: ياااا يعني انته ابن خالة بثيـنة
الحر: صلاوات ع محمد رادلج هلاهل
بشاير: اوييييي شمعرفني انه وبعدين انته دوختني شكد تحجي اسكت شوية
الحر: لااادبسزز
بشاير: عفته ودرت وجهي اريد ابو يطلع بس شفته دخل للدوانية وسد الباب سويت الحديقة وغرفتي شبختين صعدت الهثثث من الخوف دخلت وسديت الباب وكفت ورا الباب اجر نفس يمه حبيبة قفلت بابيي حسيته مو امان هذاا كعدت ع جرباية صفنت عليه ضحكت ع روحي وع الموقف الي نحطيت بيي بعدين كمت سبحت وجريت دشداشه بارده لبستها بس استر من الي قبلهاا وفتحت باب غرفتي مديت راسي الكل نايم بيتنه يذبون بي البره تنسمع الحمدالله سديت الباب وطفيت ضواا وحطيت راسي ع مخده ونمت ..
.
.
.
.
الحر: مدت راسها شافت ابوي دخل للدوانية وانتي ركضي الباب المطبخ سوت الحديقة وغرفتها شبختين وصعدت ضحكت ع منظرها تالي دخلت للدوانية تمددت واجت باليي هيه ومنظرها صفنت بنت الاوادم تشك شك شنو من زنود شنو من شعر من بياض شايلته احووو ياربيي ليش العندي جنها رائد اخوي وهاي اريد شعرايه باايدها ماكو وجهاا يلك لك جنه سيراميك الكاظم {استغفرالله 😂😂😂😂} اوف ياربييي مو حقهم يخطبوها ضليت افكر بيها فزيت من صفنتي لو تموت مااخليها تزوج سهله بنت خالتي انه انه وانتي انتي والسانها لازم اعدله الها ضليت افكر بيها واتوعدلها حطيت راسي وغفيت ..
.
.
.
.
بشاير: صار الصبح فزيت ع زمرد تكعد بيه كتلها روحي هساع اجيي كمت ع حيلي توضيت وصليت بدلت ونزلت لكيت العنود بالمطبخ يسوون ريوك هيه والبنات وخالاتي كاعدات وابن حمزة بيد خالتي تلاعبه صبحت عليهم صباح الخير
الجميع : صباح النور
بشاير: شلونج خالة
بثيـنة: هلا يروحي شلونج عيوني
بشاير: زينة اسئل عليج
بثيـنة: تسئل عليج العافية حبيبتي
بشاير: خالة وين حمزة والجماعة
ام حمزة: يمة حمزة كعد صنديد وطلعوو مادري وين وابو هزاع هم طلع يكول عندي شغله وانه وخالتج كاعدات وهساع البنات كعدن يسوون ريوك حته تتريكن وتبدن تشتغلن
بشاير: هااا خوش اي خالة كولي شمشتهيه غده اليوم
بثيـنة: حبيبتي كلكم خير وبركة وشيجي من ايدكم نعمه
بشاير: لامايصير لازم تكولين شنو تردين حته اطبخلج باايدي
بثيـنة: ماشاءالله تعرفين طبخين
ام حمزة: طبخهاا يخبلل هيه كلشي بيها حلو شلون ماتعرف
بثيـنة: ماشاءالله بنيتي حبيبتي ع هواج ناكل ع ذوقج
بشاير: خوش جااا راح اسوي دولمة ومطبك لحم ضوكي طبخي
بثيـنة: نعمه كريم امي
بشاير: عفتهن يسولفن ورحت للبنات لكيتهن مسويات ريوك كعدنه نتريك اكلج مروة خلصي وطلعي لحم الي
مروة: شسوي بي
بشاير: اتسامر وياا شسوي بي غير اريد اطبخ
مروة: يو راح تسممينه اليوم
بشاير: كلابج ادبسزز مو يوميه اطبخ شو ماسممتي
مروة: اتشاقة عيوني شجاج علية
بشاير: المهم طلعي الي واريد سلك عدنة لا
العنود: خل نكمل ريوك واخابر حمزة يجيبنة بدربة
بشاير: عليمن تخابري هساع انخييي عبد ابن مسلم يجيبلي
العنود: ع راحتج
بشاير: كملناا ريوك وخابرت فاتن دزتلي اخوها جابلي سلك لفيت دولمة وسويت المطبك والبنات يشتغلن خلصنه باقي شوية ع اذان اجيت  كعدت يم خالتي اسمعها سولف هيه وخالتي والبنات شنو تحجون
بثيـنة: اسولفلها ع ولد
بشاير: هاا خالة صدك انتي شكم ولد وشكم بنية عندج
بثيـنة: عندي هزاع وفرقد ورائد ورياحين
بشاير: الله يخليهم ان شاءالله بس شكد اعمارهم
بثيـنة: هزاع شفتي انتي بعد تعرفينه وفرقد ضابط عمره 30 ورائد28 ورياحين 27 اول البارحه طبت 
بشاير: هاا الله يحفظهم ان شاءالله
بثيـنة: ويحفظج يبعد روحيي
زمرد: خالة مزوجين
بثيـنة: ماردت ابين هزاع مزوج جان نيتها تزوجه البشاير * بس رياحين مزوجة وعدها ولد اثنين
زمرد: ماعندج صورهم ؟؟
بثيـنة: اي عندي
بشاير: فتحت تلفونها خالتي وراوتنه ولدها والبنات جانت اكو بنية ويه رياحين طاكة صوره بس شكلها مو راحه تخوف سئلتها خالة منو هاي
بثيـنة: بتلعثم * شسمة هاي اقاربنه من بعيد
بشاير: همم بس بقيت مارتاحيت الها رغم انو مابي شي جوابهاا بس احس اكو سالفه بالموضوع اشو حته خالتي نكلب وجهه سكتنا بقينه سوالف وضحك الحد مااذن صعدت صليت ونزلت لكيت الجماعه صلي طفيت جدوره وشلت ابن حمزة اسولف وياا
العنود: هاا انتي يمه زين
بشاير: اي انه يمه جاا انتي وين جنتي
العنود: خابرني حمزة وصعدت اجيب تلفوني
بشاير هاا اي يلا انه يمه روحي شوفي خالتي خلصت كليلها نصب لا
العنود: بعدها ماخلصت بس حمزة هساع بالطريق كال جايين ننتظر نتغده كلنا سوا احسن
بشاير: خوش ، خلصو واجه حمزة وهزاع وعمي صبينة كلنا غده وكعدنه نتغده سويـة
زمرد: بشاير
بشاير: همم شكو
زمرد: شوفي هزاع
بشاير: غصيت انه ماريد ارفع راسي وتجي عيني بعينه متفشله من ذاك الموقف شبي
زمرد: صارله ساعه ماشال عينه منج
بشاير: الصمييي وسدي حلكج وزقنبي بلا سوالف تعبانة
زمرد: عابتلج
بشاير: صاح حمزة يريد لبن صبيتله جااي انطيي ورفعت راسي لكيت هزاع يباوعليي ورفعلي حاجب انه صخنت نزلت راسي كتلهم خلصت صاحت عليه خالتي شااكلتي كتلها لاشبعت بس اريد افلت كملت غسلت واخذت ابن حمزة كعدت بحضني بالمطبخ وسويت جااي واناغييي فار الجاي وهمه بعدهم يتغدون عفته وكمت اطفي الچاي شويه وسمعت حس وراي حسبالي العنود كتلها شيلي اسودي من الكاع خطية
الحر: لارد
بشاير: انداريت واشوف هزاع واكف وبيده اسودي يناغي شكله وهوا شايلهم يجنن ضليت صافنه عليه
الحر: اباوعلها تباوعلي شون شايل ابن حمزة كتلها تحبين الجهال
بشاير: اي احبهم
الحر: همم شعجب مازوجتي جبيره انتي مو صغيره
بشاير: بعد وكت مو هساااع كلشي بوكته
الحر: همم خوش
بشاير: چااي تريد
الحر: سوين فضل
بشاير: ماشي اخذت اسوي وديته العنود وصبيتلهم چاي جاي اصب بعدني ودخلتلي مروة
مروة: اجيبك لدرب كتلك اجيبك روح واتراهن عليك اصبح حبيبك ولاتتعاند وياي ماتكدرلي يهواي هلا هلا 💃🏻
بشاير: اجتني تغني  وطك اصبع وتركص بحواجبها ضحكت عليها ورفعتلها حاجبي بمعنى خير
مروة: سمعي سمعي انه قافل عليك اله اجيبك ويو وي ويوي 💃🏻
بشاير: ههههههههه خبال شبيج اجتج الحالة
مروة: احح شفتي الحات الجواا
بشاير: ياهوا هذا
مروة: ابن الحاته عفية عائلها كلها حلاغيم
بشاير: ولج صخام عليمن هاي
مروة: ع ابن خالتج صاك ابن صاكه
بشاير: ههههههههههه مو حلو ترا تبالغين
مروة: راح اهبدج بالمس ياموحلو غير يشوك شك فدوه ربه
بشاير: طكيتها بضحكه هههههههههههههههههههههه خرب يومج
مروة: ضحكي بعد اختج دام انه عايشه
بشاير: سدي حلكج هساع وامشينه نودي چاي لايجي حمزة يطيح حظج وصبغج سواا
مروة: امشي عيني
بشاير: صبيت للنسوان بحد والزلم بحد صاحت مروة ع حمزة اخذ چاي همه بدوانية يسولفون واحنه بالصالة نحجي كاعدين نسولف وحجت مروة
مروة: اكلج ماما
ام حمزة: لاتكولين ماما كولي يمة شني ماما مال مايعين
مروة: همصدك
ام حمزة: هساع شتردين
مروة: يمة انتي عندج خوات
ام حمزة: يااا شهل سؤال اكيد عندي خوات
مروة: لا ادري عندج اقصد عندج وحده نفس خالتي ام بشاير الله يرحمها ماتدرين بيها وين ماوين
ام حمزة: اسمالله بيش طالبتنه لا ماعندي بس ليش سئلين
مروة: لا والغسمة اي والله
بشاير: ليش ولج
مروة: خايبة يحضي كون عندج اخت ماتدرين بيها وين ماوين مسافره مهاجره ميته بس عدهاا فروخ
بشاير: اي غير نعرف شلج بيها
مروة: شوفي حوبييي اريد خالة مهاجره حته شني من تجينة عدها فروخ حلوين وانه بصفتي بنت خالتهم واصير مثلكم واحب ابنها ونعرس
بشاير: خربنه ضحك ع سوالف مروة
ام حمزة: ياطايحة الحظ يعني ترديني اموت
مروة: هساع جاب الموت بنص
ام حمزة: مو انتي تكولين نفس خالتي ام بشاير الله يرحمها
مروة: لايمة ولو هوا الموت حق علينا كلنا بس انه اريد خالة هساع شبيك يجدي خلفت جود فروخ دخلف بعد وكفت ع هلخالة
بشاير: كلنا ضحكنة ع سوالفها هيه وخالتي بس يداهرن اباوع الخالة بثيـنة حيل نسجمت ويه مروة وحبتها
بثيـنة: هههههههههه حبيبتي والله شلون سوالف حلوه عليج
مروة: تسليمن عيوني انتي الاحلا
بثيـنة: عااد انه مو بس خالة البنات خالتج انتي وام اسودي وشفايتلي عندي بنت اخت حليوه نفسج
زمرد: هاا خالة احنه مانعجب
بثيـنة: هههههههههه يمة انتن الخير والبركة انته بنص روحي
زمرد: حبيبتي خالتو
مروة: اي خالة ماعندج صاكين نفس هذا صاك الجوا
بشاير:صخام صخمج مروة كرصتها العنود
مروة: وجع شجاج غير جاي اسئل
بثيـنة: ههههههه ليش تريدين تزوجين
مروة: اي خالة اريد واحد حلوو كون نفس هذا الحلغوم
بثيـنة: منو حلقوم ؟
مروة: هذاا الي بتلفزيون
بشاير: جانت طالعه مسلسل والبطل بصراحه كلش ححلو { افتن بشاير افتن 😂🌚}
بثيـنة: ههههههههه
ام حمزة: كومي مريوة كومي مناا لاادوس بطنج ادبسزز
بثيـنة: خليها خية تونس سوالفها اي خيه صدك انتم تنطوها لو احد رادها
ام حمزة: لاخية وين انطيها هاي مادبر بيت وعيال مو مال عرس بعد
مروة: يمه ياهو كلج اشو طبخ ونفخ وكلشي اعرف اسوي بعد شني
ام حمزة: سدي حلكج
بثيـنة: تتعلم خية بس اذا تنطوها كليلي
ام حمزة: الله كريم
بشاير: مروة ضاجت وكامت صعدت للغرفة ترخصنه منهم وصعدنه وراها لكيتها تبجي شبيج ولج
مروة: شفتي امي سوت
بشاير: ماسوت شي
مروة: لا سوت شني تكلها مو مال زواج واحد كلهاا علييي صغيرونه
بشاير: يعني هساع انتي تردين تعرسين
مروة: مو شغله عرس بس انه مو صغيرة حته تحجي عليه هيج
زمرد: يلا حبيبتي ماصار شي بس هيه غير تحبج وتريد مصلحتج
مروة: بربج هاي مصلحه
بشاير: يلا يمعوده صار قابل
مروة: يااا كولي الماصار غير هساع خالتج رادت تخطبني
العنود: شدراج
مروة: حاستي سادسه حست بهذا شي انه من اكول شي مايطلع جذب بس عمتج خربتها وخرت صاك من قسمتي
زمرد: خاب انجبي الياخذج يبتلي ع عمره
مروة: وشبيه يابه
زمرد: سلامتج مابيج شي
مروة: حسبالي هساع امي سكتي خنشوف بلكت عدهاا صاك تريدني اله وانه صاكه ونخلف صاكين وللصبح
بشاير: ضربت مروة ع راسها انتي مين جيبين هذن سوالف
مروة: ابوكهن
بشاير: بقينه نضحك ع مروة الادبسزز وسوالفها ضلينه نسولف بعدين زمرد حجت
زمرد : بشاير مادريتي
بشاير :شكوو شنو ادري
العنود : غير ام علي اليوم تجينه
بشاير : وين تجينة
العنود : وين غير هناا
مروة: شكو شكو صاير
زمرد : سدي الباب وتعاي اكلج غير ام علي راح تجي تريد تحاجي بشاير حته تعرف هيه موافقه لو لا
مروة : جذب شوكت صار كل هذا
زمرد: اليوم صبح خالتي حاجتني انه وعنيده وكالت حاجن بشاير حته تستعجل
العنود : اقطع حجيج بالخير بس هيه تريد نستعجل حته تشوف شور خالتها
مروة : وخالتها شكو
العنود : انجبي غير اهلها ومسؤلين عنهم
مروة : همم وانتي عربانه وين وصلتي بصفنتج
بشاير : هاا لا وياكم بس خالتي ليش ماحجت وياي
زمرد: مادري يمكن جنت نايمة مدري وين المهم صار عندي خبر
العنود: اي وصدك يعني انتي موافقة لا ترا شوية وتجي هيج ب9 يمكن بليل
بشاير: مادري
مروة: كل ماسئلنه وكلتي مادري هيه لو اي لو لا
بشاير: وجع ترا زواج مو لعب يعني اعيش وياا عمر مو يوم واله يومين شدراني شراح يصير مايصير
زمرد: لاظغطين ع نفسج حبيبي فكري عدل وكلشي ينحل ان شاءالله
بشاير: ان شاء الله ، عفت البنات يسولفن وكمت رحت الغرفتي سرحت بتفكيري ع هشام كلت بيني وبين نفسي هوا الولد ماناقصة شي ويحبني ويريد بس ارضه ونشمي ينشد بي ضهر والكل تحبه وتحترمة وسمعته طيبة ليش مااوافق عليه واخصمها وانه عمري مال زواج يعني جبيره مو صغيره بعدين ضلت الافكار تتردد بالي كمت سبحت ومشطت صار الاذان صليت ونزلت لكيت البنات كاعدات بالصالة بنات
البنات: هااا شبيج
بشاير: اريد اكلجن شي
البنات: كولي
بشاير: لا امشن بالمطبخ نسوي كيك واكلجن
البنات: امشي
بشاير: رحنه للمطبخ نسوي حلويات وحجت مروة
مروة: زبده شنو تردين احجي كتلني الفضول
العنود: اييي والله شنو تردين تكولين
بشاير: انه موافقة
زمرد: عليمن موافقة
بشاير: ع هشام
البنات: جذاابة
بشاير: والله راجعت تفكيري
مروة : كلللوش راح يصير عدنة عرس يايمة ياحبيبة صدك ترا ماا كو هيج خبر حلو
العنود: يعني راح تكولين الحمزة موافقة ؟؟
بشاير: اي نعم راح اكله هساع بس يجي
زمرد: عفية عليج انتي تستاهلين وهشام يستاهل الله يوفقكم
بشاير: حبيبتي زمردايه بستها من خدودها وحضنتها احبج
زمرد: اموت عليج
مروة: بشرفج بشاير بمروتج وغيرتج اذا عندج غيره
بشاير: دخيلك ياعلي شكوو كولي
مروة: اذا عنده صحبان صاكين عبري ع خواتج ترا الاقربون اولى بالمعروف
البنات: هههههههههههههههههههه
بشاير: اشوفلج تلفونه اذا بيي جماعه خوش اوادم ماقصر ان شاءالله
مروة: بشرط اريدهم حلاغيم نفس الحلغوم الي عدنه هساع
بشاير: ليش مانخطبج الهزاع
العنود: شرد الزلمة بااول يوم
مروة: يااا شبيجن ترا بس يمجن انه يم زوجي اصير عسلل
زمرد: والله ياخوية شلون ماشوفج تالي صيرين دبس مو عسل
البنات: اي والله
بشاير: اخذتنة سوالف واحنه نشتغل شوية واجة حمزة سوينة عشة وتعشينة كالت خالتي لمن السفرة ام علي راح تجي شوية وندك الباب حضرنه الكرزات وسوالف الضيافة اجت ام عليي بحدهاا سلمت علينة وبدو يسولفون وخالتي عرفتها ع خالة بثيـنة وحيل كيفت وفرحت شوية وكالتلي
ام علي: هاا بنيتي بشريني الله يبشر كلبج بالخير
بشاير: ترددت اكلها موافقة سكتت وابتسمت
ام علي: يمه بشوره لاتستحين كولي الي بخاطرج يجرالج يبعد عيون خالتج
بشاير: تسلمين خالة حبيبتي رحمه الله والديج
العنود: يلا بشورة احجي لاتستحين
بشاير: خالة من بعد رخصتج واذن خالتي ام حمزة وحمزة
الجميع : مرخوصة 
بشاير: انه موافقـة ع هشام بس خالة عندي شرط صغيرون
ام علي: تأمرين يمة كوليي شنهو شرط 
بشاير: خالة مايحرمني من اختي ويمته مااريد اجيي اشوفها يخليني ولايحرمني من الاشياء الاحبهه
ام علي: يمه بشورة جنج ع هاي بماي عيوني اداريج مو تدللين انه ماصدكت توافقين هساع ابشر هشومي من رخصتكم
بشاير: كيفت خالتي بسرعه ترخصت وراحت تبشر هشام انه هم كيفت وابتسمت دعيت الله يديمها علينه شوية وقاطع تفكيري صوت خالتي
ام هزاع: يمه بشاير مقتنعه
بشاير: اي خالة الحمدالله
ام هزاع: زين منو ذول العالم
بشاير: خالة بيت جوارينة بس مااحجيلج ع ادبهم واخلاقهم بعد خالتي سولفلج
ام حمزة: اي والله ناس دره مالت الله
ام هزاع: الله يسعدج بنيتي * عود ردتها جنه الي طلعت موافقة ع ابن جيرانهم ظاهر ياابثيـنة راح ضلين مكابله البومة وماكو خلفه اوف ربي رحمتك دخيلك فاضت روحي
بشاير: حسيت خالتي مامرتاحه و مامكيفة بس ماخليتها بالي البنات كيفلي وباركلي كمنه ترخصنه منهم وصعدنه بالغرفة نسولف ونشاقه ونضحك شوية وصاح حمزة ع العنود سويلهم اركيلة وطلع الفواكة الكل نام بس الزلم بالحديقة واحنة فوك نسولف نزلت العنود نزلن وياهاا حضرت الفواكة والحلويات والچايات والاركيله الفحمات ع نار جان كالت العنود
العنود: بشورة بقن بس الفحمات واسودي فوك يبجي راح اروح بس خليهن بالاركيلة
بشاير: يمعوده مو كتلج لاتنزلين هساع شستفاديتي يلا روحي من وجهي انه اسويهن
العنود: اخدمج بعرسج
بشاير: ههههههه حبيبتي ام اسود راحت العنود وحطيت الفحمات شوية وصحت حمزة اجه اخذ الغراض واكفه اصب بالچاي اريد حمزة يجي ياخذهن وماسمع اله صوت فززني من مكاني
الحر: كثري شكر
بشاير: فززتني صار
الحر: امم بشاير
بشاير: نعم
الحر: منو الي اجة مساع
بشاير: خالة ام علي جوارينه الي اجت ويانه المستشفى اذا تذكر
الحر: وشتريد *يدري بس يغشم روحه
بشاير: تاخذ موافقتي
الحر: ع شنو ؟
بشاير: بكلبي شنو هوا تحقيق انته شعليك * ع هشام
الحر: منو هذاا
بشاير: اللهم طولج ياروح * خطيبي
الحر: نخطبتي
بشاير: اي بس وافقت بعد ع بر كلشي ماصار
الحر: وانه ليش ماادري
بشاير: عفواً بصفتك منو
الحر: ابن خالتج لو نسيتي بسرعه
بشاير: العفو منك سيادة الرائد بس مااجنت بالي نعتذر وع فكره حمزة موافق يعني مايحتاج شكراً ماتقصر
الحر: مو بكيفج شغله
بشاير: عفواً
الحر: مثل ماسمعتي لاسوين روحج غبية
بشاير: ممكن تاخذ الچاي الكم وتخليني اروح
الحر: تخبلت من برودها سحبتها من ايدهاااا ولويتها ورا ضهرها وقربتها اليي صدرها ضرب بصدري رجف كل جسمييي قربت وجهي يم راسها وكتلهااا
#يتبع ......
#الكاتبة نيروز الكربلائيـة .🖤