#وكر_الحر 🦅
(البارت الثالث)
بيت الرائد ..
بثينة : ولج نداء ولج طركاعه صخام بوجهج
نداء : ها عمة شبيج صيحين من الصبح
بثينة :وعمه العماج مصخمه الوجه ياصبح هذا الساعه ب11:30 نزلييي لابارك الله بيج مبارك اربعه وعشرين ساعه بالغرفه مادري تبيضين مادري شسوين
نداء : اي عمه والله بعد وكت مكعدتني من الصبح هسه شعندج
بثينة : ولج تنزلين لااصعد اشمرج من فوك عجيب ياربيي منين اجتني هالبلوه
اركان: شبيج يامره شبيج صيحين
بثينة: من ضيم كلبي اصيح ماتكلي مين جبتوليي هاي المعزايه ب11:30 الضهر تكليي شعندج مكعدتني من الصبح اخخ يايمه ياوليدي عمت عيني عليك وع حضك
اركان: ههههههههههههه خليها شتردين منها
بثينة: اي طبعاً تحجي هيج جا منو جابها غيرك مدري منين لفيتها ع كلبي
نداء: هاي عمه نزلت كليلي شتردين اسوي
بثينة: مبارك رادلج واهليه ( جكليت ويطشونه ع راس 😂)
امشي تكسحيي سوي الغده غسلي اماعين الولد ع جيه يردون غده وسوي جاي العمج
نداء : صار عمه هالرايحه جدامج
.
.
.
.
بشاير : اجه اليل وتعشينه ونامت الوادم وانه طر الفجر وعيني ماتاخذ نوم وسالفه توديني وسالفه تجيبني ياربيي شون بهاي المصيبة الي اجتنة صفح والله اذا صار باامي شي اخلص ع عميي المره مريضه وماتتحمل صدمة اويلييي ع الدنيا شضامتلييي بعد اخذت مني ابوييي والجاي الله اليستر منه اخخ ياكلبي شراح تتحمل بعد وبعد جنج يابشاير بعدج ماشايفه شي خليها ع الله سمعت صوت الاذان وكمت تعوذت من بليس ورحت توضيت وصليت شويه رتاحت نفسي مثل كل عاداتي اكعد اقره قران ودعيت ربي يرحم ابوي ويسكنه فسيح جناته ويساعدنييي حته اخلي عائلتي مرتاحه كلت مابيها مجال انام بعد خل انزل احسلييي نزلت اشتغل رحت جبت البيض والحليب وعجنت وچيت التنور وخبزت خبزات حارات دخلت وانه ميته من الحر
زمرد: ماتكليلي شمكعدج من صباحيات الله كاعده تخبزين شني بشاير تخبلتي من الصباحيات شبيج خيه
بشاير: دهر فرج انطيني عطوه احجييي بلاول صبحي كولي صباح الخير اخذتيني حاصل فاصل مابيه شي زوينهه بس كلت امي سوده عليه اريدنها تاكل خبز حار ونوم ماجاني صليت ونزلت بعدين انتي شمكعدج من الصبح اول تالي
زمرد: صباح الخير عود والله ياخيه ماجاني نوم كمت صليت ونزلت عاينت ع فراشج ماموجوده كلت اكيد جوا ونزلتلج
بشاير: بعد وكت صباح النور عود زين انه رايحه اسبح وانتي سوي ريوك بين ماتكعد اميي
زمرد: خوش خيه روحيي
أنت تقرأ
وكر _الحر 🦅
Short Storyگمت اشتاگ للتابوت⚰ ريحة مگبره ابالي شوگت اتمرني عزرائيل ظل طاريگ يحلالي اخذني اهناگ گلها اعزاز عندي بگل گبر غالي ⚛︎ القصة حقيقية 100% .
