وكر _الحر 🦅

البارت الخامس

#وكر_الحر 🦅

(البارت الخامس )

بشاير: 2/27 هذا تاريخ بحياتيييي ماطول اني عايشه ابد ماانسااا تاريخ غير حياتييي كلها اذانيي بكل معنى الكلام ايشي يوصف الوجع ايشي يوصف التعب الحزن الحرمان القهر كله بهل تاريخ من يوم الي بده هالتاريخ واني حياتي تغيرت 180 درجة تعبت وتاذيت واختنكت وتأزمت حالتي نفسيه كلش تعبت نفسيتي وحالتي دهورت ... بصرخت زمرد انداريت لكيت روحي من الدنيا وحبيبة قلبي وعمري وحياتي الي عايشه علمودها انه لو ماهيه انه ماكو الي وجودها يميييي يملي حياتي كلها لكيت امييي اي امييي وروحي وحبيبتي ممدده باالارض ولاايد ولارجل وحلكها معووج والوجه اصفر هنا حسيت كلشي وكف ماعرفت شسوي بس الي اعرفه انه ضعت محتاجه ابوي محتاجه سند محتاجه احد يكلي امج مابيها شي وراح صير زينه امج راح تكعد وتلمج بحضنها وتكلج بنيتي بشوره انتي قويه انتي سباعيه وتسمعني كلماتها الاحبهن مادري صار بذاك اليوم بس الي اعرفه كاجنت انه بشاير القديمه غير وحده .. ولج يمهههههههه زمرد امييي شبيهاااااا
زمرد: مادري بشاير مادريييي يمه فدوه جاوبينه * بجييي
بشاير : بوكتها التمت الدنيا كلها بيتنه هذا النذل الي يسمه عمي شاف اميي طايحه ولارفله جفن طلع من البيت عبالك مامسوي شي وانه وااختي بحال الله لايخلييي واحد بهل موقف الجيران كلها التمت واجت بيتنه
ام حمزة : ولج يمه بشاير شبيها امج كومي حبيبة لبسيها خل ناخذ للمستشفى
حمزة : يمه راح اشغل السياره بس لبسو المره بسرعه *بصياح
بشاير: لبست امييي شيلتها وعبايتها واخذ عبايتي وطلعت وانه دنيا مسوده بعيني بس اريد امييي تصحه وتكلي انه بخير يمه
زمرد: بشاير انتضري اجي وياكم *بجييي
ام حمزة : خالة حبيبة وين تجين ابقييي هناا انه واختج وحمزة نوديها ونرجع للبيت لايضل بالج امييي هسه اكل المروه تجي يمج
📞: الوو يمه مروه
📞: ها يمه خيرج صاير بيت خالتي
📞: يمه ليسي عبايتج بسرعه وروحي يم اختج زمرد بحدها بالبيت انه وبشوره واخوج رايحين للمستشفى واخذي العنود وياج لاضلن بحدجن وسدن الباب يمه دنيا مو امان خوش
📞: صار يمه بس ماكتيلنه صاير
📞: يمه مو وكتج هسه انه بيا حال من نرجع اسولفلكم بسرعه سوي نفس ماكتلج
📞: ماشي يمه يلا في امان الله
📞: الله وياج
بشاير: وصلنه للمستشفى وانه طول طريق دموعيي ماوكفن وكلبي يوجعني حاسه راح اخسر اعز بشر ع كلبي اي يابشاير بعد وبعد شمضموم الج الله يساعد كلبج بس وصلنه تلكونه الاسعاف بسديه واخذو امي الانعاش وماخلونييي اشوفها امي جوا وبس نسمع دكاتره رايحين راجعين وانه الوب اريد احد يطمني عليها ماكو
حمزه : خويه بسج بجيي صل ع محمد ان شاء الله مابيها شي كولي ياالله
بشاير: شلون حمزة شلون انه امي اذا راحت من ايدي اموت حمزه فدوه كلهم خل يسوون شي
حمزة: صار خويه والله مابيها شي بس اندعولها ولاضلون واكفين امشو كعدو هناك وان شاء الله خير
بشاير: صارت ساعه وساعتين وهمه ولاواحد يقبل يحجي شي تهسترت انه هنا ضليت مااشوف رحت للدكتور دخلت للغرفه مالته وعطت بييي انته شبيككك ماتستحيييييي مو صار ساعه واكفين كول ذوله ضل بالهم ماتو ليش محد منكم جاي يحجييي النه شييي كلولي امي شبيها ليش هيج تصرفون ماتخافون الله وبقيت احجي عليه وانه دموعي يصبن
الدكتور: لو سمحتي احترمي نفسج انتي بمستشفى مو بالبيت وبعدين قابل بس امج مريضه هم عدنه مرضه هناا انتضري خل نشوف تحاليل ويلا طلعي من الغرفه انه اذا شفتهن اجي اطمنكم عليها
بشاير: شوف تحترم نفسك انته وغصبن ع راسك بس امي بالمستشفى ولك هاي امي تعرف شنو امييي لو انته حقك ماتحس بهذا الاحساس كلكم حقيرين جلاب تردون تموتوها ماتخافون الله انتم الله ياخذكم بعدني احاجي وادعي وانه بحاله عصبية ماحسيت اله الدنيا سودت بوجهييي ونغمه عليه وبعد مادري صار
مروة: خيه بسج بجيي والله شعلتييي كلوبنه شعل ذكري الله كومي صلي اقري قران ادعيلها دكولي ياالله ان شاء الله مابيها شي
.
.
.
زمرد: خيه ماشفتيها عمت عيني عليج يمه كضيتي حياتج تعب بتعب من مات ابوي وانتي نذليتي بقيتي مكسوره ماكو والي النه الي يحيمه ويسندنه ولج مروه هاي امييي شون ماترديني ابجي عليهااا نوب ولاواحد يرد عليه ويطمني شلون ياربي وين انطي وجهي بهل ليله * بجي وصياح
العنود: حبيبة ع كيفج ويه نفسج مو زين هيج بسج بجييي ياعمري هسه اتصل ع حمزة واشوف بلكت يطمنه وان شاء الله ماكو بس العافيه
زمرد: اتصلنه ع حمزه وهم نفس الحالة مايرد حسيت اميي بيها شي ومايقبلون يكولون الييي كلبي لعب ياربي شلون فدوه رحمتك لهناك جاوبنه حمزه اخذت تلفون من عنود الووو خويه حمزة احلفك بعزيز كلبك كلي امي شلونها بيها شي لاجذب عليه بداعت جهالك كلييي بيها شي امي وينها واختي وينها ليش ماسمع حسها اريدهم اريد احاجيهم
حمزة: خويه والله مابيها شي صل ع محمد كولي ياالله شسالفه لاتبجين هاي اختج زينه وامج زينه وهسه نجيبهم ونجي اهدئي والبنات يمج واحتمال يمكن خلونه نبات وياها باجر نطلعها فَ لايضل بالكم
زمرد: ليش ليش ليش يخلوها تبات معناها امي بيها شي عليك الله لاجذب عليه
حمزة: وعيونج ياخويه مابيها شي بس اهدئي ييلا انه مايصير احجي بتلفون هنا هواي بعدين اذا صار شي انه اطمنكم وديربالجن ع نفسجن وسدن البيبان عدل ونامن وتعشن لاضلن بلايا اكل بلا زحمه عليج انطيني العنود
العنود: ها نضر عيني شلونك
حمزة: هلا بويه سمعيني العنود زين ديربالج تفكين حلكج وتحجين شي كومييي هساع من يمهن اريدن احاجيج ع صفحه بسرعه يلا بويه
العنود: خير حمزة خوفتني صاير خالة ام بشاير بيها شي
حمزة: المره مريضه وحالتها كلش مو زينه وصايره جلطه بالدماغ واحتمال شللل فَ انتي ماريدج جيبين سيره الزمرد او مروه ابددد سامعتني واذا سمعت فاكه حلكج تدرين شسوييي فهمتييي وهسه روحي يمهن ولاتبينين شي كدامهن سامعه واذا سئلنج كليلهن نفس الحجي الكلته زمرد خوش
العنود: لطمت ع وجهي عزاا بعينج عنود يمهه سوده عليه ياخاله الله يساعد كلب بناتج وكلبج خوش بويه خوش هالرايحه يمهن ديربالك طمني عود ابو اسد
حمزة: ان شاء الله يلا في امان الله ديربالجن ع نفسجن محتاجين شي قبل لااروح
العنود: سلامتك بعد بيتي ديربالك ع خالتي وبشوره يلا الله وياك .. سديته وانه كلبي يم زمرد هساع شكلها ياويلي عليجن عمت عيني كضيتو حياتكم تعب بتعب اوف ياربي صبرهم
زمرد: ها  اشوفنج موش ع بعضج حمزه كلج شي
العنود: لاخيه ماكال شي بس جان يوصيني ع بيت وع شغله
زمرد: هاا خوش
مروة: انه راح اسويلجن اكلل واكلن شويه مايصير بلايا اكل خوش زمرد مو تكليلي مااشتهي
العنود: خل اجي اساعدج اوكفي ياالله
مروة: كعدي وين تجين انتي وبطنج شكببرها
زمرد: البنات يسولفن وانه فاصله من رئيسي بالي كله يم امي يارب جيبها اليه سالمه يارب بيومها ماقصرن خطيه هاي الي تنضف وهاي الي تسوي اكل ماخلني اشتغل وانه كضيتها بجييي وصلاه وقرايه قران بس اريد اسمع حس امييي بالي يمها اتاني الصبح بنفاذ الصبر ..
.
.
.
.
بشاير: بديت اصحصح شويه شويه وفتحت عيوني شفت روحي بالغرفه واكف يم راسي ابو اسد (نفسه حمزة)* وبيدي كانونه وبس دايخه واحس راسي يوجعنييي اجت بالي امييي حمزة امي وين شكال الدكتور اريد اشوفها كمت ع حيلي جاي اشيل الكانوونة
حمزة: ها ها بويه وين وين ع الله انتضري يخلص المغذي بعدين انتي مايصير تتحركين توج كعدتييي وجهج اصفر اصبري
بشاير: ماريد مابيه شي اريد اشوف امييي وخر عنييي
حمزة: استغفرالله يابويه مو زين عليج سمعي الكلام انتضري وبعدين امج مابيها شي طمنه الدكتور وكال كلشي تمام
بشاير: بفرحةودموع* صدك ابو اسد عليك الله امي مابيها شي شكالك الدكتور
حمزة: يتصنع الفرحة * اي بويه مابيها شي ماكو كال هبطه وضغط شويه وتعب صاير عليها مانايمه زين وصاير فقر دم ومن هالحجيي وهسه انطوها علاج والمره نايمه
بشاير: عدم تصديق * بس امي نعوج حلكها ولاحركت ايد ولارجل شلون ضغط مايسوي هيج انه اعرف ابوي جان يرتفع ضغطه وينغميي عليه بس مايصير بي هيج انته جذب علييي اريد اشوف اميي انه وخر
حمزة: بويه مو كتلج مابيها شي
جان يحجي حمزه ودخلت الممرضه
الممرضه : وين ياحلوه وين كايمه وبعد المغذي ماخلص
بشاير: اريد اشوف امي عفيه ماريده هذا شيلي
الممرضه : امج منو حبيبتي  بيا غرفه مايصير خل يخلص المغذي وروحي شوفيها
بشاير : امي الي جبنها الكم طايحه بغرفه ... عفيه اريد اشوفها وخري هذا جاي يضوجني
الممرضه: حبيبتي امج مابيها شي وزينه والمره تريد ترتاح نايمه ميصير نزعج المريض ولازم نخلي يرتاح حته تستقر حالته وبعدين انتي هم ارتاحي من صيرين زينه ويخلص المغذي تكدرين تشوفيها
بشاير: اكيد
الممرضه : اكيدين يلا حبيبتي عندج العافيه
بشاير: الله يعافيج طلعت الممرضه وانه كلبي مامرتاح كل مااسئل حمزه احسه يتهرب مني يحجي كلمة ونص ومايباوعليي لو يباوع بتلفونه لو يدور وجهه حسيت ضام عني شي حمزه شبيك ليش ماتباوعلييي من احاجيك ليش احسك تتهرب مني
حمزة: لابويه شهل حجييي بس حسبه بالييي
بشاير: هاا جا خوش هذا شوكت يخلص
حمزة: هسه بويه تجي الممرضه شوفه الج
بشاير : طلعت روحي والمغذي ماناوي يخلص اوف وضجت اريد امي اشوفها مايهدء بالي اذا ماشوفها ياربي شلون شويه واجتني الممرضه وطلع حمزه حاجاها مدري شنو ودخلت كلبي مامرتاح احس مضموم عني شي
الممرضه : ها ياجميله خلص المغذي وهسه تكدرين تكومين تشوفين امج
بشاير: بفرحه اخيراً كمت ع حيلي بس احس بدوخه لزمت بالسديه وكعدت
الممرضه : ها عيني شبيج
بشاير: مادري احس بدوخه
الممرضه : اي هاي من المغذي وماماكله فَ شي اكيد دوخين هسه اخلي الولد الي برا يجيبلج اكل حته شربين العلاج وصيرين زينه
بشاير: بس وامييي .. هنا دخل حمزه
حمزة: عيوني ماطايره هاي غرفتين ويمج امج وشوفيها بكل وكت وبعدين امي يمها هسه ارتاحي اجيبلج اكل واجيب الدوا واجييي لاطلعين بشاير خوش بويه
بشاير: ابو اسد
حمزة: عيني امريني
بشاير: لااستغفرالله ماايامر عليك ضالم بس ردت اشكر منك تعبتك وياي خويه هاي وكفتك محد يسويها الاخو الاخته مايسويها بهل زمن
حمزة: بشاير هالمره سمعتها منج مره ثانيه تعرفين اطلعلج غير وجهه والله وبالله لج بابا انتي بنيتي انتي حالج حال مروة عزيزه وغالية بنت عمييي الله يرحم ابوج
بشاير: رحمه الله والديك اجازيك بالافراح ان شاءالله الله لايرويك مكروه
حمزة: يلا بويه انه اجيب الغراض واجيج
بشاير: راح حمزه يجيب الغراض وبقيت انتضر كاعده شويه ورجع جايب كباب وكص خلاني اكل غصبن عنييي مع انو انه مااشتهييي ومالي خلك بس اريد امييي كملت وشربت العلاج شويه ارتاحيت احسن والدوخه راحت مني سندت روحي وكمت
حمزة: ها وين
بشاير: اشوف امييي
حمزه: اوف منج يلا امشي انه اوديج
بشاير: سندني حمزه وكمت شفت امييي سوده عليه ماخلاوني ادخل بوكتها للغرفه بقيت واكفه بره اباوعلها من بعيد نايمه والمغذي ومادري اجهزه هواي بس عبالك مو امي مخروطه خرط الوجه اصفر جان يمها الممرضه طلعت حاجيتها شلونها هسه
الممرضه: انتي شصيرين منها
حمزه: هاي بنتها * بخزره
الممرضه : هااااا انتي الي تخربطتي مساع اي لا امج زينه
بشاير: متاكده يعني مابيها شي
الممرضه: اي مو كتلج مابيها شي
بشاير: جا شوكت نكدر نطلعها
الممرضه : هذا يم دكتور هوه يحدد هسه مايصير توكفين هنا روحي كعدي ارتاحييي لان حاله المريضه ماتسمح لازمها راحه
بشاير: راحت بس مااقتنعت بحجيها وضليت كاعده خطيه خالتي ام حمزه لكيتها نايمه ع كرسي سوده عليه مادري شلون اجازيهم هاي الناس صارو اهل بمعنى الكلام بقيت كاعده ويا صبح شيجيبك بعدين ضل بالي ع زمرد خويه ابو اسد اريد اطلب طلب ولو ضوجتك وتعبتك بس اخر شي
حمزه: شهل حجي بويه امري
بشاير: مايامر عليك عدو اريد تلفونك عمن اريد احاجي زمرد واطمنها
حمزه: اي بويه هسه اتصل ع العنود
بشاير : شويه وردت انطاني تلفون الووو
زمرد: ها خيتي ووينج ليش ماتتصلون طمنوني * بجيي
بشاير: بعد روح اختج ليش تبجين حبيبتي اريدج قويه
زمرد: عليج الله بشوره امي شونها شبيها شكال دكتور
بشاير : لسه ماشفت الدكتور بس امي الحمدالله زينه شويه ويجي الدكتور يطمنه عليها والصبح نشوف حالتها
زمرد: هاا جاا انتي وينج مساع ردت احاجيج اتصلت ع ابو اسد كليي هيه بالحمامات
بشاير: اي هوا انه جنت اغسل
زمرد: بشوره بيج شي شو مامرتاحه الحجيج
بشاير: لابعد اختج مابيه شي ويلا بسج رجال يريد تلفونه روحي نامي زين واكلييي مو تهملين نفسج وانه شيصير اخابرج خوش حبيبتي
زمرد: خوش ديربالج ع نفسج وع امي
بشاير: ان شاء الله في امان الله
زمرد : الله وياج
بشاير: سديته من زمرد وانطيت تلفونه الحمزه بقيت كاعده انتضر هساع يكلولنه شي هساع يجي دكتور واحنه كلشي ماكو طر الفجر وانه عيني ماغمضت مادري شلون بعدين نمت فزيت ع حس مراكض بالمستشفى اشوف خالتي ام حمزه واكفه تندعييي وحمزه محتار يحاجي الممرضين والدكاتره طابه طالعه من غرفه امي كلبي لجمنييي كمت ع حيلي خالة شبيها اميي احاجيهم مايردون يااا امي شبيهاااا ولكم جاوبوني كمت اصرخ *
ام حمزة: يمه اسم الله الرحمن بنيتي  هذا حلم شمالج
بشاير : هااا  وين امييي اريد اميي
ام حمزة: يمه بنيتي هاج ميه كولي ياالله امج نايمه هساع اجه الدكتور طمنه عليها وكال مابيها شي بس لازم تبقه بالمستشفى شويه ترتاح
بشاير: ليش جا مو عساس نطلعها اليوم
ام حمزه: مو يمه شويه امج تعبانه ومامستقره حالتها
بشاير: خالة بيش الساعه
ام حمزه: ب7 يمه
بشاير: انه شون غبيه ليش نمت
ام حمزة: يمه حقج اذا تعب بتعب كولي ياالله بنيتي ان شاء الله مابيها شي
بشاير: ان شاء الله لفت نضري انو حمزه مختفي ماكو اكلج خالة ابو اسد ماكو
ام حمزه : راح يجيب ريوك
بشاير : ها خوش ضليت كاعده شويه واجه حمزه جايب كص ولحم وخير من الله تريكنه انه وخاله ام حمزه هوه ظاهر ماكل بس انه مااشتهي نكشت بالاكل وكمت رحت للمغاسل اغسل برجعتي شفت حمزه واكف يم دكتور وكفت اسنط اريد اسمع شيكله وغرفه دكتور مردوده ..
الدكتور :
#الكاتبة نيروز الكربلائيـة 🖤.