وكر _الحر 🦅

البارت السادس والاربعون

#وكر_الحر🦅
(البارت السادس والاربعون)
گمت ما ادري ، اروح لوين ؟
اطب للبيت احس شلون الملاگيك
غلطتي بكل مكان بـ بيتنة محاچيك

الحر: نايم والشال ع خشمي خاله وريحتها معبيه الغرفة كلها جان سبلت مشتغل ومتغطي بفرشتها ونايم الساعـة ب2 ونص دك تلفوني جريته بنعاس وفتحت خط حطيته ع ذاني وصحت الو نعم ماجاني صوت رجعت فتحت عيوني وباوعت رقم غريب رجعت صحت الوو سمعت تنهيده عرفتها بشاير فززز شكو جرح بكلبي جان غافي بذيج ساعة كمت من الجرباية مفزوع واصيح الووووو بشايرررررريييييي باباتي شلونج بنيتي مرتاحة وينج ردي سمعيني صوتج ردييي بشبشي ردييييي وخلي كلبي يشفه بصوتج يبعد روحي روحج وينج ليش ماتحجين

بشاير: مادري شلون ايدي راحت ع اتصال ومن نفتح ضليت بالعه الغصه وساكته اريد انهي الاتصال بس ماكدر جنت محتاجة اسمع صوته دمعه نحبست بحنجرتي واحس شهكة بكلبي وانه اسمع كلامه دموعييي غركننييي سكتت وبقيت اسمع كلامه

الحر: مشتاقلج ماكافي رجعي والله اطلع حكج من عيونهم انه ادري ادري انتي ماسويهااااا بس ساعه اعصاب بس رجعي بشايريييي تعبتيني تدرين من يوم الرحتي لهساع انه روحي لايبه ولج البيت ماادخله بس من اريد انام اربعه وعشرين ساعه بره روحي لايبة عليج بكل مكان اذكرج وتدمع عيوني ردييييي يبعد روحه للحر ردييييي

بشاير: صافنه ع حجي الي يكوله شنو مايدخل للبيت ليش وين يكضي اليل اجت بالي خاف يشرب او بنات رئسن كتله { هااا كايم تشرب ودور بنات خليهم يفيدوك وبعدين عليمن جاي ارجعلك مو نداء موجودة شدعوه هلكد ميت بروحتي )

الحر: ولج يانعاااااااااال يااااصخام انتي شتحجين ولج بشاااير انه من رحتي احس روحي طفل وتايههه مادري شسوي مادريييييي حيره وكلبي راد يوكف بطلعتج هاييي هيج عندج استعداد تعوفيني وترحين وماتسئلين عن حبيبج وزوجج وابو جهالج

بشاير: نخمش كلبي وهوا يحجي مثل طفل ويبجي كلبي مردني عليه تمنيت يمه واحضنه وماخلي شي يأثر علينه شكد غبيه ليش ماتقبلته من البدايـة يجوز مايصير كل هذا بعدين كلت هوا لو صدك يحبني جان ماصدك كلامهم وهوا يعرف بشاير منوو صفنت من كال ابو جهالج كلت بس لاعرف انه حامل بعدين كلت منو يكله اصلاً محد يدري من اهله حته رياحين ماكتلها رديت ع كلامه بـ ( انسه خلاص انسه شي مر بحياتك اسمه بشاير احسن الك وياريت تستعجل طولتها انته مامليت انه مليت وطكت روحي اريد ورقة طلاقي وياريت جيبها الييي بااسرع وقت اذا ممكن )