وكر _الحر 🦅

البارت العاشر

#وكر_الحر 🦅
(البارت العاشر )
بشاير: طلعت وشفت مره واكفه مبوشه وياها بنات اثنين ودايره وجهاا انه صوتي مبحوح كوه ينسمع كتلها تفضلي خالة بيش اخدمج
سلوى: السلام عليكم
بشاير: وعليكم السلام
سلوى: انتي بشاير
بشاير: الصوت مو غريب عليييي اي نعم انه بشاير منو حضرتج
سلوى: ماعرفتيني يمه
بشاير: ولاصغرن بيج خالة منو حضرتج
سلوى: اكدر ادخل جواا حته اكلج منو انه
بشاير: تفضلييي خالة ، دخلت بالحديقه وجان ترفع البوشيه اخر شخص جنت متوقعته يجيييي الفاتحه امييي ضليت صافنه هاي صايره بيهااا اي اي هاي مرت عميييييي الحقير الله لايوفقه هاي شمسوي بيهااا الوجه ازرك ع احمر ماتعرفين شنو وجهاا وعيونهاا تعبانات وحاجبها مطبوور وكوه تحجي خطية نكسر خاطري عليها كتلهاا عمه سلوى
سلوى : اي يعيون عمتج هاي انه * بجييييي
بشاير: عمه جابج وشلون اندليتي بيتنه * بدموع
سلوى: اندليته يعمه مو مهم شلونج يمه شلون اخيتج البقيه بحياتج يمه والله من سمعت الخبر وانه لاليلي ليل ولانهاري نهار تانيت يطر الفجر واجيب البنيات واجيج اعزيج بمصابج
بشاير: وحياتج الباقيه عمه رحمه الله والديج ماتقصرين هاي البنات الحلوات منو
سلوى : يمه هاي حياة وهاي سجى اخياتج تعالن يمه سلمن ع بنت عمجن
بشاير: اباوع للبنات حالتهن تكسر الخاطرر جسمهن ازرك من ضرب الحقير النذل المايخاف الله وكوه يحجن حته يستحن يسلمن عليي دخلييي عمه جواا ليش بره
سلوى: يمه مااريد اطول خليت سامييي يطلع وجبت البنيات واجيتج وخديجة بريحاتها اريدن ارجعلها
بشاير: ميخالف عمه هساع دخلي جوا خل نشوفج وبعدين ردييي
سلوى: ياالله
زمرد: راحت بشاير وانه كلبي نغزني هاي وين عافت النسوان وطلعت خلصت الملايه وصدقت وكامن البنات يوزعن للنسوان وانه بقيت احوس جان دندسني خالتي ام حمزة
ام حمزة: يمه زمرد اخيتج وين راحت ماشوفنها
زمرد: ها خالة هساع اشوفها
ام حمزة: يلا يمه كومي شوفيهاا وينهاا خاف النسوان يردن يسلمن عليها
زمرد: اي ان شاءالله ، كمت ادور ع بشاير شافتني مهاا
مهاا: ها وين ع الله
زمرد: اكلج ماشفتي بشاير
مهاا: اي شفتها واكفه هيه ومره وياها بنات اثنين بالمطبخ
زمرد: مره منو هاي
مهاا: والله ياخيه علمي علمج تردين انشدها الج
زمرد: لاهاي رايحه الها
مها: خوش اروح اوزع الماييي
زمرد: خوش ، رحت اشوف بشاير كاعده بالمطبخ وياها مره وبنات اثنين والبنات من كثر الكتل بشرتهن صايره ازرك ع احمر ماتعرفين لونهن مدنكات والمره تحجي ويه بشاير وتبجي واختي تبجي ياستار منو هاي المره السلام عليكم ..
الجميع : وعليكم السلام
زمرد: بشاير ممكن تجين وياي شويه
بشاير: من رخصتج عمه
سلوى: اخذي راحتج يمه
زمرد: تعاييييي هنااا هاي منو هيه وذني البنات وشطلعج عايفتني بحديي يم النسوان
بشاير: بعدين افهمج هساع مو وكتج
زمرد: شنو بعدين افهمج اذا ماتكليلي هاي منو انه اروح اسئلها مني هاي احجيييي
بشاير: مرت عمي سامي
زمرد: بصدمة شنوووووووووووووووووو
بشاير: صوتج شبيج فضحتينه اي هيه
زمرد: وجابها النه وشلون اندلت وشذكرها بينه صارلنه قرن مانعرف عنهم خبر هساع يلا حنو لو جايين يشمتون بينه
بشاير: زمرد شهل كلام هذا اشو صايره ماتعرفين سولفين شهل تخربط هذا المره جاي تستخلف النه وتروح فوك مااجت وقامت بالواجب وامشي كبالي سلمي عليها وبلا كلام زايد * بعصبيه
زمرد: والله مااسلم عليها عكبيش عكب مارجلها هجولنه ويتمنه وعكب ماخله امي تموت هوه سبب كلشي
بشاير: شنو شنو هوه سبب كلشي مافهمت شتقصدين ؟
زمرد: ماكو شي * بتلعثم
بشاير: حسابج بعدين من يرحون العالم هساع امشي وياي سلمي ع مره عيب
زمرد: اهوو كتلج مااروح
بشاير: هاا يبنت امييي تردين شلعين كلبي من اولهاا لعد وين حجيج وكلامج الييي وايد باايد وكلشي صعب نخوضه سوا اشوفنج تردين تفشليني ويه رايح وجاي
زمرد: اوف منج بشاير مو قصدي والله بس ماريد اسلم عليهم
بشاير: امشي اذا رجلها مو زين هيه شذنبها بعدين ماشفتيها شلون تبجي وتحجي
زمرد: جايه امشي ، رحت سلمت عليها مرحبا شلونج عمه
سلوى: هلا عمه هلا يمه بشاير هاي البنيه منهوو
زمرد: عمه انه زمرد
سلوى: يمه بنيتي تعاي حدري ( يمي ) اوففف ياريحتج الف رحمه ونور عليج ياام بشاير اوففف يابعد كلبي يايمه البقيه بحياتج حبيبة * بجيي
زمرد: نكسر خاطري وهيه حاضنتني وتبجي لاارادياً بجيت وحياتج الباقيه عمه * بدموع
سلوى: عمت عيني عليجن يايمه يابنياتي جنت دوم اذكرجن وادعيلجن واريد اجي اشوفجن بس انتن تعلمن بحالي واكيد تعذرني والله من دريت سئليهن الخواتج يايمه تانيت الصبح متانه حته اجي واشوفنجن
بشاير: معذوره عمه معذوره
زمرد: عمه هذني منو الي وياج
بشاير: هاي حياة وهاي سجى
زمرد: ماشاءالله كبرن شلونجن بنات تعرفنه احنه منو
البنات: زينين ايييي بنات عمو طالب الله يرحمه
زمرد: ويرحم امواتكم ، اي عمه مادخلين جواا تبقين ع عشه ويانه
سلوى: لايمه هم يلا خليت عمج يطلع واجيت ادي الواجب وارد لان خديجة بريحاتها بالبيت
بشاير: يااا عمه شعليهاا ابقي تعشي وروحي
سلوى: والله ياعمه مااكدر غير مره ان شاءالله
زمرد: جااا دامج ماتكدرين اوكفيي انتضريني ، كمت حطيت حافضه بريانييي وحافضه سوب والقاسمه الله وشديتهن بعلاكه وانطيتهن للبنات هاي 3 علاليك الكم بنات
البنات: شكراً
بشاير: العفو حبيباتي
سلوى: يمه ليش تكلفن ع روحجن هم يلا يكفي ناسكم
بشاير: لاهذا خير وبركه
سلوى: الله يرحم امكم وابوكم جانو خوش عالم 💔* بدموع
زمرد: بقت تنعي وتبجي بجتنه كلنه وياها نقهرت عليها بستها براسها واخذت البنات وطلعت
بشاير: طلعت مرت عمي ورحت وصلتها للباب قبل لاتطلع جانت تسولف ويه زمرد جان تندار عليه حياه وكالت ..
حياة: بشاير اريد انطيج شي
بشاير: اي شنو هذا الشي
حياة: بس ماريد تكولين البشر حياة انطته الييي
بشاير: لا مااكول بس شنو هوا
حياة: هذا رقمييي خلي يمج ولاتتصلين عليي اله انه اتصل عليج خوش
بشاير: خوش بس ليش ماتردين احد يدري
حياة: بعدين اكلج هساع مو وكتهه يلا مع السلامه امي صيحني
بشاير: الله وياج
زمرد: هاا شبيج صافنه
بشاير: لا ماكو شي يلا امشي ندخل جوا ، دخلنه جوا وبدن النسوان يرحن والباقي بقه ع عشه سوينه عشه والنسوان كلها التمت تعشت ونص راح ونص بات عدنه صعدت فوك وانه افكر بحياة ليش ماتقبل اكول انطتني رقمهاا قاطعت افكاري مروة وحجت
مروة: هاا خيه اشوفنج صافنه
بشاير: ها لاماكو شي صدك العنود وين
مروة: تنام جوا يم امي صاير الم بطنهاا وماتكدر تصعد
مها: مو كتلها لاتتحركين ماتاخذ حجي
مروة: اي شسويلها يعد يلا نامن باجر وراجن كعده انه احس ضهري تفطر بعد ماحس بي
بشاير: نامن البنات وانه فكره توديني وفكره تجيبني ، غفيت مافزيت غير الصبح 7 ونص كمت ع حيليي شفت زهراء كاعده تنضف الغرفه صباح الخير
زهراء : صباح النور حبيبة
بشاير: بيش الساعه زهوره
زهراء : ب7 ونص خيه
بشاير: حيل شكد نايمه ليش ماكعدتني
زهراء: هههه بعد وكت حبيبة يلا هساع ريوك جوا كومي اكليي لان اليوم خالتي ام حمزة تكول ب9 تجي ملايه جديدة
بشاير: اي كايمه ، كمت توضيت وصليت وغيرت ملابسي ولبست شالي ونزلت لكيت الزلم جايبين ثلج للماي والبن ماشاءالله خير من الله طلعت بوجهيي العنود
العنود: صباح الخير بشوره
بشاير: صباح النور حبيبتي شلون صرتي
العنود: الحمدالله احسن
بشاير: شبيج وجهج مخطوف
العنود: مابيه شي بس بطني شويه المهاا يروح ويرجع
بشاير: خاف راح تجيبين ولج
العنود: لاخيه اسم الله بعد وكت
بشاير: خير ان شاء الله صدك ماشفتي خالتي
العنود: ذيج كاعده هيه وام حسن يسون الخضره
بشاير: خوش ، رحت صبحت ع خالتي وكعدت يمها صياح الخير خالة
ام حمزة: هلا بعد خالتج صباح النور شلونج يمه
بشاير: الحمدالله خالة
ام حمزة: اكلج يمه اريد اسئلج سؤال
بشاير: اي خالة كولي
ام حمزة: منهو المره الي اجت امس هيه والبنيات
بشاير: هاي مرت عمي سامي وبناتها
ام حمزة: سلوى ياااااا صاير بيها
بشاير: ليش خالة وين تعرفيها
ام حمزة: يمه شلون ماعرفها هاي جنه انه وياها وامج الله يرحمها دوم نلتم ونحضر استكان الجاي ونكعد بالحديقة والهوا يهف علينا
بشاير: الله يرحمها *بحزن ، كمت من خالتي سويتلي لفه جبن وكلاص جاي وكعدت اكل واستفقدت زمرد ماكو سئلت عليها كالو فوك بغرفتها صعدت لكيتها نايمه كعدتها زمرد زمرد ولج كعدي بسج نوم
زمرد: بشاير بس شوي راسي يوجعني الله يخليج
بشاير: ولج كومي راح تجي الملايه وانتي بعدج نايمه
زمرد: اوفف كمت كمت
بشاير: يلا بلا تتأفف وكومي غسلي وجهج ونزليي طلعت زمرد من الغرفه واشوف التلفون يرن منو اتصل علييي رحت اخذت التلفون رقم غريب خفت ارد علييي بعدين انفصل الخط ضليت صافنه منو هذا شويه اجتني رسالة
💬هلاو بشوره شلونج انه حياة فتحي خط
رجعت اتصلت رئسن فتحت خط اجاني صوتها
حياة: هلو بشوره شلونج وينج ادك عليج ماتردين
بشاير: موجوده بس شفت رقم غريب وخفت صدك منيلج رقمي
حياة: مو امس انطيتج رقميي وكتلج راح اخابرج ودزيتي الي رسالة
بشاير: بس انه مادزيت الج رسالة
حياة: ماادري بس وصلتني منج المهم هاي خديجة اختي تريد سلم عليج
بشاير: خوش انطيني ياها
خديجة: الوو شلونج خيتي شلون صحتج البقيه بحياتج
بشاير: هلا بيج خيه الحمدالله وحياتج الباقيه عيوني
خديجة: عذريني ماكدرت اجييي ويه امي
بشاير: لا معذوره حبيبة ، بعدني جاي احاجيهن واسمعت صوت يمهن وانكطع الخط يااا شكو صاير ليش انسد ضميت تلفون باالكنتور ونزلت لاكتني زمرد
زمرد: هاا وين جنتي
بشاير: فوك اكلج تعاي شوي
زمرد: هاا شكو
بشاير: البارحه حياة انطتني رقمها وانه اصلاً ماحفظت رقمها ولادزيت رساله الها هاي انتي دازه رسالة الها ؟
زمرد: اي انه
بشاير: ومنو سمحلج ان شاء الله
زمرد: انه سمحت نفسي اكو اعتراض
بشاير: وتالي وياج لو احد لاكف تلفونها وهيه ماتريد احد يدري وبعدين منين تدرين انطتني رقمها
زمرد: مو جنت احاجي عمتي وذاني يمجن
بشاير: اوف منج ، راحت زمرد طول عمرها السان ضليت كاعده يم النسوان شويه اجتي الملايه قرت شوي نوب صار الظهر صبينه غده للزلم والنسوان وصبينه جاي لل4 اجن ملايات 4 وبيتنا نشال شيل خلصن وصار المغرب ومشه اليوم عادي صعدت بليل اريد انام واشوف تلفونيي يدكك فتحت تلفون والكه 30 مكالمه من حياة و6 رسايل دخيلك ربي خو ماصاير شي لفتت انتضاري رسالة مكتوب بيها
حياة💬: بشاير لو شفتي رسالتي رديييي علييي بسرعه اكو شي عرفته ولازم تعرفينه بسرعه
بشاير: حاولت اتصل عليها بس ماترد نغزني كلبي صاير وشنو الشي لازم اعرفه طلعت من غرفتي بسرعه ورحت لغرفه زمرد لكيتها توها طالعه من الحمام
زمرد: خرعتيني دكيي الباب تنحنحي
بشاير: مو وكتج تعايي ارويج
زمرد: خير صاير
بشاير: فتحت تلفوني ولكيت حياة دازه رسايل هاي والمكالمات اقري
زمرد: شنو هاي شنو هذا الشي
بشاير: مادري مادري خفت وكلبي كام يلعب
زمرد: مادري وبعدين شدعوه هيج خايفه خليها منا لصبح اذا اتصلت عليج حاجيها
بشاير: هيج كولتج
زمرد: اي ولاتتصلين عليها خاف احد يمها خوش
بشاير: خوش جاا اروح انام
زمرد: روحي ..
.
.
.
.
الحرر : جنت كاعد بمكتبي واكلب بالتلفون شويه ودخلت ع فيس لكيت حمزة صاحبي ناشر حداد صفنت هوه ابو ميت منو مات بعد معقوله امه رئسن اتصلت علييي
حمزة: فرشنه للزلم بيتنه والناس نامت وانه طلعت بره بالحديقة ادخن وصافن قاطع افكاري صوت التلفون باوعت الاسم الحر شيخ العرب فزيت من صفنتي هذا اخوييييي وحزام ضهري شذكره بيه بدون تردد رديت عليي
الحر 📞: الوو السلام عليكم
📞: وعليكم السلام شعجب بويه
الحر 📞: ولك ناقص شلونك بذات لاتسئل لاتكول اخوييي وين ماوين صفه بي الدهر
📞: ههههههههههههه بعد روحي والله مشتاقلك ماتصور شكد كلبي طاك عليك بس شسوي ياخوي ملتهي ومنا فاتحه
الحر📞: والله اكبر ناقص وضل ناقص طايح الحظ انه بعد مشتاقلك صدك ولك شفتك ناشر حداد وخابرتك ياهو ميت
📞: ايييي شوف مو ممن الله تخابر
الحر 📞: ولك ليش صير ناقص وكو*د مو دوم انه اسئل عليك لو بعز شغلي اخابرك بس انته كو*د سافل لاتسئل لاتخابر لاتكول اخوي اشوفه عايش ميت
📞: لاتخاف العار مايموت
الحر 📞: تلومني من اكلك كو*د وطايح حظ
📞: ههههههههههههههههه
الحر 📞: هساع ماكتلي ياهو ميت
📞: والله مرت عمييي توفت ومحتار ومنا فاتحه ودوام وضيم صاير كله علييي
الحر📞: ياناقص وانه اخر من يعلم جان كلت حجيت اجي اساعدك اشوفك شمحتاج
📞: حبيبي ماتقصر والله اريدك سالم
الحر📞: هساع انته وين
📞: والله بيتناا ملتهي بالفاتحه كتلك
الحر📞: وين الفاتحه انطيني العنوان اجيك
📞: لاياخوي جيتك واصله انته بدوام ومشغول عليش تجييي
الحر 📞: ولك انجبببب انطيني العنوان
📞: والله مايحتاج
الحر📞: لايحتاج انجب ودزه
📞: خوش هذا العنوان *****
الحر📞: باجر انه يمك يلا في امان الله
📞: الله وياك حبيبي * { بعدين افهمكم حمزه والحر شنو }
.
.
.
.
بشاير: صبح الصبح ومثل كل يوم مشه الوضع تمام جنت كاعده اقره قران سديت القران وكمت لميت سجادتييي اجتني بنت عليي كالت
مرام: عمه بشاير وينج
بشاير: ها عمه كولي
مرام: عمو حمزة يريدج بالباب
بشاير: خوش جايه ، كمت لبست عبايتي وطلعت لكيت حمزة واكف يدخن صحتله هاا خويه ابو اسد
حمزة: هاا خوية شلونج شلون حيلج
بشاير: الحمدالله  امرني خويه كالو رايدني
حمزة: اي بعد اخوج رايدج بشغله
بشاير: كول شنوو شغله هاي
حمزة: انه جايني ضيف من مكان بعيد وكلش عزيز ع كلبي بلا امر عليج ياريت طبخيله وحد هوه ماياكل اكل فواتح وياريت تفرشيله  بالدوانيه لليل يبات هناا بيتكم عمن بيتنه متروس ترس
بشاير: صار خويه ولايهمك
حمزة: اي والله رحم الله والديج
بشاير: راح حمزه وكمت انه دخلت للبيت طبخت ذاك الطبخ وخليته ع صفحه وصحت ع مروة
مروة: ها خيه شتردين صحتيني
بشاير: عوفي الي باايدج وامشي وياي
مروة: وين
بشاير: نصعد فوك نزل الفراش لضيف اخوج
مروة: ضيف اخوي ياهو هذا
بشاير: مادري اخوج نشدني وكال اكو ضيف جايه من مكان بعيد ويريد يبات عدنه عمن بيتكم متروس وهوا ويا بالدوانيه مالتنه يجون
مروة: بس ماكلج ياهو شسمه منو هوا
بشاير: اووو مروة اكعد اسئل انه
مروة: جا غير يكتلني الفضول اذا ماعرفه ياهو
العنود: انه اعرفه
مروة: ياهو ولج
العنود: هذاا صنديد اجه
مروة : ياااااا صدك جابه
العنود : اندري بس هساع حمزة كال شويه واجي اخذ الاكل
مروة : خوش
بشاير: هنه يحجن وانه صافنه بوجهن صنديد منو نوب
مروة: حبيبة هذا صاحب اخوي روح بالروح هوا ويااا
بشاير: هاا بس وين اكو واحد اسمه صنديد
مروة: هوه الامانه مادري شسمه بس موش شاب يطك بالكاع حلاغيم بس حرامات معرس
بشاير: يااا فلشج هههههههههه صدك ضحكتيني
مروة: جا مجذبه خيه لو شوفينه تموعين
بشاير: هههههههههههههه امشي ام تموعين خل نزل الفراش
مروة: امشي خيه امشي الله يرزقني بواحد نفس صندود
بشاير: ولج صندود منو
مروة: نفسه صنديد
بشاير: هههههههههههههههه امشي ولج موتيني ، ضليت اضحك ع سوالف مروة مرحة حيل تتنحب صعدنه فوك نزلت الفراشات وانطيتها الها كتلها فرشيهن بالدوانيه بين مااغسل واجيج راحت مروة غسلت ودخلت الغرفتيي واسمع تلفوني يدك فتحت تلفون لكيتها حياة خير ياربي صاير كبل فتحت خط
بشاير📞: الووو حياة
حياة📞: الو بشاير سمعيني
بشاير📞: اي اسمعج بس ليش صوتج ناصي
حياة 📞: مو مهم بشاير منو يمج
بشاير📞: ماكو احد شبيج صاير امج خواتج بيكم شي
حياة📞: لالا زينين بس سمعي الي راح اكوله الج وخلي بالج وياااييييي
بشاير📞: احجي ولج خوفتيني صاير
حياة 📞: ...........
#الكاتبة نيروز الكربلائيـة. 🖤