UNICODE
"နမ်ဂျွန်း...ထယ်ယောင်းမပါလာဘူးလာ"
ကန်တင်းရှိသူငယ်ချင်းဝိုင်းသို့
ဦးတည်လာနေသောနမ်ဂျွန်း
သူနှင့်အမြဲတပူးတွဲတွဲနေသော
ထယ်ယောင်းကသူနှင့်မပါလာသဖြင့် ဂျီမင်းကမေး၏။
"ငါသူ့အိမ်ကိုသွားခေါ်တုန်းကရေချိုးနေတုန်း
အမြန်လိုက်လာခဲ့ဖို့တော့မှာလိုက်တယ်"
"ဖြစ်ရမယ် အဲ့ကောင်ကတော့"
"ထားပါ....ဒီနေ့မင်းတို့ဘာအစီစဥ်ရှိလဲ"
ဒီနေ့မှပထမနှစ်စတက်ပြီး
ကျောင်းပျက်မည့်အကြောင်းကိုသူတို့အားလုံးတက်ကြွနေကြသည်။
တက္ကသိုလ်ရောက်လျှင်
ဘယ်လိုဘယ်ပုံကဲကြမလဲဆိုတာ အထက်တန်းကတည်းက ကြိုတင်ကြံစည်နေကြသောအဖွဲ့ရယ်ပါ။
သူငယ်ချင်းလေးယောက်ရှိသည်။
ထယ်ယောင်း၊ နမ်ဂျွန်း၊ ဂျီမင်း၊ အွန်ဝူးတို့ဖြစ်ကြသည်။
အထက်တန်းကတည်းကပေါင်းလာကြတဲ့
သူငယ်ချင်းလေးယောက်မှာ
အရမ်းလိမ္မာနေတာမျိုးမဟုတ်သလို
အရမ်းလည်းမဆိုးကြပါ။
စာလုပ်ချိန်တွင်တူတူလုပ်ကြပြီးမှသာ
လုပ်ချင်ရာလျှောက်လုပ်ကြသူများ။
=====
ကျောင်းဝန်းထဲသို့
ကမန်းကတမ်းပြေးဝင်လာသော
ကောင်လေးတစ်ဦး
တက္ကစီသမားကို
ပိုက်ဆံရှင်းပေးဖို့တောင်မေ့ခဲ့ပြီး
နောက်ကအော်ခေါ်မှသတိရတယ်
တော်သေးတာပေါ့
အနားမှာဘယ်သူမှရှိမနေလို့
စဥ်းစားကြည့်လျှင်
အမှန်တစ်ကယ်စိတ်တိုမိပါသည်။
စည်းကမ်းကြီးတဲ့ဖေဖေက
ဒုတိယနှစ်မှကားဝယ်ပေးမှာတဲ့လေ
နမ်ဂျွန်းမိဘတွေတောင်သူ့ကိုကားစီးခွင့်ပေးထားတာကို
အတွေးများရုတ်သိမ်းလိုက်ကာ
နမ်ဂျွန်းတို့ရှိသော ကန်တင်းဘက်သို့
ထွက်လာခဲ့လိုက်သည်။
တွေ့ရာကောက်ဝတ်လာတာတောင်
ကြည့်ကောင်းနေတာမို့ ကျောင်းဝန်းထဲရှိကောင်မလေးများကဝိုင်းငေးကြ၏။
အနည်းငယ်ရှည်နေသောဆံပင်က
ခပ်ဖွဖွမို့ကြည့်ကောင်းလှသည်။
ကျောပိုးအိတ်ကို ကြိုးတစ်ဖက်တည်း
လွယ်ထားပုံကလည်း ဆွဲဆောင်မှုတစ်မျိုးပင်
သေချာသည် သူဟာဒီနှစ်ရဲ့ King ဖြစ်မယ့်သူဆိုတာ။
