The Moonlit Trunk(လရောင်ပင်စည်)

Part-12

မိုးကောင်ကင်သည် တစ်စတစ်စအလင်းတို့ကင်းမဲ့လာသည်။

အလင်းရောင်အနည်းငယ်သာ ကျန်နေသော်လည်း ရက်ကွပ်လမ်းကြားလေးများမှ မီးအသီးသီးတို့ထွန်းလင်းနေကြသည်။တစ်ရှပ်ရှပ်ဖြင့် လမ်းလျှောက်လာသော မင်းဟန်အား ခွေးတစ်စုက ထိုးဟောင်သည်။

မင်းဟန်သည် ရိုးရာတို့တိုက်ခန်းကားပါကင်တွင် ကားရပ်ကာ ဇေသူရကိုလိုက်ရှာနေခြင်းဖြစ်သည်။ထိုကားပါကင်တွင်ရှာခဲ့သော်လည်းမတွေ့။ဆေးရုံမှာတုန်းက ဇွဲရောင်ထင်ဆက်သော ဇေသူရဖုန်းနံပါတ်ကိုဆက်တော့လည်းမကိုင်။

အစောဏကရိုးရာဖုန်းဆက်တော့ ဇေသူရအိမ်ကိုမေးကြည့်သော်လည်းပြန်မရောက်သေးဘူးဟုပြောသည်။ထိုကောင်လေးဘယ်များရောက်နေပါလိမ့်.....လူပုံကဖြူဖြူသေးသေးနှင့် ဆွဲပွေ့လိုက်တာနှင့် တစ်ခါတည်းပါသွားမှာဖြစ်သည်။ပြန်ပေးတွေများဆွဲသွားလေသလား

*ဝုတ် ဝုတ်*

ခွေးတို့သည် ဟောင်ဆဲဖြစ်သည်။အမှောင်ထုသည်လည်းတစ်ဖြည်းဖြည်းနက်လာသည်။မင်းဟန် ဤတိုက်ကြိုတိုက်ကြား လမ်းကြိုလမ်းကြားတို့အားပတ်နေသည်မှာ တစ်နာရီလောက်ရှိတော့မည်။ဇေသူရအရိပ်အယောင်တောင်မတွေ့

အတော်ကြာမတွေ့တော့ မင်းဟန်သည် ကားပါကင်သို့ပြန်လာခဲ့တော့သည်။ရိုးရာဖုန်းကိုဆက်ကာ အခြေအနေမထူးဘူးဟုလှမ်းပြောရသည်။မင်းဟန်သည် သက်ပြင်းချ၍ကားပေါ်တတ်ရန် တံခါးကိုဆွဲဖွင့်လိုက်သည်။လမ်းမတန်းကြီးပေါ် ပတ်ရှာမှဖြစ်တော့မည်။ဒါမှမထူးလျှင် ရဲကိုအကြောင်းကြားတာဘဲကောင်းလိမ့်မည်။

"တောက် သွား မလာနဲ့"

ဇေသူရ၏အော်သံတိုးတိုးသည်ကားပါကင်နှင့် ခပ်လှမ်းလှမ်းမှကြားလိုက်ရသည်။မင်းဟန်သည် ထိုအသံကြောင့် ကားတံခါးကိုပြန်ပိတ်ကာ အပြင်ဘက်သို့ပြေးလာခဲ့သည်။တော်တော်တိုးသောအသံကြောင့် ဘယ်က လာမှန်းခန့်မှန်းလို့မရ။ဒီနားတစ်ဝိုက်က လာတာတော့သေချာသည်

"အား အမေရေ မလာနဲ့"

ရိုးရာမောင်တိုက်၏အနောက်ဘက်မှအသံ.....