Stay Wild, Moon Child

Chapter Forty Six

Chapter Forty Six

Nanlalamig ang buong katawan ko habang nakatingin ako sa bulletin board kung saan nakapaskil yung letter ni LJ at yung picture nilang dalawa ng girlfriend niyang si Jen.

Naalala ko yung sinabi sa akin ni LJ nung ipatago niya sa akin yung regalo niya. She wrote a handwritten love letter. May picture pa nilang dalawa.

Ito yun. Sigurado ako. Pero paanong mapupunta yun dito? Ipinatago sa akin ni LJ yung regalo! Dala ko nga yun sa bag ko!

Agad kong inopen yung bag ko at hinanap ko yung regalo dito. Alam ko nung inabot sa akin ni LJ yun, inilagay ko sa bag yun eh!

Wait, inilagay ko nga ba? Ayun yung bago tumawag sa akin si daddy. Yung bago ako muntik muntikanan nang masagasaan.

Naiwan ko ba sa cafeteria nila? O nalaglag ko ba 'to?

Bakit wala sa bag ko!

"Iris, okay ka lang ba?" tanong sa akin ni Seb. "Anong hinahanap mo?"

Inangat ko ang tingin ko kay Seb. My eyes starting to get blurred.

"Seb, sabi ni LJ ingatan ko yung regalo niya. Pero naiwala ko," nanginginig kong sabi. "And now..."

Napatingin ako ulit sa bulletin board. Nakita ko ang mga estudyanteng nag babasa doon, nag bubulungan. Yung iba, nagtatawanan.

Pinag tatawanan ba nila si LJ?! Lalapitan ko dapat sila at tatanungin pero bigla kong narinig ang tawag ng isa naming kaklase.

"Ms. Pres! Pila na raw lahat sa school ground para sa flag ceremony."

Napailing ako.

"Kailangan kong puntahan si LJ. Kailangan ko siyang kausapin."

Tinalikuran ko sila at plano ko nang sundan si LJ nang bigla akong harangin ni Seb.

"Iris, tingin ko mas okay kung ako ang susunod kay LJ," sabi nito.

Umiling ako, "hindi pwede! Kailangan ko siyang kausapin. Nag aalala ako sa kanya! At kailangan kong magpaliwanag at mag sorry! Ayokong magalit siya sa akin, Seb."

"Alam ko," he said at ipinatong ni Seb ang magkabilang kamay niya sa balikat ko to calm me down. "Pero mataas ang emosyon ngayon ni LJ. Mas mabuti kung bigyan mo muna siya ng time. Akong bahala. Wag kang magalala, ibabalik ko siya rito."

Seb gave me a reassuring smile and I calmed down a bit.

"Wag mo siyang iiwan hangga't hindi siya okay, please," pakiusap ko kay Seb.

"Akong bahala," he said at umalis na si Seb.

Naglakad ako papunta sa classroom habang pinipigilan ko ang pag iyak.

Natatakot ako na baka magalit sa akin nang malala si LJ. But more than that, mas natatakot ako sa pwedeng mangyari sa kanya.

I know how scared she is na mag out. And as much as I want her to be herself, gusto kong gawin niya yun at her own time, pag ready na siya.

Not like this.

And I can't imagine how hurt she is right now. Parang nadudurog din ang puso ko dahil sa nangyayari.

Please, sana maging okay lang si LJ.

Nang papunta ako sa classroom, nakasalubong ko na ang mga kaklase ko na naglalabasan na at papunta nang school ground. Nakita ko si Chichi na nag lalakad kasama si Glen. Agad akong lumapit sa kanya.