_كـ كرونا؟!
رد عليا وكان صوته مخنوق اووي ومش قادر يتكلم..
=اااه يا وتين.. ااه ادعيلي انا حاسس اني خلاص وقتي قرب..
رديت بعياط وقلبي بيدق وكأنه في صراع مع الموت..
_لا يا عُدي متقولش كده بالله عليك متقولش كده انا هموت من غيرك والله مليش حد غيرك يا عُدي هتسبني لمين...
=ربنا موجود يا وتيني انتي مؤمنه بالله وعارفه كويس ان ده قداء وقدر..
_لا يا عُدي انت هتبقي كويس وانت قولت ان الدكتور قالك انها نسبه متوسطه وبالحجر الصحي هتتعافي..
=كله علي الله يا وتيني انا بقولك لو جرالي حاجه اوعي تضعفي خليكي قويه وكملي حياتك وعيشي وافرحي وانبسطي متوقفيش حياتك عليا بس خليكي فكراني بالدعاء و...
قطعت كلامه بصراخ وعياط وانهيار حرفياً..
_بسس بسس اسكت متكملش اوعي تقول كده والله اموت نفسي وراك يا عُدي انت مجنوون اي اللي بتقوله ده اسكت...
=اهدي يا وتيني اهدي بالله مش قادر اتكلم..
مردتش عليه وانا بعيط بهستريه انه ازاي يعني.. ازاااااااي دا يحصل انا عارفه انه دا قضاء ربنا وابتلاء لينا لكن انا قلبي ميستحملش بعده.. حرفيا ادمر من غيره دا فاضل علي فرحنا شهرين ولسه كاتبين الكتاب من اسبوع ازاي.. يارب اللهم اني رضيت رضيت يارب لكن رحمتك بيا مش هقدر علي بعده يارب..
=وتين بطلي عياط وتفكير وردي عليا.. وتين بالله مش قادر اتكلم ردي عليا كحح ككح ككح...
مسحت دموعي واخدت نفس وقولت..
_انت هتبقي كويس وانا هجيلك البيت وهتفضل في الاوضه وهعمل كل المطلوب عشان صحتك..
=لا طبعا مستحيل مينفعش انتي مجنونه ازاي يعني تيجي والشقه اكيد متلوثه بالفيرس وافرضي حصلك حاجه..
_مهو ينموت سوا يا نعيش سوا ويا انا يا الكرونا دي..
=لأ يا وت..
قطعته بحسم..
_مفيش نقاش تاني والا والله اروح المستشفي وانزل من غير الماسك واتعدي واموت انا كمان يله بقي..
رد بقلة حيله..
=ماشي يا وتيني بس الاول هتصل بالشركه تيجي تعقم الشقه والعماره كلها واجيب لوازم العزل وكل حاجه تمم..
_طب يلا تمام وانا هحضر نفسي وبالليل هكون عندك تكون خلصت كل حاجه...
جهزت شنطتي وقولت لبابا ووافق وروحت علي بالليل كده كان معايا نسخه من المفاتيح فا عشان كده عرفت ادخت،،دخلت ولقيت الشقه متعقمه واصلا م اول ما دخلت العماره وانا عرفت انها اتعقمت من الريحه،،اول ما دخلت وحطيت شنتطي لقيت ورقه علي الترابيظه مكتوب فيها الارشادات وازاي اتعامل مع عُدي بما انه مصاب بالفيرس،،قرأتها كويس وكان عُدي قايلي انه ف اخر اوضه ف الشقه،،اتصلت عليه عشان اعرف شويه تفاصيل..
