عنوان الفصل: «الخامس عشر من الشهر الخامس»
خمسة أشهر بخمس لوحات، في اليوم الخامس عشر يتواجد خمس لوحات في خمس بيوت مختلفة لكن الفنان واحد، بربكم من هذا الفنان؟
صلوا على الحبيب محمد ﷺ
ــــــــــــــــــــــــــــــــــــــــــــــــــــــ
هو بدأ بالاستيعاب أن الذي يتكلم ليس بشرا، بل السرير، نظر للسرير وملامحه مصدومة قائلا:
- لا لا لا، لا لا لا، ما هو مش معقول!!
الهاتف بسخرية:
- هو اي اللي مش معقول!
مشغل الصوت العالي بسخرية أكبر:
- مصدوم! طب والله كويس! طالما بتسمعنا يبقى حلو بعد كدة أهزقك براحتي.
السرير بتحذير:
- إياك ثم إياك إنك تعمل كل حاجة على السرير مشوفش خلقتك دي إلا الساعة حداشر بالليل وتقوم من عليا الفجر تصلي وتروح تتمرن تشتغل بقا اللي تعمله، لكن أكتر من ست ساعات هرميك من الشباك.
نظر لهم بعدم استيعاب ثم ذهب للمرحاض وغسل وجهه وخرج ووقف ولم يسمع شيئا فتكلم بضحك قائلا:
- يا اتجننت يا اتجننت، مفيش حاجة تالتة ولو فيه هيبقى اتجننت برضو.
ذهب للمطبخ وأعد ساندوتش وأخذ بعض الأدوية والبروتينات حتى يستطيع التمرن قليلا قبل ذهابه للعمل وكاد يخرج حتى سمع صوت يصدر من الثلاجة قائلا:
- انت غبي يابني ما عندك الوجبات حد يسيب الفراخ وياكل جبنة وخيار!!
نظر بفزع ثانية للثلاجة قائلا بصراخ:
- يعني مكنتش بتخيل الصبـــــــــح.
.
.
.
نزل سُلَّم بيته وهو يضع يده على أذنه، يسمع كثير من الأشياء حوله حتى اقترب من البوابة وسمع أفكار البواب:
«هو ماله المسكين الكحيان ده؟»
- مسكين كحيان!!
تكلم عيسى بصوت عالي قليلا للبواب فجحظت عين البواب قائلا بتأتأة:
- اي يا أستاذ عيسى.. مسكين اي.. وكحيان اي... اخس عليك بتقول عليا مسكين وكحيان!! ده جزاتي برضو!! ده انا حتى اللي بصحيك عشان بتنام زي الجاموسة اعذرني يابني بس انت مبتحسش بالدنيا حواليك.
كان يتكلم بتقطع أولا حتى بدأ يستخدم أسلوب معروف في الكلام ألا وهو: «قلب الطاولة على الشخص الآخر»، وذلك رغم عدم إستيعابه إلى الآن كيف سمعه عيسى وهو كان يقول الكلام في نفسه فقط.
أنت تقرأ
من هذا الكتاب؟
Teen Fictionكتاب عجيب من عصور ما قبل التاريخ، كتاب يحقق كل ما يتمناه صاحبه بمجرد كتابته على صفحاته، لكن هذا الكتاب يمكنه تحقيق عدد لا محدود من الأماني. من هذا الكتاب؟ لـ مـريـم محمـود.
