ياسمح المحيا جر الهجينية

٥٣

  ،،الـجـزء الـثـالـث والـخـمـسـيـن،،
لااله الا انت سبحانك اني كنت من الظالمين،،سبحانك اللهم وبحمدك أشهد ان لااله الا انت استغفرك وأتوب اليك 
.
.
...داخل بيت بادي..
،،غرفة بخوت،،
حلايا تنط بمكانها بحماس وهي تطالع قفاها
بخوت واقفة عند الدولاب تخرج لحلايا ملابس
حلايا:اعزلي اعزلي(اعجلي)يابحووت
بخوت وهي تقفل الدولاب بعد ماخرجت لبسها:طيب طيب هذاني طلعتها لش،،جلست وبيدها تنورة بيضا وبلوزة سودا رقبة وهي تحطها بحضنها وقربت حلايا وبدت تلبسها وبابتسامة،،علامش طايرة وش معجلش!!
حلايا بابتسامة:سعود أوزس زسّار لفى
بخوت تغير وجهها للحظة ثم حافظت على ابتسامتها:وش تريدين به!!عندش سعود
حلايا وسط ابتسامتها:زسّار احسن يازينه
عباير وقفت عالباب وضحكت وهي تسمع رد حلايا
بخوت اتسعت عيونها:وش توجسين!!،،طالعت عباير وبنرفزة،،وانتي إتضحكين يمّها!!
حلايا بوناسة:زسّار اوزس لالفى يم الديرة بيلفي ومأه أتيه(معه عطيّة>>هدية)
بخوت:هذا اللي مآخذه عقلش العطية ولا هو ماتريدينه،،خلصت تلبيس،،
حلايا كشرت بوجهها وبزعل وسط كلامها المكسّر:اريد زسار لو انه مامأه أتيه،،مشت،،
بخوت اتسعت عيونها:ادني امشط شعرش
حلايا رجعت لها واخذت المشط من يدها:زسار يمسته،،شردت،،
بخوت وقفت وجرت وراها:امسكها ياعباير!!
عباير تركتها تمر من جنبها وطالعت بخوت اللي تجري ومسكتها من يدها توقفها:بخوت
بخوت طالعتها بعصبية:الله يقطع شرش غدت يمهم بهاللون!!
عباير:مامن احدن اخبر بالخليقة وقليباتهم كثر الوغدان يابخوت
بخوت:وثمن!!
عباير:ثمن لاتظلمين روحش من شان واحدن لاهي بعمره ومتهني وانتي لذالحين معششة(ساكنة)بتهاويله
بخوت بتكشيرة:وكوده غدا مثله!!
عباير:اصابع يدياتش ماهن مثل بعيضهن!!،،مشت وهي تترك بخوت بتردد من القرار اللي اخذته،،
.
.........****..........
..بيت عادل..
رهايف تتقهوى وهي شاقة وجهها الابتسامة
امجاد تطالعها بشك من وضعها
ام غازي مميلة فمها وهي تطالعها:بنت يارهايف
رهايف نزلت فنجالها وبابتسامة:هـلا يمه هـلا بعيني هـلا
امجاد:الله الله المزاج عال العال!!
رهايف تنهدت:اَي والله عال العال
امجاد:روقينا معك
رهايف نزلت فنجالها:أبسألك عن شي
امجاد:قولي
رهايف:عمرك سمعتي اللي تغني الحياة بقى لونها بمبي
ام غازي ضحكت
رهايف باستغراب:وش فيك يمه!!
امجاد:ايه ووسن شفتي اللون البمبي ذا؟!
رهايف طالعت امها بتردد
ام غازي بابتسامة:كملي كملي خرابيطك ماني بقايلة شي
رهايف:اليوم شفت معنى هالكلام
امجاد بفضول:ايه
رهايف:كنت بموت اليوم بس يوم سحبني جواد من قدام السيارة صرت اشوف الحياة بمبي صدق،،طالعت امجاد،،حتى انتي ذالحين اشوفك وردية
ام غازي توسعت عيونها:رهايفوه وش هالكلام!!
رهايف تنهدت:يازين الوردي
ام غازي بحدة:رهااايف!!
رهايف:عادي يمه مشيت مو منتبهة وربي ستر
ام غازي:بسس!!
رهايف:وش تبيني اقول!!
ام غازي زفرت:استغفر الله العظيم منكم بتذبحيني انتي واخوانك،،صدت بوجهها عن رهايف،،
امجاد:قولي الحمدلله اللي نجاك بدل خرابيط البمبي ذي حقتك
رهايف قربت من امها:يابمبية حياتي
ام غازي صادة ماردت
رهايف:يمممههه
ام غازي التفتت لها وبنرفزة:وصمة خير!!
رهايف باستها ع خدها وهي مقربة وجهها من وجه امها:يمه الحين الحياة تصير رمادي وع ماهي بحلوة
امجاد:خفي علينا ياملونة انتي!!
ام غازي بتكشيرة:خلاص ابعدي عني بس
رهايف ناشبة لها:يمه تكفين شيلي عقدة حواجبك لاصدق ينقلب الرمادي اسود
ام غازي طالعتها باستغراب:وش سالفتك مع الألوان اليوم!!
رهايف:الصدق يمه بعد اللي صار لي قررت اقلب حياتي ألوان
امجاد ضحكت:الحمدلله والشكر
رهايف طالعت امجاد من فوق لتحت بتفكير:زي امجاد الحين رغم حياتي البمبية أشوفها مكس اصفر مع كحلي
امجاد بضحكة:والله!!!ليش ان شاء الله تشوفيني كذا اتحفينا ياعلبة الالوان
رهايف:هو انتي كذا كحلية مودك كآبة بس ماوصلتي للسواد للحين ومن داومتي دخلتي الأصفر صرتي كذا امم فيه ريحة داوني منتشرة حولك انتعشتي شوي بس باقي الكحلي فيه منه هه شوية يمكن من ضغط دوامك
امجاد انفجرت تضحك
ام غازي كتمت ضحكتها
امجاد:طيب وامي؟
ام غازي باهتمام تحاول تخفيه وهي تصب لنفسها قهوة
رهايف بابتسامة واسعة:مايبي لها واضحة امي
ام غازي طالعتها
امجاد بابتسامة:وش ابيض؟
رهايف:ها هاه توقعت تقولينه بس لااااا ماهو ابيض ابدا،،طالعت امها،،امي اممم امي عندها لون نازف
امجاد:قولي احمر واتركي الفلسفة!!
رهايف طالعتها بتكشيرة:لا مو احمر احمر قاني
امجاد:لااله الا الله!!قاني مرة وحدة!!
رهايف:لانها للحين مانزفت
ام غازي بفجعة:اعوذ بالله منك
رهايف:لحظة يمه لاتستعجلين!!اقصد انتي احمر قاني يطبخ بشويش ينتظر اَي شي عشان يقلب احمر ناري يقوم الدنيا
ام غازي:اقول اوص بس اوص اكرمينا بسكوتك فلسفتك اليوم زايدة بالحيل
امجاد بابتسامة:وابوي؟!!
ام غازي:أسكتت عني فاضيات وتقابلن!!
رهايف:ابشر بالأحمر ابشر نسكت لك
امجاد بترجي:يمه تكفين الله يخليك قلتيها فاضيات خل نسمع وش لون ابوي
ام غازي:وانتي عاجبتك فضاوة اختك!!
امجاد طالعت رهايف
رهايف:مافي حرف ينقال لحد مايرضى الأحمر الذباح مااقدر على زعله والله
امجاد:يممممههه الله يخليك تكفين
ام غازي زفرت:لاحول ولاقوة الا بالله قولي يارهايف قولي
رهايف بحماس:ابوي عبارة عن قالب من خارجه اسود وداخله مجموعة ألوان
ام غازي ضحكت:عاد بالأسود صدقتي لكن بباقي الالوان ماظنتي
رهايف بزعل:وش قصدك يمه!!ادري انه اقشر وعلى طول معصب ويصارخ ويده تحكه لازم يجلد احد كل يوم،،زفرت،،شكلي غلطانة يمه ابوي صدق لونه اسود ولاهو باي سواد!!سواد الليل بوسط البر بدون اَي نور
ابو غازي وقف عندهم وهو من قبل سمع كلام رهايف الاخير وبحدته:الحقيني يارهايف حتى تشوفين السواد زين زين
رهايف بفجعة وهي تمسك يد امها:يبه امزح ترا يعني كل اللي قلته كلام وحدة فاااضية ماعندها سالفة
ابو غازي بحدة:الحقيني وانتي ساكتة السواد ينتظرك،،مشى،،
.
..بيت مسفر..
ام جواد تتقهوى
سهام مدت بوكس الحلا:سمي يمه
ام جواد ماردت عليها
سهام نزلته وسط زفرتها
شذى بابتسامة:تدرين يمه
ام جواد:قولي بوكس الحلا اول شي
شذى وقفت وهي تسحب البوكس وتفتحه وتمده لها
ام جواد اخذت قطعة
سهام تضايقت من امها وصبت لنفسها قهوة
ام جواد:قولي وش وراك الله يستر منكم بس
شذى بابتسامة وهي تجلس وتحط بحضنها البوكس المفتوح وتاخذ قطعة ورمتها بفمها:اليوم جواد ماعرفته يمه!!جواد ماهو بجواد اخوي
سهام تطالعها باستغراب
ام جواد باهتمام:ليش؟وش فيه؟،،بخوف،،لايكون اخوك صاير له شي!!
شذى ضحكت:ايه مو صاير له شي وبس يمه،،اخذت قطعة ورمتها بكبرها داخل فمها وبابتسامة،،الا شي وااااه ياكبره من شي
ام جواد ضربتها ع كتفها:تكلمي وش فيه اخوك
جواد دخل وباستغراب:وش فيني؟!!
شذى بلعت الحلا ووقف بحلقها سحبت فنجالها وشربته وللحين تحس بالقطعة واقفة مانزلت
جواد بنذالته مد له فنجال صبه لها بهاللحظة
شذى اخذته وشربته ورجعت اللي شربته وهي تصرخ صرخة وسط لمعة عيونها:ااااااححححح ححححااااررر
ام جواد بعصبية:جواد!!!
جواد طالع شذى وبتهديد:عشان تمسكين لسانك عن اللي مالك شغل فيه وتحسبين كلامك زين قبل تنطقينه
شذى وهي تطالعه وسط دموعها:اصلا وع عليك وعليها
جواد:يازينه من وع المهم مايطلع حرف،،مشى،،
ام جواد:وين رايح!!
جواد:بيت جدي من اليوم قهوتي معهم،،مشى،،
،،الكل مستغرب منه،،
ام جواد طالعت شذى:وش صاير تكلمي
شذى وقفت بوجهها المتغير وبقهر:مو صاير شي الله لايوفقهم الا مع بعض هالخايسين،،مشت،،
.
..سوق الخضار..
،،وقت تقفيل السوق،،
فيصل داخل للسوق متجه للعربات اللي مأجرها يشيك عليها كعادته اللي انقطعت بعد إصابته عقد حواجبه وهو يشوف تجمهر عمال حول عرباته اسرع بخطواته وهو يطالع اللي يصير
يزيد بصراخ:ادفع اللي عليك لاتشوف شي مايسرك!!
علي ووراه كم شخص وبصراخ يماثل صراخ يزيد:دفعت اللي علي ومو بملزوم ادفع لك رشوة حتى تسكت عني!!
يزيد:هييييه انت ان مادفعتها مو بس اقفل رزقك والله ان اسفرك برا البلد
علي بتحدي:ماتقدر تسوي شي لو سويت شي فضحتك عند إدارة السوق
يزيد:تخسي يالـ**
علي:عيّب مثل ماتبي وعلى ماتحب لكن فكر تلعب معنا هالمرة وحنا جاهزين لكل لعبة منك
يزيد بغبنة وهو يكلم اللي وراه:خذوه العربيات باللي فيها
،،عمال يزيد هجموا على علي واللي معه وبدت الهوشة،،
فيصل بوجهه المصدوم يطالع اللي يصير صرخ وهو يوقفهم قبل ينفضح هو بعد وتصير مصيبته مصايب:بــس!!!
يزيد طالع فيصل وانصدم من وجوده وبربكة:فيصل
فيصل وهو يدف عمال يزيد عن العربيات:بس بس بس
يزيد وقف عماله وهو يطالع فيصل المعصب
فيصل بعصبية وهو يطالع علي اللي عن يساره:خير خير وش فيه؟!!
علي بابتسامة:أستاذ فيصل
يزيد:اوووص انت مالك كلمة!!
فيصل طالع يزيد اللي عن يمينه:وش فيك متهجم عليهم كذا!!
يزيد:مادفعوا اللي عليهم
علي بصراخ:كذب دفعناه
يزيد بحدة:مادفعوا كامل المبلغ!!وبكرة إدارة السوق ماعندها تفاهم تجر عربياتنا برا السوق
فيصل طالع علي وبحدته:مايصير ياعلي اتفاقنا خمسة آلاف وحنا نتكفل بالإدارة!!
علي: :ابدا!!ماهو بصحيح الإيجار خمسة الإيجار تسعة آلاف ريال
فيصل اتسعت عيونه والتفت يطالع يزيد اللي عن يمينه بصدمة
يزيد انخطف وجهه
علي بحدة:وفوقها لاتاخرنا يوم يقفل العربية ويسحبها باللي فيها مايصير هالكلام مايصير
فيصل تنهد:ياعلي
علي قاطعه:كنا معك تمام التمام وبرضا من جهتنا وجهتك لكن من صار اللي يعقّب(يشيك)وراك هاليزيد وأمورنا مو تمام ابدا يااستاذ فيصل
فيصل طالع يزيد:وش اللي يصير!!وش تسعة!!
يزيد بلعثمة:فيصل تصدقه!!
فيصل:ايه أصدقه وش ردك انت!!
يزيد:اللي حولنا يأخذون منهم عشرة واثنعش وانت خمسة!!
فيصل زفر وهو يكتم غيظه وطالع علي:معليش ياعلي حقك علي امسحها بوجهي
يزيد صرخ:فيصل!!
فيصل عطاه نظره حادة ورجع عينه على علي:ولك علينا ننزل الإيجار من خمسة لثلاثة
يزيد اتسعت عيونه
علي:سلمت يااستاذ فيصل سلمت
فيصل بابتسامة:الله يسلمك قفلوا هالموضوع والله يرزقكم ويرزقنا،،طالع يزيد وهو يهمس من بين اسنانه،،تعال وراااي،،مشى،،
يزيد طالع علي بقهر
علي ابتسم وهو يطالع يزيد من فوق لتحت بسخرية
يزيد طالع عماله وبعصبية:خلاص روحوا بكرة اتصل عليكم
.
..بيت عادل..
،،المقلط،،
ابو غازي دخل للمقلط
رهايف دخلت وراه وسط توترها
ابو غازي جلس
رهايف واقفة وهي تطالعه
ابو غازي قطب جبينه وبنبرة عالية:وش فيك واقفة اجلسي!!!
رهايف جلست قباله وهي مستغربة بعد مااختفى توترها من تصرفات ابوها الغريبة
ابو غازي يطالعها:بنت يارهايف
رهايف:هـلا يبه امرني
ابو غازي:جواد خطبك
رهايف رمشت تستوعب كلامه:هاه!!
ابو غازي:اللي سمعتيه جواد خطبك
رهايف انفجرت تضحك
ابو غازي كشر بوجهه
رهايف بضحكة:بسم الله عليك يبه وش فيك!!
ابو غازي وهو يكتم غيظه:انا ادري بسواتك الشينة يارهايف
رهايف اختفت ضحكتها وتغير وجهها وهي تبلع ريقها
ابو غازي:من الاول متاكد ان هالسالفة من تحت راسك وجواد ماله دخل فيها
رهايف نزلت عينها بالأرض وهي تتفادى نظراته
ابو غازي وهو واضح يكتم عصبيته:ولا ابي اسأل ليش وكيف ومتى لاني ملاحظ الكذبة ومامشت ابد ابد بس ابي طرفها
رهايف وهي تضم يديها تخفي رجفتها:وش كذبته يبه!!
ابو غازي:جواد قال لي كل شي يارهايف كلللل شششييي
رهايف تجمد الدم بعروقها
ابو غازي:احمدي ربك انه حلفني بالله ماالمس شعرة منك
رهايف طالعته وهي مو قادرة حتى تبلع ريقها من الرعب
ابو غازي:ماعلينا من اللي صار علي الحين ابي اسمع رايك
رهايف اخذت نفس:رايي بايش!!
ابو غازي:جواد خطبك مني
رهايف:طيب يبه احنا مملكين!!
ابو غازي:جواد خطبك رسمي يبي يسمع ردك اذا تبينه واذا ماتبينه بيطلق
رهايف اتسعت عيونها وبصدمة:وعادي يبه اتطلق عندك!!
ابو غازي اخذ نفس وهو يذكر وعده لجواد مايضغط عليها ابد:هاذي حياتك وانتي حرة
رهايف سكتت
ابو غازي:وبعدين؟
رهايف:ولاقبلين يبه بالنهاية وين بألقى احسن من ولد عمي
ابو غازي يطالعها بشك
رهايف:وش فيك يبه؟
ابو غازي بتهديد:والله يارهايف ان طلع هاللي تسوينه وحدة من حركاتك اللي تسوينـ
رهايف وقفت وهي تسلم على راس ابوها وبتشديد:يبه انا قلت لك رايي وين بلاقي احسن من ولد عمي
ابو غازي زفر وهو يوقف:الله يوفقك يابنتي الله يوفقك ويكتب لك الخير
رهايف وقفت:يبه وين رايح والعشا
ابو غازي وهو يمشي:وين أتعشى وهو مقلقني اتصالات
رهايف عقدت حواجبها وهي تمشي وراه:مين؟
ابو غازي:من هو يعني!!زوجك
رهايف قشعر جسمها من هالكلمة الغريبة عليها
ابو غازي:انا عند جدك لاتحسبوني بالعشا،،مشى،،
.
يزيد يمشي وراه وبعصبية:ليش نقصت عليه يافيصل ليش؟الكل يتعامل من عشرة وفوق ماغير انت!!
فيصل التفت له وبصراخ:وانا وش علي منهم!!
يزيد بقهر منه:وشلون بتسدد قيمتها وانت بهالغباء!!
فيصل كشر بوجهه
يزيد:اذا بتقعد على هالمبلغ مابتستفيد شي ابد
فيصل بنرفزة منه:وانا ماطلبت منك استشارة!!
يزيد انصدم:نعم!!
فيصل:وبعدين دامك تاخذ من هالمساكين من وراي،،مد يده،،جيب اللي اخذته
يزيد كشر بوجهه:حق تعبي وفرفرتي وراهم!!
فيصل:وجيب فلوسي اللي مخبيهم عندك كلها
يزيد بحدة:انا وابوي واحد
فيصل بحدة:لا مو بواحد وانا تسلفت من ابوك وبنهاية الشهر يعرفني مايعرفك!!
يزيد بتكشيرته:وش قصدك تتهمني بالسرقة!!
فيصل ميل فمه بابتسامة سخرية:اللي على راسه بطحة يتحسسها!!
يزيد اتسعت عيونه:هذا اخر قولك يافيصل!!!
فيصل:محد قلك تلعب من وراي يايزيد وانت خنت الأمانة اللي وصيتك عليها
يزيد بقهر:هذا جزاتي اللي اخاف على مصلحتك
فيصل بحدة:مصلحتي ماتشوه سمعتي وتتصرف من وراي انت بهالطريقة قطعت رزقي وماهي بأول مرة تسويها فيني واعدل وراك!!
يزيد صرخ؛ابي مصلحتك!!
فيصل:وينها هالمصلحة وانت تاخذ ثلاث آلاف ريال شهريًا من كل عربة يعني تسع آلاف ريال ربحك من وراي وش تسمي هالحركة وش!!
يزيد:ماني بمحتاج فلوسك!!
فيصل:جيب اللي اخذته!!وماهي بلس رجع الفلوس لاصحابها يايزيد
يزيد بعناد:مالك ولا شي عندي وهذا تعقيبي وراك تعبي كل ليلة وانا اشوف عربياتك وحالتها
فيصل:حقك بتاخذه كامل ورجع فلوس الناس يايزيد
يزيد:مـالـك ولاشـي عـنـدي،،لف ومشى،،
فيصل لحقه ولكمه:خذ فلوسي كلها حلال عليك لكن حقهم بترجعن وغصبا عنك
يزيد بوسع عيونه:تضربني يافيصل!!
فيصل بصراخ:ايه واكسر راسك بعد
يزيد بصراخ:ترخصني عشان هالـ***
فيصل:احسن منك عالاقل مااخذوا شي ماهو بلهم
يزيد بتهديد وهو كله قهر:والله لاخليك تندم يافيصل والله
فيصل:وش بتسوي يعني تقول لأبوي يالله معي وانا اللي بأقوله بنفسي
يزيد ابتسم:لاااا ماهو ابوك
فيصل كشر بوجهه
يزيد:ابوك بيوقف معك بروح له وهو اللي ينتظر اَي فرصة عشان يلقى وراك شي ويقطعك ووقتها خل علي واللي معه ينفعونك،،مشى،،
.
..بيت الجد نشمي..
جواد واقف على باب بيت جده الكبير رايح جاي ينتظر عمه بتوتر ابتسم وهو يزفر ويطالع عمه اللي متجه له
ابو غازي يمشي متجه لبيت ابوه
جواد اسرع بخطواته لعمه ووقف قباله وهو يسلم على راسه
ابو غازي وقف وبابتسامة:سلمت سلمت،،مشى مكمل طريقه،،
جواد يمشي جنبه وكل شوي يلتفت له
ابو غازي فتح الباب
جواد:ياعم؟
ابو غازي التفت له باستغراب:خير!!
جواد اتسعت عيونه:نسيت!!
ابو غازي قطب جبينه وبنرفزة:يعني لو به علمن شين تجّلى يمك بوجهي!!
جواد:عمي تكفى فكني من سوالف جدي!!
ابو غازي يخاصمه:البنت لك من اول وشو له وين اذنك ياجحا،،دخل وقفل الباب بقوة وراه بوجه جواد،،
جواد ابتسم:يازين هالقفلة والله مثل العسل
.
.........****..........
أم جـلاجـل
.
..السيارة..
مناور يسوق ووجهه كاسيه السواد من الهم اللي هو فيه
ام غيث جالسة بمكان الراكب وهي صادة بوجهها وسط دموعها اللي تهل وفاضحها صوت شهقات اللي يخرج منها بين فترة وفترة
هدية متمددة ورا وهي تتصنع النوم وقلبها موجعها على عمتها وهي تشوف حالتها
مناور ماعاد يتحمل وانفجر بصراخ:على وش تصيحين هاه!!
ام غيث ماردت
مناور:هاذي صنايع يديه ياصيفة وهدية ماعملت شي خطا ولدش الخسيس اللي مابه مروة يمد يده على حريّم ماهو بكفو وتف عليه وسبعين الف تف تكسيه من راْسه لمطاه
ام غيث ماردت وبلغت غبنتها واكتفت دموعها تهل
هدية جلست وبصراخ من غبنتها:وليش ياعم هو ولدها لحالها!!ماهو بولدك معها!!وين غديت عنه يوم فعايله ماتراعى!!تلوم عمتي ذالحين وناسين روحك!!ياسبحان الله والعلوم اللي تهول
مناور وقف بالسيارة والتفت لها وبحدة:انكعمي ولا ورب البيت لا هالشق اللي براسش يصب من اول(يضربها وينفتح جرحها)
هدية:مثل ماتوقع الملامة على عمتي حتى انت ياعم تقع عليك!!وشو له تجازي عمتي بالشين والزين تنساها منه!!هاذي الظليمة والله بعينها
مناور ضربها كف بغبنة:اوجست يمش انكعمي
هدية بعناد ولا عليها:وثمن ياعم تراني ماكبيت غيث عقب سواته غير من شان خاطرها ماتهون دميعاتها على قليبي وهي اللي قامت بس عقب امي وابيي
مناور بغبنة:وانا وين غديت عقب مااوجستي يم الشرطة عنه!!وجهي غدا مثل هالليل اللي سارين به وسط الرجال مابي حيلة اراعيهم وهم يشهدون له
هدية:لاتطش الملامة يمي مير ان الروح وحدة ومن خاف سلِم
مناور حرك وهو يغلي منها:هذا انتن يالحريم حرام بكن الجميلة
هدية:من يعمل الجمايل ويريد من وراها جزا زين يعملها لربه
مناور اتسعت عيونه
هدية وهي تتمدد:ياعمة لاتصيحين بكرة ان شاء الله وهو  يمش
.
..بيت بادي..
جسّار وراشد يطالعون يوسف باستغراب من ردة فعله وهو غريب عنهم تماما
سعود قطب جبينه بشك
نشمي شحب وجهه وهو يطالع يوسف بصدمة من اللي قاله
بتال يطالع يوسف وهو مستغرب سؤاله:اَي ولد فاهد!!
الجد بادي يطالعه وسط ملامحه المحتدة وعيونه بتخرج من مكانها:وانت وش خبرك به!!هااااه!!
بتال يطالع جده باستغراب من ردة فعله الحادة وقدام الكل
نشمي فز واقف:يبه يوسف خابرن العلم كله من اوله لتاليه
الجد بادي يطالعهم بشك
نشمي سحب يوسف من يده وبابتسامة:ولد يايوسف راع ولد عمرك راعه
يوسف مثبت عينه على بتال وهو مصدوم ان له اخو وبهالعمر ماكان يحس بوحدة من قبل ابوه وخاله ماتركوه يحس بها ابد لكن شعور ان يكون لك اخ شعور غريب ماقدر يستوعبه وظل يطالعه بجمود ملامح أربكت بتال
بتال توتر من نظراته الغريبة لدرجة شك بنفسه ونزل راْسه يطالع ملابسه عقد حواجبه باستغراب ثم رفع نظره ليوسف وثبته عليه وهو يكشر بوجهه
يوسف انبسط بوجود اخ رغم انه مو محتاج لأخ لكن وجود احد بالحياة يشاركه نفس الاسم سعادة لأول مرة يحس فيها اليوم اخذ نفس وهو يبتسم لجمال هالشعور اللي ملى صدره
بتال اختفت تكشيرته من ابتسامة يوسف وهو مايدري وشلون يتصرف مع هالادمي الغريب اللي ردات فعله اغرب منه والتفت يطالع لجسّار يدور مخرج
جسّار اول ماالتقت عينه بعين بتال فهمه ونزل نظره لفنجاله يتهرب منه
بتال اتسعت عيونه من جسّار
الجد بادي صرّح بشكه:الله يستر منك يانشمي هذا اللي اوجسه
نشمي دف يوسف قدامه ينبهه لتصرفاته ومر من جنبه بنفس الوقت وهو متجه لبتّال وعينه على ابوه:لاتظلم ياابو نشمي الظليمة شينة،،طالع بتال وبرجفة صوت جمع فيها كل مشاعر المحبة لأخته ومن اعماق قلبه وهو يفتح يديه،،وهلا ياهلا وألفين هـلا بولد خيتي،،مسك بتال من كتوفه رغم طوله الا انه قصير جنب بتال طالعه وهو يزفر وسط لمعة عيونه اللي يخفيها وهو يتأمله ساكت للحظة،،
بتال اكتفى يطالعه بهدوء مايدري وشلون يتصرف
نشمي سلم عليه:حي هالزول ياحيّه
بتال برسمية:يسلمه ويبقيه
نشمي سحب يوسف لجنبه وقبال بتال بنفس الوقت:وهذا يوسف وان ردت(بغيت)ادعه جوزيف
يوسف وقف قباله وسط حيرة تحتويه كيف يتصرف وشلون يسلم عليه مهم عنده الانطباع الاول وكثير هالسلام بيحدد مصير علاقتهم مستقبلا وكيف يرضى يسلم عليه بصفته ولد خاله وهو اخوه حقيقةً اخذ نفس وسط توتره وبجرأة وهو يرفع كفه لفوق وبوسط ابتسامة نطق بالإنجليزي:هااااي برذر!!!!
.
..بيت هلال..
طلق يمشي متجه للباب
شامة تمشي وراه وسبقته وهي تفتح الباب له
طلق وقف وهو يطالعها بعتاب
شامة شالت نظرها عنه وهي تشتته بالمكان
طلق:البيت شين بدونش ياشامة
شامة طالعته وسط نظرة حيرة طلق بدون لاترد
طلق:لاتبطين علي تراني بديت اقنع ان مالي نصيبن بش ياشامة،،قرب منها وهو يبوسها على جبينها وبزفرة،،ودعتش الله،،مشى،،
شامة:طلق
طلق ارتسمت على وجهه ابتسامة وهو يلتفت لها:ياهلا
شامة:تحرّص على روحك،،قفلت الباب،،
طلق انبسط وهو يشوف شي من الأمل ينقذ حياتهم الزوجية
.
..بيت بادي..
،،بالحوش،،
بخوت متجهة لهم وبيدها إبريق الشاهي
عباير بابتسامة وهي تمد الفنجال لها:سمي ياعمة ياحياك ربي
عذبة بابتسامة وهي تاخذ فنجالها:سلمتي ياعباير سلمتي يكثر خيرك خلاص والله مابه مكان
بخوت جلست وهي تسحب الكاسات الموجودة بنفس الصينية وتصب الشاهي
عذبة بابتسامة:وشلونك يابنتي عساك بخير
عباير وقفت وهي تشوف بخوت جلست واتجهت للمطبخ
بخوت بابتسامة وهي تمد لها الكاسة:الحمدلله بخير ياعلش بخير
عذبة بابتسامة وهي تاخذ الكاس:مبروك يابنتي مبروك
بخوت تغير وجهها
عذبة بابتسامة:الله يتمم لكم على خير ويوفقكم يابخوت ياحظك ياجسار ياحظك اخذت الزين كله
بخوت باحراج:مشكورة ياعمة مشكورة مير اني
عذبة قاطعتها:مير ان جسّار يستاهل هالزين كله والله ويعلم والله ماهو بمدحن به لكن الحق ينقال والنعم فيه ربي يسعدكم مع بعض ويكتب لكم الخير يابخوت
عباير جلست عندهم وهي تأكد:الله يبارك بش ياعمة
بخوت التفتت تطالعها بوسع عيونها
عباير:ويالله يارب يكتب لنا نراعي وغدانهم يلعبون بالبيت
بخوت:عباير!!
عذبة ضحكت:امين امين والفال لك ياعباير
عباير:لاااا مااريد الجيزة الله لايبلاني بها الا اوجسي الله يجعلها من نصيب سعود وراشد
.
سعود يطالعه بوسع عيونه وهو فاهم اللي قاله
بتال يطالعه بحيرة مابين صدق او يستعبط
الجد بادي بحدة:وش يرطن(يقول)هالاطخم!!
نشمي بحدة وهو يتدارك الموقف:ولد!!سلم مثل الخليقة لاأدعيك عبرة للي مايعتبر!!
يوسف كشر بوجهه وهو يطالع نشمي ثم التفت لبتال ومد يده وبجدية:وشلونك يااخوي عسى امورك زينة طول السنين اللي غدت بك
الجد بادي كشر بوجهه وهو يطالعه
بتال يطالعه بصدمة وتكذيب للي بباله
سعود اخذ نفس يكبح غيظه وهو مايبي يتسرع باللي وصل له ويسبب كارثة نهايتها يكون هو الغلطان
نشمي ضحك بربكة:يوسف ياحبه للتهول يكبر السالفة لو انها شعرتن ماتراعى!!
بتال صافح يوسف بتردد
يوسف شد على يد بتال وهو ياخذ نفس ويزفره بهدوء ومثبت عينه على بتال
حلايا وقفت على باب البيت وبيدها المشط وبابتسامة:زسااااار
الجد بادي ابتسم وهو يطالعها
جسّار وقف وهو يبتسم وهو يفتح يديه لها:هـلا ياهلا وألفين هـلا
حلايا جرت له
جسّار وهو يضمها له:ياهلا ياهلا بعيون زسار ياهلا
حلايا مدت له المشط:زيّن سعري
.
.........****..........
     يوم جديد
.........****..........
،،الصباح،،
..بيت عادل..
،،غرفة رهايف وامجاد،،
رهايف فتحت الباب بتخرج بعد ماصلت الفجر فزت بخوف وهو بوجهها:اعوذ بالله من الشيطان الرجيم
فيصل:وش شايفتني!!
رهايف طالعته:وش فيه اللون الأخضر بيقلب زيتي!!
فيصل عقد حواجبه باستغراب وبنرفزة:خل فلسفتك الحقيني ابيك
رهايف بشك:والله عرفت من لومك اللي يقلب عالغامق شوي شوي
فيصل مسكها من يدها وسحبها وراه متجه لغرفته
رهايف وهي تمشي وراه:وش فيك
فيصل دخل غرفته ودخلها وقفل الباب وبتوتره:رهايف
رهايف انقلب وجهها:وش فيه فيصل؟
فيصل برعب:رهايف انا مسوي مصيبة وان دروا اخواني اقل شي بيسوونه فيني يخلوني خط اتجاهات للرايح والجاي
رهايف بجدية:وش مهبب يافيصل؟
.
،،جناح غازي،،
عذاري تبخر الغرفة وهي تهمهم مبسوطة كل شي ماشي مثل ماتبي واللي زادها رواق اليوم رجعته بعد غياب طويل
.........****..........
أم جـلاجـل
.
..بيت الشلة..
عذبة بالمطبخ وهي تجهز لهم فطورهم اللي عبارة عن نواشف
جسّار وقف عندها وهو يتثاوب وجاهز لدوامه سلم على راسها:صباحو صباحو ياعذبتي
عذبة:ياصباح النور والسرور بس لايسمعك راشد ويزعل منك
جسار:خليه يزعل انتي العمة المحبوبة المشتركة مو بعلى كيفه يأخذك لحاله!!
عذبة تركت اللي بيدها وهي تلتفت له وبشك وهي تصغر عيونها:جويسر
جسّار:يمه يمه يازينها من فمك تهبل
عذبة ضحكت:قول وش وراك
جسّار بفضول:شفتيها ياعمة
عذبة:من هي؟!!
جسّار بوسع عيونه:عمة!!!
عذبة ضحكت وهي تلف عنه وتشيل الصحن:ايه شفتها
جسّار اخذ الصحن منها:وبعدين؟
عذبة مشت خارجة من المطبخ
جسّار وراها:ادري انك شفتيها بس ها كيف؟
عذبة زفرت وهي تلف له كلها وتطالعه:وش اللي تبي توصل له؟!
جسّار:يعني قابلتك لحالها وشلون
عذبة قاطعته:ارتاح ماني بواصفتها لك لو تحب راسي مية مرة
جسّار:يوووه ياعذبة شفتها وخلصت
عذبة اتسعت عيونها وبحدة:عيب عليك ياولد!!
جسّار:طيب طيب بس قولي لي الحين
عذبة مشت وهي طفشانة منه:خيررر،،جلست،،
جسّار نزل الفطور وهو يجلس جنبها:يعني لاسولفت سوالفها رزة ولا مثل رهايفوه ماتعرف تهرج
عذبة توسعت عيونها:عيب عليك استح!!اختك!!وبعدين رهايف الرزة كلها خل عنك
جسّار بتسليك:ايه ايه اللي بعده
عذبة زفرت:البنت هادية مالها صوت
جسّار:بالبيه يالهادي اموت انا والله عليه اموووت
عذبة هزت راسها بيأس:لاحول ولاقوة الا بالله
راشد يمشي متجه لهم بعين مقفلة وعين مفتوحة يالله يشوف فيها
عذبة بابتسامة:هـلا ياهلا
راشد ارتمى عالارض متمدد وهو يحط راْسه ع رجول امه يكمل نومته
عذبة:نوم الهنا ياروحي ياهلا بك ياهلا
جسّار بزعل:ايه ولدك تهلين به والمسكين المغترب عن اهله جنب ماعطفتي عليه!!
راشد متكتف ونايم
عذبة:انت ياابو لسان،،وهي تأشر على رجلها الثانية،،تعال  هينا ونام لاتصير غيّار
جسّار:الحين تذكرتي!!!مااقول الا الله يخليك ياعمة حصة على كثر نحاستك معي الا انك تحبيني اكثر منهم
راشد وهو يحاوط خصر امه بيديه وبنوم:اذلف لعمتك طيب وترًا هاذي امي رح لامك وفكنا
جسّار اتسعت عيونه:ايه ايه انا المسكين بهالديرة مالي احد!!الله يقطع الغربة وأشكالها،،مد يده وهو يفطر وصاد بوجهه عنهم،،
عذبة ضحكت:جسّار اصب لك حليب
جسّار بزعله:الغربة تشربني مشكورة
عذبة:وينه بتال من البارح مارجع!!
جسّار:اكيد مسكه جده ماتركه،،زفر،،لك الله ياجسار واحد جده والثاني امه وانت متنقع بالغربة الموحشة
راشد جلس:يالله عاد يالله يامستر دراما!!بتال معه جده وانا معي امي وانت بعد كم يوم معك زوجّتك لاتغثنا واسكت!!
جسّار ارتسمت ابتسامة على وجهه:صدقت!!يازين الغربة زيناه
راشد:ترا تأخرت على دوامك
جسّار اتسعت عيونه وهو يذكر الطريق وسحب خبز وهو يرمي بداخلها كم حبة جبن وسلم على راس عمته وهو يجري:فمان الله
عذبة رفعت صوتها:انتبه على نفسك ولاتسرع ياجسار
جسّار:ان شاء الله ان شاء الله
.
..بيت بادي..
،،عالفطور،،
نشمي يفطر وهو يحس نفسه بوسط غرفة تحقيق من كثر التوتر
يوسف جلس جنب نشمي وهو حاس بالنظرات المثبتة عليه ويحاول يتصرف عادي ويتحاشاها
بتال جالس قبالهم يفطر ولايطالع فطوره ابدا مثبت نظره على يوسف وسط عقدة حواجبه بشك فظيع مو قادر يسيطر عليه
سعود جالس جنب بتال يفطر وهو مثبت عينه على يوسف بوسط حيرة من سبب تواجده بهالمكان وهو يدري انه مكروه
يوسف اكل لقمته ورفع عينه للحظة من تعبه من كثر ماهو منزل نظره عنهم والتقت عينه بعين بتال ووقفت لقمته بحلقه وكح
بتال ارتفع حاجبه باستغراب
الجد بادي يتوسط السفرة بينهم:عوذا العيشة واجدة
يوسف شرب موية ونزل كوبه وهو يتنحنح ويحس حلقه تجّرح من اللقمة
نشمي يطالعه بنظرات تحرق
الجد بادي:علامك تسابق بالعيشة لاتذل بتشبع مير ترّوى(وش فيك تستعجل بالأكل لاتخاف كل على هونك🌚)
يوسف:ان شاء الله ياجد ان شاء الله
الجد زفر وهو يلتفت يطالع سعود:وانت علامك ماغديت يم دوامك لذالحين!!ولا جازت لك القعدة!!
سعود وقف:هذاني غادي
نشمي:كمل فطورك
سعود احتدت ملامحه:مااريد اتوخر عالدوام
نشمي اتسعت عيونه باستغراب من هالاسلوب معه
سعود انحنى وسلم على جده:تريد شين لاعودت
الجد بادي:مااريد شي سلامتك مير تحرص من الدرب
سعود بابتسامة:ابشر،،طالع بتال،،فمان الله،،مشى،،
بتال بابتسامة:درب السلامة
الجد بادي طالع بتال:وانت ماوراك دوام؟
بتال:لا بكرة يبدا ان شاء الله
الجد بادي بابتسامة:زين زين اجل نغدي يم الحلال مع عباير بالاول
يوسف بسرعة:ابغدي معكم ياجد
بتال كشر بوجهه
الجد بادي بابتسامة:حياك حياك الددسن يشيلنا
نشمي ابتسم:اجل بأغدي معكم تشوقت يبه للحلال تشوقت له بالحيل
الجد بادي:اجل نغدي يم الحلال بلا عباير
بتال كشر بوجهه للحظة بضيق ثم ابتسم:اغدي مع عباير ونخلص امور الحلال وارجع ونطلع لكشتتنا
الجد بادي سكت
يوسف:اغدي معهم ياجد
بتال طالعه بحقد
الجد بادي:لا لا نغدي بليا عباير ازين
بتال تنهد ووقف:اجل بأجهز العزبة على ماتفطرون
يوسف وقف:اعاونك؟
بتال:جاهزة بس أجيبها من السيارة للددسن
يوسف بابتسامة:اعاونك ننجز
بتال تنهد بقلة حيلة:طيب
.
..بيت غيث..
غيث دخل للبيت بتكشيرة واضحة على وجهه وهو لو يشوفها يذبحها وقف وهو تحتد ملامحه اول ماطاحت عينه عليها
هدية متمددة بالحوش وجنبها صينية الفطور والقهوة والشاهي وبابتسامة وهي ترفع فنجال القهوة لها :ياحيّه ياحي رجلي ياحيّه
غيث قفل الباب بقوة وهو يكتم غيظه عنها
هدية بسخرية:بشّر عسى ضيفوك
غيث بغبنة وسط ابتسامته:اكرموني الكرم اللي ماوراه
هدية ضحكت بخفة:مير ان كرمهم مايغدي شين من الكرم اللي عندي
غيث مشى لها:عاد بذي صدقتي
هدية تطالعه باقصى درجات الرضا عن حركتها فيه
غيث:ومحدن يتعداش غيري
هدية كشرت
غيث:هين هين لاتظنين ان الخلق يدومون لش مردي اغدي انا وانتي بروحنا راس برأس،،مشى لداخل البيت بخطوات سريعة،،
.
.........****..........
..بيت عادل..
،،غرفة فيصل،،
امجاد تضربه ع كتفه:ووجعوه يافيصل ووجعوه
فيصل وهو يمسح كتفه:خلاااص
رهايف:احسن
فيصل:طيب وش تبيني اسوي محد راضي يوظفهم وهم وراهم ناس
امجاد قرصته:وناس ياكلونك قل امين توظف بدون إقامة!!والله يدفنك ابوي
فيصل:الحين هو هددني ولاادري مين يقصد
رهايف:قوي قلبك وش فيك خايف
امجاد:اوص يارهايف اوص لاتورطينه
رهايف بوزت بزعل وهي تتكتف
فيصل:والحين وش اسوي
غازي فتح الباب وبحدة:وش مسوي عشان اعلمك وش تسوي
.
.
<اللهم صل وسلم على نبينا محمد>
.
.