اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كانت ياسمين تحاول فيه يلبس turtleneck تحت الهودي ماله بس نور كان متشبث بالسرير ويثقل نفسه عشان ماتجلسه هي وسعود ويلبسونه اجبار لأنه مايحب يلبس اكثر من قطعة ، تكلمت ياسمين بعصبية وهي تجلس على الكرسي: ماراح اخليك تطلع برا والجو بارد جذي وبتروحون للبحر وهناك برد ازود اذا ماثقلت وسمعت كلامنا ولا والله يانور هالفرصة الحلوه بتروح عليك وخلنا نجلس جذي ها موافق ؟
بنص كلامهم ومحاولاتهم اللي بعدها ملت ضحكة نور الغرفة بعد ماصار سعود يدغدغه دش امير اللي كان سامع الضحك من قبل لا يدش الغرفة ابتسم لمن شاف ضحكة نور اللي يحبها وقال بصوت عال عشان سعود يوقف وينتبهون له: صوتكم طالع لبرا الغرفة في مرضى ما احنا لحالنا الله يرضى لي عليكم
بعد سعود عن نور وهو يحاول يبين رسمي اكثر جدام الدكتور امير اما ياسمين اللي مازالت ماسكه البلوزة بيدها قامت من الكرسي ومشت لنور اللي ضحك وقال: احب فيج انج صبورة
ابتسمت ياسمين وقالت وهي ترفع السرير: ولأني صبورة بتلبسه برا حيل برد وعند البحر برد ازود يانور اسمع الكلام -ناظرتدكتوراميروردتقال- دكتور امير شوفه بليز اذا طلع جذي بيتعب
رد امير وهو يحط قهوته على الطاولة اللي جنب نور: صح ،الحلو ليه يتعبنا جذي ومايسمع الكلام ها؟
مد يده امير ماخذ turtleneck من ياسمين اللي ردت جلست على الكرسي ، قال وهو يحاول يلبسه نور اللي مبينه عليه التكشيره: كانت عندي عمليه اربع ساعات وطلعت منها لعايدتي وبعدها رحت البيت اسبح وجيت هني عشانك وبنطلع زي ماوعدتك مع ان الدكتور محمد رفض بالاول اني اطلعك في هالوقت بس انا اهم ماعلي ان هالوجه اللي احبه يوريني ابتسامته واني ماخلف وعدي معه ، فهل بتعبني اللحين عشان لبس ولا بتلبس يادكتورنا الحلو ونطلع وتشوف الكويت اللي مشتاقه لك؟
رفع نور يدينه مخلي امير ينزل الهودي بعدها لبسه turtleneck ، نطق وهو يلبسه متأكد ان محد سمع الكلمه غير نور احبك
