اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قام من سريره رايح للمكتبة راد الكتاب اللي بيده مكانه بعدها قرب من الشباك فاتحه مد يده يبي يتأكد المطر وقف او توه ورد مسكر الشباك ، سحب جاكيته اللي كان على كرسي مكتبه واخذ جواله طالع من الغرفة وقبل لا ينزل راح لغرفة امه فاتحها بشويش بدون لا يطلع صوت خوف يصحيها رد مسكره بعد ماتأكد انها نايمه فعلا ونزل تحت ركض طالع من البيت ، مشى لاف من لفة البيت ولقاه هناك واقف عند سيارته ، انرسمت على وجهه ابتسامه كانت هي هي كل مايشوفه .. وبعض الاشياء ماتغير !
قرب منه امير وقال وهو يلمس الجرح اللي عند عينه: مو خفيف زي ماقلت ، ليه ماتسمع الكلام يانور؟
رد ابتسم نور على اهتمام امير وقال: انبلى خفيف حتى اني ماعاد احس فيه -سكتشويوردقالبضحكة- لمن لمسته يعني
مشى امير ساحبه معه محاوطه بيده وقال عقب مامشوا: لا تسولف جذي حتى الليل له اذان -قالهابإبتسامة-
رفع نور راسه له وهني امير ابتسم ورد تكلم وهو يناظره: اشتقت لك رغم ان مشاكلك صايره وايد توصلني لين عندي
ضحك نور وحط يده على الجرح متحسسه بس اختفت الضحكة لمن قرب امير مبعد يده بايس مكان الجرح وبدون لا يناظره مشى داش الكافيه اللي يعتبرونه مكانهم السري،عقب مادشوا التفت نور لأمير ماشي على ورا وقال: انا هم..اشتقت لك
عقب ماطلبوا اثنينهم قهوة سوداء لأمير وقهوة تركية لنور راحوا جلسوا في اخر طاولة بزاوية الكافيه ، نزل نور جاكيته حاطه بحضنه وقال لأمير: من مطلع عني اشاعات وموصل لك مشاكل ماهي مشاكلي ها؟
ابتسم امير ورد وهو يحط جواله على الطاولة ودخانه: ماهي اشاعات،سايرهم نور عشان تعرف تتأقلم معهم بالنهاية هذيلا اهل امك يعني اهلك صح ولا؟
رد نور وهو يحط يده على الطاولة ساند عليها: ماعندي اهل غير امي،بندر وردن هم،ليه احاول احب ناس انا اعرف انهم مايحبون ابوي ولا جدتي اللي قضت عمرها كله تربيني مع انها ماهي مسؤوليتها؟ انا يا اما اني احب يا اما اني اكره مستحيل تلقاني في المنتصف ابد وانا ماحبهم وهم مايحبوني جذي متساويين،لا تشغل بالك
