اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رفع راسه عن الكتاب اللي بين يدينه وناظر الساعه المعلقه على جدار غرفته واللي كانت على ثلاث الفجر بضبط،مسح على وجهه وسكر الكتاب وهو يتساءل شلون مر كل هالوقت وهو يقرأ في الرواية بدون مايحس،هل هو بسبب حبه للكتب ولا لأن الكتب هي اللي تحبه؟ منحبالثانياول؟
انا!
حط الكتاب على مكتبه وقبل لا يتحرك من مكانه ناظرالوردة الحمراء اللي كانت عليه مد يده ماخذها وفتح الكتاب بس اخذ هالشيء منه ثواني بين يحطها بين صفحات روايته المفضله او يرميها وكأنها شيء عادي من شخص عادي.. فتح سلة القمامة اللي تحت مكتبه ورماها فيها ومشى ماخذ جاكيته اللي كان على السرير وقرب من الدريشه وهو يشوف ان المطر وقف من قبل اخر صفحة قرأها،اخذ جواله وطلع من الغرفه بهدوء نازل تحت وطلع من البيت كله عقب ماحط سماعاته بأذنه،الحي كان هادي وخالي من السيارات والناس وهذا اللي خلا فكرة المشي هالوقت فكرة رائعه بالنسبة لنور،الصمت حوله ماكان يكسره الا ترديده مع الاغنية، والصمتالمملفيحياتنامنيكسره؟
انا!
حس باليد اللي مسكت يده وشابكت اصابعهم،ابتسامه حزينه انرسمت على وجه نور وكمل مشي بدون لا يناظر للشخص اللي جنبه..لأنه يعرفه لو انهم وسط ظلمه لو بين مليون شخص وشخص يعرفه بينهم كلهم بل هوكلاللييعرفونه !
كانوا يمشون من غير وجهة محددة كل طريق قدامهم يسلكونه،هم تخبطوا وايد لدرجة انهم ماعاد يعرفون طريقة الرجعة ابد هم مشوا مشوا مشوا ورا حب موهوم وعشق ممنوع..هم اللي مشوا برجولهم ماكان احد مسؤول عن سلكهم لكل هالطريق عدا انفسهم!
وقف نور وسحب يده من يد امير واخذ نفس عقب نزل سماعته وقال بيأس واضح: ماقدر ماقدر اوقف بس ماقدر اكمل انا مابي..انا مابي اكمل في طريق اخره انت!
ناظره امير بهدوء وهني مسح نور على وجهه ورد قال: ما ابغضك لأني ما ابغضك لازم مانكمل هالطريق!
