___________________________
"أحبك لا أدري حدود محبتي
طباعي أعاصير وعاطفتي سيل
وأعرف أني متعب يا صديقي
وأعرف أني أهوج , أنني طفل
أحب بأعصابي ,, أحب بريشتي
أحب بكلي , لا اعتدال ولاعقل
أنا .. الحب عندي جدة وتطرف
وتكسير أبعاد , ونار لها أكل
وتحطيم أسوار الثواني بلمحة
وفتح سماء كلها أعين شهل
وتخطيط أكوان , وتعمير أنجم
ورسم زمان ماله , ماله شكل"
كان واقف ورى القزاز اللي بينه وبين نور والدكتور محمد والممرض سعود كانت عيونه تراقب كل حركه وكل كلمه هناك وهو واقف في مكانه ..
ساعة كاملة مرت وهو مازال واقف في مكانه يتأمل الشخص الوحيد اللي بقى له من ذكريات وحكايات وريحة احبابه..
ضحكته نفسها ضحكة الانسانة اللي مازال يعتبرها امه واقرب شخص له الانسانه اللي خاف يبكي عليها ويشوف دموعه نور ويملىء اليأس قلبه وياخذه الحزن منه !
هو لبس قناع القوة وان قلبه ماهو الا قلب من حديد قادر يتحمل الفراق والوداع والموت واللي يخلفونه ثلاثتهم
هو كان لازم يكون جذي عشان يقدر ينقذ اللي يقدر ينقذه في نور ومهما كانت الصدمة كبيرة الا انه لازم يعيش معها!
هو لازم يترك قلبه وعواطفه كلها على رف بعيد وايد عشان نور يعيش!
زي لمن مايصير تبكي او تتألم في وسط معركة عشان الكل معتمد عليك فيا اما تنتصر او..
او تخسر للأبد!
تحرك من مكانه داش الغرفة اخيرا وقرب من نور اللي كان جالس على كرسيه وقال بإبتسامه :
بطلي لا يكون احد ضايقه؟
بادله نور الابتسامه وهز راسه بلا ، التفت امير لدكتور محمد اللي قال :
بنوقف العلاج الطبيعي الشهر هذا يرتاح نور ويعتبر نفسه في اجازة وباذن الله نشوف خطة الشهر الجاي وندرسها كويس ، تكلمت مع نور ووافق ولدي البطل يسمع كلامي ويعرف ان عمري ماسوي شيء او انطق شيء الا انه يفيده
سكت امير اللي فهم دكتور محمد بأنه مافي جدوى انه نتعب نور بشيء احنا عارفين انه ماراح يتحقق ، الحقيقة تبقى حقيقة ولو كانت مؤلمة !
طلع دكتور محمد وسعود عقب ماقاله امير انه هو بيودي نور لغرفته ، حرك امير الكرسي طالعين من الغرفة ،طلعوا من مبنى العلاج الطبيعي لمبناهم ، دخلوا الغرفة وقرب امير الكرسي من السرير مساعد نور يجلس عليه عقب حط الجوال بحضنه وقال :
لازم اروح البيت اغير واجيب لبس معي لبكرا لان اليوم بنام هني عندي باجر من بدري عملية ابيك تدعي لي دعواتك الطيبه ، زين ؟
أنت تقرأ
وجْد
Romanceعجبي على حرفين قد سلبا وقاري حاء حريق، باء، بتُّ في ناري ماذا جرى لي نحول، غيرة، قلق سهر، عذاب، جنون هز أفكاري يا كاتم السرِ، كيف الحب أكتمهُ فالطفلُ والشيخُ والجيرانُ والبلدُ والشرق والغرب عرفوا كلَّ أسراري
