________________________
"بيني وبينه ماهو اعظم من الحب
بيننا اُلفة وكأنه بجواري منذ مائة عام
اعرفه كباطن يدي
خوفه
قلقه
خجله
ضحكاته
حتى
خوفه
وكم اذاني كل هذا الخوف الذي يتملكه!
اعرف
افكاره
و
أتنبأ بها معه..
اعرفه كأنه مني!"
كان يناظر الساعة اللي على الجدار ويرد يناظر الباب اللي اخر احد دخل منه هي ياسمين ، تنهد وبانت الضيقه على ملامحه من انتظاره له وكان كل مايسأل ياسمين تتعذر بأن جدوله مزدحم اليوم وكأن امير كان يفرق معه جدوله جدام نور!
غمض عيونه مستسلم للنوم من بعض الادوية اللي كان ياخذها
وفتحها بعد ساعات، بضبط الساعه خمسة العصر ، كان يناظر بهدوء للي جالسه بالكرسي قدام سريره ورد غمض عيونه وفتحها في محاولة منه انه يستوعبها وانها مو من تأثير الادوية او النوم ، ضل ساكت وعيونه ماكانت تناظرها لمن فهم انها صدق جدامه ،ماكان يناظرهم في الماضي ومايناظرهم حتى في حاضره نور يعرف من اللي يستحق ان عيونه تجي عليه ومن يحب فعلا وهم ماكانوا من ضمن الاشياء اللي يحبها نور ابدا!
قالت بإبتسامه اخيرا بعد وقت من السكوت:
كانوا يقولون ان صحتك ابدا ماتحسنت بعد كل هالايام والسنوات بالمستشفى بس فعلا انت قوي زيك زيك ماتغيرت
رفع نور يده بيضغط على زر الجرس بس وقف لمن سمعها تقول:
انتظر ، انا جايا هني عشانك مو حلو ابدا انك تكون جبان بعد كل هالسنوات بأنك تواجهني على الاقل مافي هني الا انا وانت افضل بكثير من اننا نكون هني احنا الثلاثه!
رفع نور عيونه لها اخيرا وقال بهدوء:
عشاني ؟ مو انا كنت سبب في موتهم ماتوقع في شيء تسوونه ويكون عشاني بعد هذا كله ، كلمه او كلمتين طويلة كانت قصيره قوليها واطلعي من هني لاني مابي اشوف ولا احد منكم ابدا وهذا اذا ماكان واضح زمان سمعتيها مني اللحين !
ابتسامة انرسمت على وجه سمر ووقفت دون لا تتحرك من مكانها وقالت:
انا ماحاسبك على موتهم بسبب حادث انت الوحيد الناجي منه زيهم هم ولا الومك لأن اعتقد انك انت ميت مثلهم!
انا هني قدامك لأني بقولك وبوضوح لاني ماقلتها قبل وانت هم مافهمتها دون كلام اكيد
بعد عن امير!
امير يخصني وانا مابي قاتل ومريض نفسي يكون حوله!
طلعت بعد ماقالت كل اللي جت عشان تقوله ، احيان كلمه تجي من اشخاص انت تعرفهم وهم يعرفونك ولو ماكنت تحمل في قلبك محبة لهم الا ان هالكلمة تكون كأنها خنجر انغرز جوا قلبك شيء مؤذي لا الايام ولا السنوات تمحيه من ذاكرتك واصابعهم اللي انرفعت صوبك وخلتك متهم برغم من انه ماكان لك يد في شيء!
أنت تقرأ
وجْد
Romanceعجبي على حرفين قد سلبا وقاري حاء حريق، باء، بتُّ في ناري ماذا جرى لي نحول، غيرة، قلق سهر، عذاب، جنون هز أفكاري يا كاتم السرِ، كيف الحب أكتمهُ فالطفلُ والشيخُ والجيرانُ والبلدُ والشرق والغرب عرفوا كلَّ أسراري
