__________________________
لقد حُرمت شعور الامان طيلة حياتي
هنا في قلبي
لا يكمن
سوى الخوف
الخوف من المستقبل
و
الماضي
الخوف من الفقد
و
الوداع
الخوف من الحياة
و
الحب
وذكرياتي
ومنك !
انا يتملكني الخوف لأني احبك
هذا انا..نور !
اما انت
فأنت لا يسكن الخوف قلبك ابدا
لأنك تملكني منذ زمن طويل!
منذ بداية القصة.
انفتح الباب بهدوء كانوا متوقعينه نايم لان الساعه لسا ماجت ثمانيه
بضبط واللي هو موعد قومته بس نور بطبيعته كان قليل نوم زي
لمن القلق ياخذك ويوديك وتجي ايام معينه تنام فيها عوض عن الايام
اللي عيونك ماعرفت تغمض فيها كان جذي دايما
كان يناظره وهو يعطي ياسمين مجموعة الاوراق اللي معه بعدها تقدم لنور اللي ابتسم له بس سرعان ماختفت ابتسامته لمن شاف من امير التجاهل ، كان امير يملي على ياسمين بعض الاشياء اللي تخص نور كروتين يومي وهذا كله بدون مايحط عينه بعين نور اللي بدا يتضايق وهمس بصوت بالكاد ينسمع:
امير ؟
رتبت ياسمين الاوراق اللي بيدها وطلعت مخليتهم لحالهم وهني نور قال بصوت اعلى:
فيك شيء؟
ناظره امير شوي وبعد عيونه عنه مره ثانيه وقال بهدوء:
مافيني شيء يانور بس ضغط الشغل من عيادتي للمستشفى حتى انهم جابوا لي لبسي هني مارحت للبيت اليوم ، بعد خمس دقايق بيجيبون لك الفطور وبعدها ارد اشوفك واليوم مافي علاج طبيعي خليناه باجر باذن الله ، زين ؟
ظل نور يناظر امير لحد ماطلع من الغرفة طلعت منه ضحكة استغراب وغمض عيونه وهو يقول:
سبع سنين عشان اتعامل مع اكثر من وجه لشخص واحد !
كان في مكتبه يشرب قهوته عادته لمن يكون في المستشفى مستحيل يعرف يفطر هي قهوة تكفيه عشان يكمل يومه ابتسم لمن تذكر نور اللي من دش المستشفى وهو يقوله اشرب القهوة عني وعنك ، يذكر كيف نور كان يحب القهوة وكيف كان دايما يهاوشه انه لسا صغير توه على القهوة، تنهد وحط الكوب على المكتب وتكلم وهو يناظر الكوب اللي بدت قهوته تبرد:
لو ادري لو بيدي كان كل شيء بخاطرك مامنعتك عنه
رفع راسه لمن انفتح الباب ودشت ياسمين واللي كان مبين عليها انها متضايقه وبدون لا تجلس قالت:
نور رفض ياكل شيء،حتى امس ما اكل واضطريت اركب له محلول،ماكأنه يسمعني اصلا!
تنهد امير ومسح على وجهه قبل لا يقول:
بروح له اللحين بس بالاول خليهم ياخذون الفطور عنه مافي شيء بالاجبار
أنت تقرأ
وجْد
Romanceعجبي على حرفين قد سلبا وقاري حاء حريق، باء، بتُّ في ناري ماذا جرى لي نحول، غيرة، قلق سهر، عذاب، جنون هز أفكاري يا كاتم السرِ، كيف الحب أكتمهُ فالطفلُ والشيخُ والجيرانُ والبلدُ والشرق والغرب عرفوا كلَّ أسراري
