وجْد

٧

____________________________

"عجبي على حرفين قد سلبا وقاري
حاء حريق، باء، بتُّ في ناري
ماذا جرى لي نحول، غيرة، قلق
سهر، عذاب، جنون هز أفكاري
يا كاتم السرِ، كيف الحب أكتمهُ
فالطفلُ والشيخُ والجيرانُ والبلدُ
والشرق والغرب عرفوا كلَّ أسراري!"

*ترك الكتاب عقب ماقرأ هالابيات اللي مكتوبه بخط نور في احد كتبه وجلس على الكرسي يناظر الفراغ عقب قال:
حتى انا..كيف اكتم شيء بدأ واضح مثل الشمس!*

حسيت بالغربة اول ماتوفى ابوي وقفت بنفس المكان بالوسط مارجعت ورا ولا قدمت خطوة لقدام خليت امي تشوف اني اخر واحد ممكن تعتمد عليه خليتها تفهم من عيوني اني مو قد المسؤولية انا ماقدمت حاجه لأمي غير اني حبيتها واثر هالحب مايكفي ماهو كل شيء ..
مافهمت هالكلام قبل لكنِ فهمته اللحين بس عقب شنو؟
عقب ماراحوا كل احبابي!

انا .. انا كنت مجرد شخص طايش كنت ازعلها وايد عشان جذي هي لجئت لأمير صارت تشوفه ولدها الكبير بعدها صار وكأنه ولي امري بالنسبة لها واني المفروض اعتمد عليه او اشوفه مثل قدوة لي،بضبط
حتى اني لمن اتكلم احسها ماتسمعني قده بينما هو كلمته مسموعه كنت اتضايق بالاول بعدين قلت دام امي جذي مرتاحه انا بعد مرتاح .. وكثر ماكنت اغار منه انه عاش طفولته مع امي بينما انا كنت بعيد جدا الا ان عشان امي ممكن اتقبل اي شخص واحبه لمجرد انها تحمل له هذا الشعور
هم يقولون اني متهور وطايش زي ماقلت لك قبل دقايق انما لمن ارد بذكرياتي اشوف اني كنت شخص عادي زي اي شخص بالدنيا!
بس تعرف..الصدق الفعل الوحيد اللي فهمت منه اني فعلا جذي لمن حبيت رغم علمي انه مايصير هالحب حقيقة حتى في احلامي!
ومع ذلك كملته انا مع ذلك حبيت بكل وعي مني ماكنت جاهل بشيء!
لكنِ مادريت ان هالحب بيكبر بداخلي واخافه انا اللي كنت قبل اعرفه ماخاف من شيء اخاف قربه واخاف بعده اخاف حبه واخاف كرهه اخاف .. اخاف الله يبعدني عنه بسبب هالحب واخاف اني عشان اكفر عن ذنبي اني لازم انا بنفسي ابعد عنه واخاف شنو ممكن اسوي عشانه انا ماعاد فيني قوة اشيل كل هالحب في داخلي
طريقي صعب ماشوف نهايته واضحه ..
لو تزوج او قرر يروح فجاءة وهذا الصح عندكم كلكم وصح عنده لانه ملك نفسه مو ملكي انا بس..
اموت ولا اعيش لين اللحظة هذه يادكتور سعد !