رواية«الزمزم» بقلم داليا الصياد
الشابتر الثاني والعشرون
فارسة الكلمه
نجوي: طمنا يدكتوره
الطبيبه بإبتسامه: متقلقيش يست الكل دي مش حالة ولاده لسه شويه
تميم: طب يعني هتفضل قد اي هنا
الدكتوره: لا كلها نص ساعه بس المحلول يخلص ونطمن انها بقت اقوي وتقدر تمشي هتمشي علطول وبعدين دكتوره تسنيم قدها ان شاء الله
زمزم بمرح وهي تنظر لتسنيم: عرتينا يشيخه دي منظر دكتوره دي دنا كنت بتحمل الوجع اكتر منك
تميم وهو يمسك زمزم من قفاها: بت ملكيش دعوه بمراتي ومين دي يختي اللي كانت بتتحمل الوجع ده شعر رحيم قرب يبيض من اللي كنتي بتعمليه فيه
زمزم: طب وربنا لوريكو كلكو لتخرج لرحيم
رحيم: بتبصيلي كده ليه
زمزم بغضب: انت اشتكيت لتميم مني
رحيم: انا؟!! ابدا والله محصل
زمزم: اومال هو جاب الكلام اللي بيقولو ده منين
تميم بضحك وهو يقبل عليهم
رحيم بغضب: انت قولتلها اي مخليها قالبه وشها كده
تميم بضحك: قولتلها انت قربت تشيب ف فترة حملها من كتر مكانت مجنناك والهبله افتكرتني جايب الكلام ده منك
زمزم: شكلك عايز ساعه تانيه
تميم: لا وعلي اي يختي انا نازل الحسابات عشان ماشيين
رحيم: استني جاي معاك ••••••
يعود الجميع بيت معتز
نجوي: تسنيم وتميم هيقعدو معانا هنا لحد متسنيم تقوم بالسلامه
تسنيم: يماما انا بقيت كويسه والله
نجوي: لا طبعا ومين هيخدمك وامك ف العُمره مفيش نقاش انتي هتقعدي هنا انتي وجوزك لحد متولدي
تميم: اللي تشوفيه يا ام تميم
زمزم: طب متتفقو بعد منخلص عمايل الاكل الواحد ميت من الجوع
نجوي: تعالي يبت اسقي المحشي وحطيه ع النار وادي البميه تقليبه كده
زمزم: بت!! وبعدين بميه لي مفي ملوخيه
نجوي: بس اخوكي مبيحبهاش
زمزم: عبيط اصلا ف حد مبيحبش الملوخيه
تميم: ماما زمزم بتقول عليا عبيط
زمزم بفم مفتوح: اي يلا شغل العيال ده وبعدين من امته بتقولها ماما
نجوي: اصله متربي مش زي ناس
تميم خلف نجوي يفتعل حركات بلهاء لإغاظة زمزم
بعد فتره
معتز يقرأ الجريده ورحيم وتميم يلعبو بلايستيشن وتسنيم ترتاح بالداخل بجانب زمزم الصغيره بالداخل وزمزم بالمطبخ هي ونجوي
