رواية«الزمزم» بقلم داليا الصياد
الشابتر الثالث عشر
فارسة الكلمه
في اي يا رحيم حساك قلقت من المكالمه دي يارب خير
كانت تلك زمزم
رحيم بإبتسامه: لا يا حبيبتي متقلقيش مفيش حاجه مشكله واتحلت الحمدلله
زمزم: كويس الحمدلله
أُمسيه رمضانيه قُضيت بسعاده تحفو جميع الأطراف ولم يعد سوي بضع أيام علي الفرحه الكبري التي ينتظرها الجميع من سنين
وفي صباح اليوم الرمضاني الخامس والعشرون
زمزم: اوف بقه انتي هتستقبلي ضيوفك فوق النجفه
نجوي: نضفي وانتي ساكته يا اوزعه دحنا حطنلك كوميدينو وفوق الكوميدينو كرسي وكمان بتشبي
زمزم بسخريه: اختياركو موفق الحقيقه جبتو اطول واحده تنضفلكو النجف
نجوي: اخوكي وابوكي بره وانا مهقدرش اطلع وللاسف ملقتش غيرك
زمزم: للاسف، بكره تبكي ومتلاقنيش انت اللي خسران يجميل
لتضحك نجوي علي تلك المشاغبه
زمزم وهي تحاول النزول لتقفظ وتقع علي الارض متألمه
زمزم وهي تتألم واضعه يدها علي ظهرها: اه يااني القطنيه والعجزيه والعصعصيه في زمة الله
نوجه عايزه تكسحني قبل فرحي بأيام
نجوي: الحق عليا عيزاكي ست بيت مفيش منك
زمزم: انا مش فاهمه ف حد بيغسل الحيطان ويروق فوق الدولاب والنيش احنا لو هنام فوقهم مهنضفش كده انتي لو هاين عليكي تخلعي السيراميك تنضفي تحتيه هتعملي كده
نجوي:بطلي لماضتك دي و يلا ورايا ع المطبخ عشان هتعملي كبده ومكرونه انهارده شوفتي اختارتلك حاجه سهله ازاي
زمزم بسخريه: لا كتر خيرك الحقيقه جمايلك مغرقاني
نجوي: اتريقي المهم يلا وريني هتعملي الكبده ازاي
زمزم : سهله هنجيب الكبده كده نحطها ف الدقيق كده ونحطها ف الزيت كده
تصك نجوي صدرها
نجوي: يا ميلة بختك ف بنتك يا نجوي
فرحك كمان يومين وعايزه تقلي الكبده بدقيق
زمزم:اومال ب اي يعني
نجوي: بالرده يا حبيبتي، بالرده يا عنيا وبعدين مهتشطفيش الكبده الاول وتحطي عليها لمون وكمون وتوابل وتقلبيها كده كويس وتسبيها شويه وبعد كده ترمديها ف الرده وممكن تحطي شويه دقيقي صغيرين علي الرده عشان تخلي الكبده طريه اكتر وتحطيها ف الزيت ومتستهيش عليها لما تنشف هاا
زمزم: طب منتي حطيتي دقيق اهو غلطت ف اي انا
نجوي بإندهاش: يعني سيبتي كل كلامي وعايزه تطلعي نفسك صح وخلاص
طب انا هطلع بره ونص ساعه، نص ساعه بالظبط لو دخلت وملاقتكيش خلصتي ابو ورده هيمسي عليكي انهارده
