مساء الخير يا أحباب
محتاجين نتكلم ف كذه نقطه كده
•رواية الزمزم مش اول روايه اكتبها بس دي اول روايه انزلها ع الواتباد ومجربتش انزل قبل كده عليه
فوارد يحصل اخطاء غير مقصوده بحُكم ان دي اول تجربه ليا ع الواتباد فعذرًا لو حصل غلط او حاجه اكيد مقصدش واي حاجه بكتشف فيها غلط او حاجه بعدلها وكمان باخد بملاحظات بعض الناس فشكرًا للناس اللي متابعه الروايه ومهتمه بالأحداث 🤍
•ماشاء الله في عدد محترم لا بأس بيه بيقرأ الروايه بس المعظم بيقرأوا في صمت من غير ڤوت او متابعه او حتي كومنت ودي حاجه بتزعلني ياريت اللي تعجبو الروايه وتشدوا الاحداث وشايف الروايه تستاهل الڤوت والكومنت والكاتبه تستاهل فولو ميبخلش وشكرا ليكو 🤍
•الروايه بتفنش اهيه مفضلش كتير وبعدها ناخد اسبوع فترة هُدنه 😂ونرجع ننزل روايتنا الجديده القمر 🌚🤍
لو انت/انتي كملت قرايه لحد هنا فشاپوه ويلا بينا ندخل ع الشابتر عطول
رواية «الزمزم» بقلم داليا الصياد
الشابتر التاسع والعشرون
فارسة الكلمه
أحبّك أكثر، في كلِّ مرة نوشك على الإنتهاء ولا ننتهي،
أحبّك بقدر هذا التشبث،
بقدر رغبتي،
في البقاء معك،
رغماً عن كلِّ هذه الكوارث💙
رحيم: من الاخر كده عشان نبقه واضحين اتنين مليون جنيه هتتبرع بيهم للمدارس الحكوميه انت والمدام وهيبقه تحت اشرافي وهاجي بنفسي اشوف ده
ثانيا بقه بناتكو اللي طايحين دول ومحدش بيعلمهم اي الصح واي الغلط يعيدو السنادي من اول وجديد
ولما بنتي تفوق وترجع مدرستها هييجو مخصوص التلاته عشان يعتذرو منها قدام المدرسه كلها ويطلبو مسامحتها واللي بنتي هتعمله هو اللي هيبقه الصح ايا كان هو اي
فهو رد الفعل مش الفعل
تغضب السيده بشده: كل ده عشان هزرو مع بنتك دنت زي ميكون صدقت
زمزم الصغيره بغضب: هو اي اللي هزار حضرتك
تيجي نجرب نقفل علي حضرتك الدولاب ساعتين تلاته كده ونشوف احساس حضرتك وقتها ده انتقام مش هزار
لتكمل زمزم الكبيره: عيب يا زمزم متكسفيش طنط اصلها فاكره في جزر المالديف جوا الدولاب
بنتك يا استاذه بتتنمر علي اللي رايح واللي جاي ف المدرسه وشايفه نفسها علي كل طالبات المدرسه تقوليش يختي مخلفه سعاد حسني ههه
ولو حضرتك م قادره علي تربيتها انا ممكن اساعدك
تنهض السيده بغضب: انا مسمحلكيش كفايه اهانه لحد كده انا ساكته عشان محترمه المدرسه والمدير
يبتسم رحيم بتهكم
رحيم: احنا قولنا اللي عندنا يا مدام وحضرتك يا استاذ سمعت كلامي اتمني يتنفذ ف اقرب وقت وإلا متلموش الا نفسكو وادعو بنتي ترجع كويسه زي الاول واحسن عشان لو حصلها اي حاجه الخِطه هتتبدل تماما لينظر لثلاثتهم بريبه بما فيهم مدير المدرسه
ويكمل مخاطبا زوجته واولاده ومالك: يلا
