رواية«الزمزم» بقلم داليا الصياد
الشابتر الثامن عشر
فارسة الكلمه
يجتمع الجميع في منزل معتز حيث يجلسون في جو عائلي يأكلون البطيخ
زمزم تجلس ببطنها المنتفخه
نجوي: يبنتي بتأكلي خدودك معاكي
زمزم بتذمر: اعمل اي يعني مركب البطيخه كبير
تميم: مركب البطيخه!!! عم مغاوري اوي
زمزم: بس يحقير
تسنيم: لا يزمزم متشتميش تمتومي
تميم: ايوا متشتميش تمتومها يوحشه يقاسيه
زمزم وهي تنظر لرحيم: طب قولي اعمل اي
رحيم بضحك: تسكتي يحبيبتي ومتتعصبيش عشان متتعبيش وتاخدي الحقنه فاكره الحقنه يا زمزم
زمزم بدموع في عينيها: فاكراها يخويا فاكراها حسبي الله ونعم الوكيل لتتحسس موضع الحقنه وكأنه مازال يؤلمها
ليضحك الجميع عليها بشده
تميم: اللاه ده الموضوع كبير بقه احكيلنا يرحيم
رحيم بضحك: اختك يسيدي
F. B
ينزل رحيم مهرولا علي السلم حين سمع صوت سماح وهي تصرخ بإسم زمزم
رحيم: حصل اي
سماح: معرفش يبني كنت نازله اشرب لاقيت زمزم واقعه كده
رحيم محاولا ايفاقتها: انا لسه سايبها من عشر دقايق وطالع طب اطلعي انتي انا هاخدها ونروح المستشفي
سماح: لا هاجي معاك
بعد الربع ساعه كانت سيارة رحيم امام المشفي يصعد رحيم حاملا زمزم التي مازالت فاقده للوعي وسماح تهرول خلفه لتلحق خطواته الواسعه
بعد فتره تخرج الطبيبه من الغرفه
رحيم وسماح بلهفه: زمزم مالها يا دكتوره
الطبيبه: المدام ضغطها وطي اوي وده اللي سبب حالة الاغماء بلص بقه انها مبتتغذاش كويس وبتاكل اكل مش صحي تماما ومضر ليها وللبيبي هي فاقت دلوقتي ونص ساعه وتقدرو تخرجو وياريت لو تروحوا دلوقتي للدكتور اللي هي متابعه معاه
رحيم: تمام يا دكتور شكرا
الطبيبه: علي اي
ده واجبي عن اذنكو
ليدلف رحيم لزمزم
زمزم بلهفه: رحيم
رحيم: عيون رحيم وقلبه ليه يزمزم ليه كده ليه
زمزم: اي هو انا قلبي وقف وعاملولي صدمات كهربائيه وصحيت تاني ولا اي
سماح: يبت انتي بطلي لماضه شويه بقه بعد الشر عليكي
رحيم: بسبب القرف اللي كنتي بتاكليه ده اديكي دلوقتي ف المستشفي
زمزم: اسكت يرحيم كنت بحلم حتة دين حلم انما اي اوعا اوعا اوعا اوعا كان عندي تنين وانا اللي روضته وخليته صاحبي وسميته زغلول
