رواية«الزمزم» بقلم داليا الصياد
الشابتر الواحد والعشرون
فارسة الكلمه
تنهض زمزم من امام رحيم وعُدي لتوليهما ظهرها وقد أدمعت عيناها وقد فهمها رحيم وأغمض عينه متألمًا لها ولحالتها تلك
عُدي: زمزم انا بجد بحب ايه اوي ومكنتش عايز غيرها ومازلت ومك
زمزم مقاطعه إياه وهي تمسح دموعها لتقول بكل جَديه: إتجوز يا عُدي، إتجوز بنت خالتك
عُدي بصدمه: بتقولي اي يا زمزم
لتلتفتت له زمزم: بقولك إتجوز يا عُدي أيه كانت بتحبك وكانت دايما عايزه تبقه سبب ف سعادتك حتي لو هتيجي علي نفسها عشان تبقي انت كويس ومبسوط لتضحك بخفه وتكمل: تعرف قبل فرحكو بيومين بس قالتلي اي
F. B
أيه بسعاده: انا مبسوطه اوي يا زمزم مبسوطه
زمزم بحب: ربنا يسعدك يا قلبي يارب
أيه: معقوله انا وعُدي هنبقه سوا ف بيت واحد كده واغلس عليه براحتي يااه يا نعيييم
زمزم بضحك: ايوا ي بت اعملي مبدالك
أيه: زمزم هو انا لو مثلا مُت او جرالي حاجه تفتكري عُدي هيحب غيري
زمزم: اي يبنتي النكد ده بعد الشر عليكي
أيه: الاعمار بيد الله بس هو سؤال جه ف دماغي جاوبيني عشان خاطري
زمزم: ايه بجد كفايه بواخه بقا اي اللي بتقوليه ده
أيه بشرود: بس انا عايزه عُدي يكمل حياته حتي لو من غيري وعيزاه يفرح ويتبسط ويحب ويتحب ويخلف اطفال امامير يملو عليه البيت أمانه يزمزم لو حصللي حاجه خدي بالك من عُدي وخليه يعيش حياته
B
زمزم: بس مكنتش اعرف ان كلامها هيبقا حقيقه كانت حاسه
دي تعتبر وصيه يا عُدي اتجوز وحب بنت خالتك ولو جبت بنوته سميها زهره عشان أيه كانت نفسها تسمي الاسم ده اوي
عُدي وقد أدمعت عيناه: خمس شهور مش قادر أصدق خمس شهور اروح أقف تحت بيتها مستنيها تنزل بس منزلتش
أيه سابتني
سابتني ومش قادر أصدق غيابها وبكل سهوله بتطلبو مني ابطل احبها واشيل حبها من قلبي واروح احب واحده تانيه معرفهاش اصلا مجرد علاقة قرابه لا وعايزني اتجوزها واخلف منها كمان بس انا مش انسان آلي هحب واكره علي مزاجكو
رحيم محاولا تهدأته: اهدي يا عُدي اي الكلام ده
زمزم: انت بقالك قد اي تعرف أيه
جاوبني 4 سنين صح؟
طب انا بقا مع أيه بقالي 19 سنه
19 سنه واكلين شاربين رايحين جايين مع بعض احنا كنا اخوات
رغم اختلاف الحب بيني وبينها والحب بينك وبينها بس عمرك مهتحب أيه قدي ولا هتعزها قدي ولا هتتأثر بغيابها قدي بس ومع كل ده
لازم نعيش ونكمل عشانا احنا وعشانها كمان
نحققلها اللي كانت عايزه تحققه ومقدرتش ونخليها سعيده ف مكانها دلوقتي هي حاسه بينا يا عُدي ومفتكرش هتبقه فرحانه بحالتك دي والضياع اللي انت وانا فيه لازم لازم نقوي نفسنا بيها حتي لو هي مش موجوده معانا
