Maagang in-alarm ni Reyann ang kanyang cellphone, ayaw niya namang madisappoint niya ang bagong amo sa unang araw niya sa trabaho, hindi na nga siya lumabas kagabi upang di siya mapuyat. Alas sais palang ng umaga ay bumangon na ito, inayos niya ang sarili at pagkatapos ay nagkape.
Nagsuot si Reyann ng white t-shirt at pantalon, tsaka nagsuot ng rubber shoes. Eksaktong alas syete ng umaga ay tapos na siya sa sarili, nagpasya siyang sa terrace nalang hihintayin ang bagong boss.
Paglabas ni Reyann ay sakto ring palabas na ng kanyang bahay si Francis, agad nagliwanag ang mukha ni Reyann pagkakita sa kapitbahay.
"Hey boss, good morning!" Matamis ang ngiting bati ni Reyann, kahit naiinis parin sya kay Francis dahil sa kayabangan nito, kailangan niyang pakisamahan ito ng maayos dahil kailangan niya ng pera, kulang parin kasi ang perang pambayad nila sa bangko.
"Wag mo nga akong ma-boss boss dyan! Boyfriend mo'ko di ba?" Pagsusungit ni Francis.
"Tayong dalawa lang naman ang nandito ah!" Ani Reyann, nag-pout pa ito.
"Wag ka ngang magpout ng ganyan, di bagay sayo" Napapangiwing wika ni Francis sa tibo.
"Panira ka talaga ng trip noh?!" Inis na wika naman ni Reyann
"Hoy tibo! Umayos ka, kapag hindi mo nagawa ng maayos ang trabaho mo, babawiin ko yung perang naibayad ko na sayo!" Pananakot ni Francis.
"Oo na! Oo na!" Sumusukong sagot ni Reyann. "Tara na nga!" Naglakad na si Reyann palabas ng terrace, ganon din si Francis, nagtungo ito sa garahe upang sumakay na sa kotse.
Mababang pader lang ang pagitan ng mga bahay nina Reyann at Francis, kaya madalas nilang makita ang isa't-isa, at kaya dinig na dinig din ang ingay ng bawat isa.
*****
Pumunta sina Reyann at Francis sa The Saints Square, isa sa mga sikat na shopping mall sa Sampaloc, nauna silang pumasok sa isang department store, tumuloy sila sa female section, nasa bungad palang sila ay tila nais nang mag back-out ni Reyann.
"Why?" Tanong ni Francis ng mapansing huminto sa paglalakad si Reyann
"Hindi ako sanay sa mga ganitong lugar" Napapangiwing wika ni Reyann.
"Masanay kana" Hinila ni Francis ang kamay ni Reyann papasok, wala ng nagawa ang pasaway na tibo kundi ang sumunod.
Naramdaman ni Reyann na parang may kuryente dumaloy sa kanyang mga ugat ng hawakan ni Francis ang kamay niya, pero pinagwalang bahala nalang niya ito at nagpaakay na papasok sa loob.
"Pumili kana" Saad ni Francis ng makapasok na sila. Pumili naman si Reyann sa mga nakahilerang mga damit na puro pambabae. Ang una niyang napili ay isang white long sleeve blouse at black jeans, isinukat nya ito sa fitting room.
"Bagay ba?" Tanong ni Reyann ng makalabas ng fitting room.
"No" Magkasalubong ang kilay na sagot ni Francis. "Masyadong simple, try some skirt and a colorfull blouse" Suggest pa ni Francis kay Reyann.
Pumili ulit si Reyann, at nang makapili ay muli itong isinukat.
"E eto?" Tanong niya sa binata. Pagtingin ng binata ay napabunghalit ito ng tawa. "Anong nakakatawa? Sabi mo try ko ang skirt at colorful blouse, eto na" Isang lampas tuhod na skirt ang napili ni Reyann at ang blouse naman ay may manggas at floral ang design.
"Mukha kang manang, ang pangit mo!" Natatawang saad ni Francis. "Try another one, yung sosyal pero desenteng tignan"
Pumili na naman si Reyann, pumili sya ng pasosyal ang presyo, nakita nya ang isang black coat at black slacks pants, kapwa mahal ang presyo kaya pareho nyang kinuha at isinukat.
BINABASA MO ANG
THE BOYISH AND THE PLAYBOY
RomansaSi Francis Tan, isang modelo at negosyante. At dahil gwapo, mayaman at hot si Francis, habulin sya ng mga babae, at dahil mabait sya, lahat ng babaeng lumalapit sa kanya ay pinapatulan nya, basta sexy at maganda, sa madaling salita, isang certified...
