تولين/ نزلنه جوه كعدت يم ماما والبنات يمي شويه وصاحولنه ع غده كمنه تغدينه وخلصنه غده شربنه جاي بعدين صعدنه اني والبنات فوك فطومه شوفتني بدلاتها جانن كولش حلوات مال الحنه لون ماروني ومال العرس اوف وايت شويه وعافتنه فطومه وبقينه بس اني وسراب ردت اسألها ع شهم لأن ماشفته يمهم بس بطلت ضلينه كاعدات نسولف لمن صار اليل جنت كولش نعسانه ونمت كعدت ثاني يوم على صوت فطومه وسراب فتحت عيوني
فاطمه/ تولين يلا كومي بسرعه لازم نروح للصالون شنو نسيتي اليوم الحنه مالتي
تولين/ طفرت بسرعه من الفراش أخذت ملابسي ورحت للحمام أخذت شاور وطلعت لكيتهن يحضرن بروحهن لبست بجامه ولبست فوكاها بشت حته هناك مااتضايق أبدل براحتي وخليت شال ع راسي وأخذت الجنطه البيها فستاني وباقي الاغراض ونزلنه طلعنه كبل للصالون وصلنه نزلنه الاغراض جانت مرة عمي ويانه طبينه للصالون مجان اكو بس عروسه وحده جانت باديه بيها خلصتها وبدت بفاطمه بعد نص ساعه طلعت فاطمه جنها لعابه تجنن بعدين راحت سراب تسوي مكياجها بين ماساعدت فطومه تلبس البدله خلصت وراحت حته تسوي شعرها واني رحت اسوي مكياجي كلتلهاا اريد مكياج فخم لأن فستاني احمر ولازم ويا هيج مكياج صدك سوته وطلعت كلش حلوه وبعدين رحت لبست فساتي والحذاء والطقم وسويت اضافري بين مااجه دوري حته تسويلي شعري سوته الي مااعرف شنو اسمه التسرحه بس هوه شكله مثل الموج كلش حلو خلصنه واتصلت عمتي على واحد من الولد يجي ياخذنه كالولها حيجي جلال لأن كلهم مشغولين باوعت ع سراب وجها صار اصفر ولج سراب شبيج
سراب/ ولج استحي شلون راح يجي ويشوفني واني هيج
تولين/ وين المشكله تره عادي
سراب/ شنو عادي والله استحي
تولين/ شكد ثوله انتي
سراب/ الله عليج شكلي حلو
تولين/ والله تخبلين هاي عود انتي متحبي لعد اذا حبيتي شلون
سراب/ احبه بس مااريد اكول
تولين/ وليش بلاا
سراب/ مو كتلج لأن حلو مااريد واحد احلى مني
تولين/ والله عندج تفكير وخري من يمي لا اموتج
سراب/ ياربي شلون بيه
تولين/ ضلت سراب تفتر يمي ومتوتره لمن سمعنه صوت السياره بلباب اباوع عليها نخبصت ماتعرف شنو تسوي اخذت مرة عمي الاغراض حطتهن بلسياره وراحت فتحت الباب حته نصعد العروسه ساعدنها اني وسراب بعدين راحت سراب صعدت واني صعدت اباوع على سراب تباوع عل شارع متريد تخلي جلال يشوفها وهوه حاط المرايه عليها وبس يباوعلها
جلال/ مااتحمل هيج تره ارحمو بحالي
ام جلال/ منو يمه
جلال/ يمه ناااس ميخافون من الله كسرو كلبي
أنت تقرأ
عشقتها وهي صغيرة
General Fictionرغم البعد الذي بيننا لايوجد اقرب منك لقلبي تحكي القصه عن شاب بعمر ال 27 فرقته السنين عن حب الطفوله فرقته عن البنت الجان مايبدي يومه اله وياها وينهي وياها فرقتهم السنين ١٣ سنه هوه مشايفها غير مره وحده بس بقى حبها بقلبه وماكدر ينساها نشوف راح يرجعون...
