تبارك/ اوك
راحت تبارك تغسل بقينه اني وسراب وحده صافنه عل ثانيه وضايجات على وضع تبارك نتمنى لو نكدر نساعدها بس مابيدنا شي صار اليل تعشينه ونضفنه المطبخ وكلمن راح لغرفته نمنه.....
مشت الايام عادي شهم راح لدوامه وتبارك كم مره حاولت تتواصل ويا امها ماكو فايده بس اختها نوره تجيبلها اخبارها ودوم تخابرها وتكعد بلغرفه وتسد الباب مدري على شنو يحجن ....جنت كاعده بلحديقه العصر جان تجي سراب تكعد يمي
سراب/ توت
تولين/ ها
سراب/ نور وتبارك ابد مامرتاحتلهن احس عدهن شي
تولين/ شعلينه بيهن
سراب/ خاف يسون شي منا منا
تولين/ شيسون خل يسون عادي لتخلين بالج يمهن
سراب/ اييي
تولين/ شبيج
سراب/ ضايجه على شهم
تولين/ شبي
سراب/ مدري شوكت يرتاح جان طول عمره يتمنى بس تجين يمنه حته يشوفج ومن اجيتي صار يتمنى بس يخطبخ وبلاخير وره كل هذا الانتضار خلو ياخذ وحده ميريدها
تولين/ مو كلشي نريده لازم يصير واني وشهم مامكتوبلنه نصير لبعض
سراب/ تره شهم حاطج براسه حتلو تزوج تبارك ياخذج كال مستحيل تصير لغيري
تولين/ مو بكيفه اني صح احبه بس مااقبل اصير ضره ونوب المن لبنت عمي لا حبيبتي مستحيل هلشي
سراب/ والله اخويه قافل
تولين/ خلي يضل قافل والله مستحيل هلشي يصير
سراب/ شلون تخلصون حياتكم انتو الاثنين ماادري
تولين/ الله كريم
سراب/ هوه هم يراسلج
تولين/ لا
سراب/ ليش
تولين/ سراب تره اخوج خاطب اني لو خاطبني مراح اقبل يراسل غيري يعني ماارضاها على نفسي أرضاها لغيري تره تبارك بنت عمنه لتنسين هوه صح ميحبها بس تبقه خطيبته
سراب/ اي صح
تولين/ اي
سراب/ تكومين نطب جوه
تولين/ اي يلا
طبينه للبيت اني ضليت العب بلموبايل وسراب راحت تسوي عشه ويا امها لمن صار اليل تعشينه ونضفنه المطبخ وكلمن راح لغرفته اني جنت نعسانه كبل نمت
شهم/ طول الفتره هاي اني بين الدوام والبيت وبالي دوم مشغول بتولين شكم مره ردت اتصل بيها وأبطل لأن ادري بيها متريد نتراسل وتبارك طول مااني بلدوام تراسلني بس مرات ارد ومرات اغلس هيه تراسلني تسئل عليه وتروح بس اني مااريد احجي وياها وحته من ارد عليه احجي وياها ابرود واعرف هلشي كلش يضوجها ومره جنت كاعد جان تتصل بيه استغربت اول مره تسويها وتتصل رديت عليها سمعتها تبجي...
تبارك شبيج
أنت تقرأ
عشقتها وهي صغيرة
Fiksi Umumرغم البعد الذي بيننا لايوجد اقرب منك لقلبي تحكي القصه عن شاب بعمر ال 27 فرقته السنين عن حب الطفوله فرقته عن البنت الجان مايبدي يومه اله وياها وينهي وياها فرقتهم السنين ١٣ سنه هوه مشايفها غير مره وحده بس بقى حبها بقلبه وماكدر ينساها نشوف راح يرجعون...
