عشقتها وهي صغيرة

بارت/ 1

شهم/تبدي القصه من جان عمري 7سنوات جنت صف ثاني ابتدائي راجع من المدرسه للبيت لكيت مرة عمي بحضنها طفل يبجي ذبيت الجنطه ورحت كعدت يمها اباوع للطفل ملاك ضليت اباوعله واضحك حطيت ايدي على وجها وجه الطفل كلش ناعم سألت عمتي عمه منو هاي كالت هاي بنتي تولين ضليت صافن عليها مرت الايام واني اروح للمدرسه وارجع حته بس اضل كاعد يمها جنت احط كتبي واكعد أقره يمها حته واني ادرس اباوعلها تعلقت بهاي الطفله وهيه صغيره مرت سنين واني يوم عن يوم اتعلق بيها أكثر صارت هاي الطفله كلشي حلو بحياتي صار عمرها 7 سنين واني صار عمري 14 سنه تولين حبيتها من كل گلبي حسيتها مثل بنتي اجه شغل لابوها وقرروا يرحون لبغداد وكلش تأثرت لان حسيت قطعه مني راح تروح المهم راحو واني حالتي النفسيه ادمرت بس مبينت كدام أحد وهملت دراستي وتعبت كلش على فراكها لأن جانت تولين بلنسبه الي حسيتها مثل بنتي رغم عمري جان صغير وره فتره بديت استعيد نفسي ورجعت لدراستي وحاولت انساها بس ما كدرت مرت 3 سنوات صار عمري 17 سنه واني شفت تولين اخر مره لمن أخذوها فقررت اروح واشوفها لأن والدي أضطر يروح لبغداد وقررت اروح ويا علمود اشوفها ورحت اني ووالدي وعساني ما رحت طول الطريق متلهف حته اشوفها اريد اشوفها كبرانه لو لا ويا ترا راح تعرفني ؟وصلنه لبيتهم دخلنه سلمنه عليهم رحنه كعدنه واني عيني تراقب بلبيت تدور عليها لأن مشفتها اجت وسلمت صارت الساعه 12ونص الضهر امها جانت تحضر ب الغده جان يندك الباب وجان تدخل اميرة گلبي اجت سلمت على ابوي بعدين باوعتلي بنضرات ما عرفت افسرها سلمت عليه وراحت بعدين دخلت عمتي صاحتلنه ع الغده كمنه ع الطاوله جان تجي تولين كعدت كبالي ما رفعت عينها جانت طول الوقت ساكته وما حجت ولا حرف واني بس اباوعلها ما نزلت عيني عنها خلصنه غده ورحنه كعدنه بالاستقبال اني ووالدي وعمي وزوجته بس تولين دخلت لغرفتها وبعد ما طلعت جنت اراقب ب الباب على أمل تطلع حته اشوفها سأل والدي عليها كالوله جاي تقره ضلينه كاعدين نسولف بقينه يمهم يومين وتولين ما اشوفها بس من ترجع من المدرسه ووقت الاكل حته مترفع عينها بعيني انصدمت منها بعد يومين رجعنه للبيت اني ووالدي وجنت كلش تعبان ورجعت كبل نمت ....مرت الايام والشهور والسنين وجانت اخر مره شفت تولين بيها قبل 10 سنين درست وتعبت على نفسي وتخرجت وصرت ضابط وكل هاذا واني ما اعرف اخبارها حاولت انساها بس ماكدرت أهلها يجون بس هيه تتحجج بلدراسه حته اهلي يرحولهم بس اني ما اروح

تولين/كعدت الصبح على صوت ماما تصيح عليه

الام/كومي تولين تأخرتي على الدوام الساعه 7/30

تولين/طفرت من الفراش بسرعه مشطت شعري ولبست ملابسي وطلعت لكيت الخط منتضرني وصلت لكيت وسام الزاحف اجه عليه

وسام/صباح الخير يا حلوه

تولين/امشي لك ولي من يمي

وسام/عمي على كيفج شكنالج أحنه