عشقتها وهي صغيرة

بارت/ 29

تبارك/ بعد ماطلكت  ودعتهم ورحت ورجعت لأمي جانت كلش فرحانه اول مره اشوف ام تفرح بطلاك بتها امي جانت فرحانه لأن تعرف لو كمل هذا الزواج مراح ارتاح  جانو  خوالي وخالاتي محد معترض على طلاكي بلعكس كلهم فرحو لأن يعرفون اني الردت الطلاك  وبيومها كرار جان موجود وأشوف الفرحه بعيونه وكل شويه يباوعلي الكل لاحضه شلون فرحان وبس يباوعلي  صاحتلي ماما وكمت جانت  مسويلتي  مكان لأغراضي بديت أرتب بيهن خلصت ورجعت كعدت يم بنات خالاتي ضلنيه نسولف وحجيتلهن على تولين وسراب وشلون جانت علاقتي بيهم وشلون صارت  وضلينه نسولف ونضحك لليل كلمن راح لبيته واني رحت نمت

بعد ٨ اشهر...

تولين/ بعد طلاك شهم وتبارك رجعت علاقتي بشهم اقوى من قبل يوميه نتراسل وماينام اذا مااسمع صوته وذا هوه بلبيت يجيني للغرفه اشوفه وذا بلدوام يفتحلي كامره بس مثل كل علاقه ماتخله من المشاكل والغيره والزعل بس مثل ميكولون العلاقه التستمر تقوى بمشاكلها واحنه ضالين نتزاعل ونتراضه بس زعلنه مايطول ساعه ونرجع نتراضه..... وفطومه جابت بنوته سمتها ايليا كلش حلوه وتبارك اجو خوالها وخطبوها من عمامي لأبن خالتها كلنه رحنه لخطوبتها جانت حفله كلش حلوه وبسيطه ومبينه الفرحه بعيونهم ثنينهن... وسراب وجلال يوميه زعلانين جلال يريد يسوي الخطوبه وهيه متقبل اله اني وياها سوه واني كل مره شهم يحاجيني عل خطوبه اكله بعد مو هسه انتضر وخطيه هوه ضال اعرف شلعت كلبه بس عادي يتحملني... وبيوم جنت احضر جنطتي  حته اروح لبغداد لعرس مصطفى وريام جنت بلغرفه وحدي طلعت الفستان الراح البسه للحنه رفعته ضليت اباوعله كلش مامقتنعه بي حسيت واحد حضني..

شهم/ شو صافنه عل فستان تره حلو

تولين/ هوه حلو بس مااحسه مال حفله

شهم/ لا حبيبي مال حفله احسن ماتروحين هناك تلبسين مشخلع والولد طابين طالعين

تولين/ تره محد غريب هناك

شهم/ حبيبي حتلو محد غريب اني مااريد واحد يشوفج بلبس مكشوف اصلا لو بيدي البسج عبايه ومااخليج تذبينها حته بلحفله

تولين/ يااا شهم شسالفه

شهم/ شسوي يروحي احبج ومااريد واحد غيري يشوفج

تولين/ اي حبيبي بس مو هيج

شهم/ حضنتها حيل..  لا هيج وأكثر

تولين/ يلا وخر خل اكمل هم يلا الحك حته انام واكعد من وكت

شهم/ بعدت عنها... مو تروحين بدون شال

تولين/ لا يروحي شال وبشت ثنينهن

شهم/ عفيه بغاليتي يلا تصبحين على خير

تولين/ وانت بخير

شهم/ بستها بخدها ورحت للغرفه

تولين/ بعد ماراح شهم كملت الجنطه ونمت كعدت ثاني يوم أخذت شاور وسويت شعري ومكياجي وكملت كلشي ورحت لغرفه شهم فتحت الباب على كيف وطبيت ...شهم شوشو شهومي حبيبي اكعد خل اشوفك قبل مااروح..