عشقتها وهي صغيرة

البارت/ 9

تولين/ كعدت الصبح راسي يوجعني كلش يمكن لأن ضليت ابجي بليل رحت أخذت شاور ونزلت سوينه ريوك اني وسراب تريكنه بعدها كمت ساعدتها بتنضيف البيت باوعت عل ساعه ب10 صار وقت علاج بابا رحت اخذته اله جان كاعد يم عمامي سلمت عليهم انطيته العلاج شربه وكعدت يمهم بعدين تذكرت مصطفى عمو لعد مصطفى وين

ابو شهم/ من الصبح راحو ماقبلو يضلون

تولين/ لعد هاذا شكد حقير حته ماكلف نفسه يجي يشوفني قبل ميروح اني أعلمه ترخصت منهم وطلعت اتصلت بصوفي شويه ورد

مصطفى/ هلاو توت

تولين/ وجعع ليش تروح بدون تشوفني

مصطفى/ ولج طلعنه مستعجلين

تولين/ اني أعلمك بس خل ارجع للبيت

مصطفى/ مااضن ترجعون بعد

تولين/ شنو منرجع ليش

مصطفى/ عمج يكول مااكدر اخلي اخويه يروح هناك يضل بالي يمه لمن يصير زين اله

تولين/ لا بلااا اني مااكدر اعيش وياهم هنا وذا صدك اهلي ميقبلون يرجعون اني اجي يمكم وخليهم هنا عود بين فتره وفتره اجي عليهم

مصطفى/ اي تعالي هلا بيج وذا مالكيتي واحد يوصلج بس اتصلي بيه اني اجي اخذج

تولين/ نشالله يلا ولك خل اروح بعدين نحجي

مصطفى/ الله وياج

تولين/ سديت الاتصال ورحت يم البنات جانن يسون غدة ضليت اساعدهن بعدها كلمنه وحضرنه السفره وكعدو يتغدون واني حضرت غده بابا لأن ميكدر يكعد وياهم حطيته اله وكعدت يمه اباوعله وهوه ياكل

ابو تولين/ ليش متاكلين

تولين/ قبل شويه تريكت موجوعانه

ابو تولين/تره صار كم يوم معاجبتني

تولين/ ليش بابا

ابو تولين/ مدااشوف خدودج ضعفانه

تولين/ اووف يا بابا نفسيتي تعبانه كلش

ابو تولين/ صاير وياج شي احجيلي

تولين/لا بابا مصاير شي بس اني ممتعوده اعيش هنا احس روحي مخنوكه

ابو تولين/ لازم تتعودين على عيشتهم بين مااصير زين ونرجع لبيتنه

تولين/ مااكدر

ابو تولين/ لخاطري تحملي

تولين/ باوعت على بابا وهزيت راسي بمعنى موافقه ضليت كاعده يمه لمن خلص غدة أخذت الصينيه للمطبخ وجبتله العلاج مالته انطيتهيا شربه ورحت كعدت بلصاله اكلب بل انستا شفت بيج يبيع ملابس كلش حلوات اختاريت كم شغله ورحت شوفتهن لماما

ام تولين/ يعني راح اطلبين هسه

تولين/ اي هسه لأن ماجايبه وياي ملابس من البيت وبابا يكول نضل هنا لازم اشتري