عشقتها وهي صغيرة

بارت/ 8

شهم/ جنت طالع واتصل بيه والدي كال عمك سوه حادث وهسه بلمستشفى حالته موتمام رحت للمستشفى جانت هوسه اخواني وعمامي كلهم هناك ها يابه شلونه عمي

ابو شهم/ يكولون حالته موزينه لازم واحد يروح للبيت يكول لمرته وبنته

شهم/ اني اروح اكللهم

ابو شهم/ اي يلا روح بس على كيفك مو تصدمهم

شهم/ عفت والدي ورحت للبيت طبيت لكيت مرة عمي كاعدة بلصاله اول ماكلتلها كامت تعيط ضليت اهدي بيها اجت تولين على صوت امها اول ماسمعت بلخبر اغمى عليها رحت عليها بسرعه ضليت اصحي بيها متصحى أخذتها ورحت للمستشفى  اجه الدكتور فحصها وسألني اذا متعرضه لصدمه كتله اي ضليت  انتضر شوكت تصحى واخواني وعمامي كل شويه يجون يمي يطمنون عليها لأن نفس المستشفى البيها ابوها صار اليل جان يجي رجال جبير ويا شاب

مصطفى/ سلام عليكم

الكل/ وعليكم السلام

مصطفى/ شلون صار خالي

شهم/ بعد مانعرف عنه شي بس منو حضرتك

مصطفى/ اني اصير ابن خالة تولين  وهاذا والدي

ابو شهم/ كل الهلا بيكم

الدكتور/ منو ابو المريضه الجوه

ابو شهم/ اني عمها ابوها سوه حادث

الدكتور/ واحد يدخل يحجي وياها جاي تبجي تريد ابوها

مصطفى/ هاي تولين هنا

شهم/ باوعتله بستغراب اي تولين هنا ليش

مصطفى/ من رخصتكم اريد ادخل اشوفها

ابو شهم/ روح ادخل بس حاول تهديها

مصطفى/ تمام

شهم/ ضليت اباوعله والنار تاكل بكلبي ماخليته يدخل وحده دخلت ويا هيه اول ماشافته طفرت من مكانها هوه راح عليها ولزمها يحاول يهدي بيها وهيه تبجي تريد تطلع ميخليها

تولين/ صوفي حباب وديني اشوف بابا فدوه

مصطفى/ انتضري شويه من يطلعونه اوديج تشوفي هسه محد يكدر يروح ويشوفه

تولين/ لا اريد اروح هسه حباب حتلو اشوفه من بره مااطب يمه بس خل اطمن هوه عايش مو ميت حباب

مصطفى/ ياعمري والله عايش بس انتضري شويه والله مااكدر اخذج هسه

شهم/ شفته شلون لازمها ويحجي وياها ودي اروح هسه ادفنه بمكانه شفته شلون وداها لسريرها خلاها تنام وكعد يمها ضل لازم أيدها واني النار كامت تاكل بيه بس على شنو هيج ضايج اني ليش نسيت شنو سوت بس ليكون هوه هاذا نفسه التحبه وبينهم علاقه ضلت الأفكار تجي براسي اي هيه كالت مااتزوج اله ابغداد وهسه يكللها يعمري  اوووف ياربي ماتحمل حتلو يحبها مااكدر اشوفهم كدامي وهيج لازم أيدها شفتها رجعت نامت كتله يطلع ويعوفها تنام صدك هوه ماحجه شي كبل طلع تمنيت يعاند حته صدك أفرغ نار كلبي بي  ضلت عيني علي اشوفه كل شويه يروح يشوفها ويرجع صحت على جلال ياخذهم للبيت بحجة تعبانين من الطريق  اريد بس اخلص منه