عشقتها وهي صغيرة

البارت/ 10

سراب/ عفتها ونزلت جوه لكيت شهم وجلال واكفين سوه كلبي كام يدك سريع صار هواي مشايفته نداريت اريد ارجع اصعد لأن مااريده يشوفني جان يستوقفني صوت شهم

شهم/ سرو تعالي سوي جاي

سراب/ بكلبي لا ياالله شهم مو وكتك والله نداريت ورحت للمطبخ سويت جاي ورحت اودي دخلت سلمت وواني منزله راسي ماباوعت علي جنت كلش مرتبكه عفتهم وطلعت رحت للمطبخ ضليت كاعد انتضره حته من يطلع اشوفه بعد ساعه تقريبآ طلع هوه وورا شهم صارت عينه بعينه ارتبكت وحاولت ابعد نضراتي عنه واسوي روحي انضف بلمطبخ ونبضات كلبي تتسارع راح لبيتهم اني صعدت لغرفتي لكيت تولين نايمه نمت بصفها وضليت اباوع عل سكف وأتذكر من التقت نضراتنه لا اراديآ ابتسمت بعدين نداريت على تولين والله اني وياج منعرف شنو نريد راح نتعب كلش ويا كلوبنه اخذت نفس عميق ونمت كعدت الصبح ب٧ تقريبآ نزلت لكيت الكل نايم نضفت البيت وأخذت شاور بعدين كعد شهم سويتله ريوك تريك وطلع وبعدين كعدو اهلي هم سويتلهم ريوك بين ماصارت ب١٠ صعدت لتولين اكعدها تولين يلا كومي الساعه ب١٠ تره

تولين/ ولي عني عوفيني نايمه

سراب/ عليج الله كومي والله ضوجه كاعده وحدي

تولين/ بس شويه واكعد

سراب/ لا عليج الله كومي

تولين/ دااكلج ولييي

سراب/ بكلبي يعني متكومين مووو اني اعلمج نزلت جوه جبت كلاص مي بارد ورجعت للغرفه لكيتها بعدها نايمه عفت باب الغرفه مفتوح ورحت طشيت ألمي على وجها فزت بسرعه

تولين/ لجججج نعال هاي ليش

سراب/ حته من اكعدج نوب تكومين بسرعه

تولين/ اني اعلمج اوكفي

سراب/ عفتها ونزلت اركض جان تجي وراي

تولين/ وين تروحين مني اليوم يعني بسيطه

سراب/ رحت وكفت وره عمي حسن جانت العائله كلهم كاعدين بلصاله يباوعون علينه عمو فدوه راح تكتلني

تولين/ وذا ختلتي ورا ماالزمج يعني

حسن/ لا عوفيها يمي

تولين/ عمو يعني انته تقبل واني نايمه بعز نومتي تذب عليه مي بااارد ثلج حته اكعد كمت الزم بملابسي شوف شلون صرت كلي مي بسببها

سراب/ ندار عليه عمي حسن وباوعلي ورفع حاجبه ابتسمت بوجهه عمو أملي بيك لتخليها تلزمني حباب

حسن/ يبعد عمج عفويها بس هاي المره لخاطري

تولين/ باوعتله بقلة حيله عمو بس هاي المره لخاطرك والله اذا عادتها مره ثانيه مااعوفها بحالها

حسن/ اذا عادتها اني اعرف شلون اتصرف وياها معليج

تولين/ هاهيه عمو هاي لخاطرك والله وانتي يله اطلعي لتضلين خاتله