تولين/ كعدت الضهر الساعه ب٣ البنات بعدهن نايمات كعدتهن ونزلنه كلنه سوه غسلنه وكعدنه نحضر بلريوك هوه صح مو وكته بس احنه هسه كعدنه كملنه وكعدنه ناكل ماما مجانت موجوده يمكن يم خالتي يعني البيت بس النه خلصنه الريوك وغسلنه المواعين راحت ريام طلعت اغاني ع بلازمه واني وشهد وغدير وعلياء كمنه نركص اجت نوب ريام وكمنه كلنه نغني ونركص كلبنه البيت جان يوم كلش حلو صارت الساعه ب٧ رادن يروحن ماخليتهن كلتلهن نطلب عشه نتعشه ويجي بابا ونروح نوصلهن صدك والله ضلن يمي وطلبنه اكل وره ساعه وصل تعشينه سوه واتصلت ع بابا اجه ورحت وياهن وصلتهن لبيتهن ورجعت صعدت لغرفتي وصلتلي رساله ع تلي فتحتها جان من سراب
سراب/ هلاو توت شلونج
تولين/ تمام وانتي شلونج
سراب/ تمام الحمدلله والله مشتاقتلج
تولين/ عمري والله اني اكثر متتخيلين شكد فرحت بجيتي يمكم
سراب/ تدرين عبالي انتي زعلانه مني بسبب شهم
تولين/ لا عمري انتي مالج دخل ع شنو ازعل منج
سراب/ والله جنت كلش خايفه
تولين/ لا حبي لتخافين بس هسه طمنيني اهلج شلونهم
سراب/ كلهم زينين
تولين/ سلميلي عليهم وبوسيلي فطومه
سراب/ نشالله يلا عمري أخذي راحتج
تولين/ باي
سراب/ بايات
تولين/ طفيت موبايلي وباوعت ع سكف جان اتذكر شهم شلون من ضربني شكد كرهته كمت طفيت الضوه ورجعت نمت
سراب/ بعد الصار بين شهم وتولين كلش خفت لاتولين تزعل مني لأن اني أخته تولين صارت كلش قريبه مني راسلتها وسألتها اذا زعلانه لو لا ورتاحيت كلش من كالت ما زعلانه ويوسف حاجي عمي واجو خطبو فطومه وكالو بعد يومين يسوون الخطوبه جنه كلش متمنين تولين ويانه لأن كلش تونسنه وياها بعرس اخويه سيف بس شنسوي بعد كله بسبب شهم مااتوقع حتجي بعد يمنه مر يومين وصارت الخطوبه مال فطومه جانت طالعه كلش حلوه جنت رايحه لغرفتي مااحس غير واحد سحبني جلاال شسوي هنا
جلال/ والله اجيت اشوفج ولج حسي بيه والله احبج واريدج
سراب/ ياأخي اني مااريدك شنو كوه هيه
جلال/ وجعع لتكولين اخي اني مو اخوج
سراب/ وخر لايجي واحد ويشوفنه سوه هسه يفهمنه غلط
جلال/ عادي خل يشوفونه ويفهمونه غلط حته اخطبج منهم وكبل ينطوج الي بدون ميسألوج
سراب/ تره مااريدك مو كوه هيه وخر منا يلاا
جلال/ ليش متريديني شنو السبب اشو عندي بيت وسيارة وفوك كل هاذا شاب خلووق
سراب/ ايييععع وشايف نفسك هم
أنت تقرأ
عشقتها وهي صغيرة
Ficción Generalرغم البعد الذي بيننا لايوجد اقرب منك لقلبي تحكي القصه عن شاب بعمر ال 27 فرقته السنين عن حب الطفوله فرقته عن البنت الجان مايبدي يومه اله وياها وينهي وياها فرقتهم السنين ١٣ سنه هوه مشايفها غير مره وحده بس بقى حبها بقلبه وماكدر ينساها نشوف راح يرجعون...
