عشقتها وهي صغيرة

بارت/ 2

وصلنه للأنبار بعد طريق طويل وكفنه يم بيت كلش جبير جان اكو هواي زلم واكفين بلباب نزل بابا راح يسلم عليهم نزلنه ورا وسلمت على عمامي ودخلنه جوه جان اكو هواي بنات بكدي ونسوان كبار سلمت عليهم ورحت كعدت اباوع عليهم البنات يباوعن عليه ويحجن بيناتهن ماهتميت طلعت فوني اتصلت بصديقتي كالت اول متوصلين كليلي دزيتلها رساله وسديت الفون صديقتي هاي تعرفت عليها ع نت بيتهم هم هنا بلانبار اجت ماما يمي اكول ماما منو ذني البنات

الام/ ذني بنات عمامج

تولين/ يعني ذوله كلهم عايشين بهاذا البيت

الام/ اي كلهم شوفي جمعتهم شكد حلوه

تولين/ وين الحلو بلموضوع تلكين البيت دوم هوسه حته الواحد ميعرف يرتاح

الام/ لئن معايشه وياهم وشايفه لمتهم تحجين هيج

تولين/ يمكن اكول ماما اريد اغير ملابسي حموت من الحر

الام/ هسه أصيح سراب تجي تاخذج تغيريهن

تولين/ راحت ماما صاحت سراب وجابت الجنطه مالتي واجت صعدنه فوك اني وياها بغرفتها طلعت فستان صيفي نازك لبسته وعدلت مكياجي ونزلت لكيت مجموعه مال بنات كاعدات رحت يمهن ضلن يسولفن وياي اني بسرعه انمدجت وياهن اني بطبعي اجتماعية جانن البنات كلش حبابات فاطمه وسراب وهدى ونور وحوراء وايات بس هاي ايات بس تباوعلي صفح ومن تحجي وياي تحجي بتكبر ابد ماعجبني اسلوبها بعدين وحده صاحتلهن وراحن يحضرن الغده واني رجعت يم ماما صبو غده اني ماجنت مشتهيه اكل كامو يحجون حته اتغده وياهم بس اني جنت كلش مالي نفس لئن دايخه من الطريق أخذت فوني وكلتلهم راح اطلع بره بلحديقه اتصلت بصديقتي ضليت احجي وياها حته نتفق وين نلتقي كالت تعالي يمي للبيت بيتهم جان قريب ع بيت عمي خلصت مكالمه ردت ارجع ادخل شفت واحد واكف ومنطيني ضهره يخابر ويحجي بصوت عالي عبالك عنده مشكله عفتة ودخلت للبيت لكيت البنات ديلمن بلسفره باوعتلي ماما وكالت ساعدي البنات حجيت بكلبي ياربي هاي شلون سالفه اني بلبيت ماالم السفره ونوب من نروح خطار اكعد الم انطيت موبايلي لماما وكمت اخذ المواعين واودي للمطبخ خلصت وغسلت ايدي ورجعت يم ماما جنت نعسانه اريد بس انام بس عيب احنه هسه اجينه وانام ضليت شويه كاعده بعدين اجت سراب يمي

سراب/ اي عيني توت شبيج احسج ضايجه شنو معاجبتج الكعده هنا

تولين/ لا مو قصة معاجبتني بس لأن كاعده من الصبح والطريق طويل كلش دايخة

سراب/ تكومين تنامين حته ترتاحين

تولين/ لا عيب شيكولون هسه بعدني مااجيت

سراب/ لا كومي معليج محد يحجي

تولين/ كلت لماما ورحت ويا سراب لغرفتها جانت برودتها كلش حلوه تخلي الواحد غصب ينعس