عشقتها وهي صغيرة

بارت/ 22

تولين/ اي

كعدنه بلصاله وخلينه الحلويات جانت خالتي مطلعه مسلسل تركي تباوعله اسمه الحب الاعمى ضلينه نباوع وياها ونأكل خلص المسلسل بعدها ضلينه نسولف ونضحك يعني صدك تغيرت نفسيتي كلش صارت الساعه ب٢ نعست ورحت لغرفتي لحضرتليها خالتي طفيت الضوه ونمت
ثاني يوم جنه اني وخالتي نحضر الغده جان يدخل مصطفى ضايج راح لغرفته وسد الباب باوعتلي خالتي

ام مصطفى/ شبي هاذا

تولين/ والله خاله ماادري

ام مصطفى/ روحي شوفي بلا

تولين/ اوك ... رحت لمصطفى دكيت الباب وطبيت شفته كاعد عل جربايه وحاط أيده على وجهه كعدت يمه وحجيت
صوفي شبيك

مصطفى/ مابيه شي

تولين/ لتجذب مبين صاير وياك شي

مصطفى/ ريام

تولين/ شبيها

مصطفى/ ابن خالها جاي خاطبها

تولين/ وانته ضايج على هاي

مصطفى/ شلون مااضوج لعد خايف يغصبوها

تولين/ لا ميغصبوها اني اعرف أهلها ماعدهم هاي السالفه وبعدين انته ليش ماخطبتها من الاول ليش ضليت لحد هسه

مصطفى/ هيه مجانت تقبل

تولين/ حاجيها هسه كللها خل ترفض ابن خالتها وروح اخطبها انته وحتلو متزوجون بس اخطبها حته محد يجيها بعد

مصطفى/ هيج تشوفين

تولين/ اي
عفته وطلعت رحت يم خالتي حجيتلها على مصطفى ليش ضايج رجعنه نكمل الغده شويه واجه هوه وجهه يضحك باوعتله وابتسمت ضل كاعد يمنه نسولف ونضحك وخالتي كالتله بس خل ترفض شكم يوم ونروح لأهل ريام نخطبها هوه كلش فرح .......
مشت الايام واني شويه شويه بديت ارجع لحياتي الأولى وسراب يوميه احجي وياها ونفتح كامره وتحجيلي عن يومها وشنو سوت واني هم احجيلها شيصير وياي وشهم مااعرف عنه شي ولا رجع راسلني بعد من اخر مره حته عل رسائل مارد وسراب ابد متفتح موضوعه كدامي ولا اني اسئلها ومصطفى يوميه بليل يجي يطلعني وسالفة خطوبة ريام ألغت وحاجت امها على مصطفى وقررنه نروح نخطبها بس ننتضر ماما تجي لبغداد حته تروح ويانه وبيوم جنت الصبح كاعده بلصاله اكلب بلموبايل جان توصلني رساله من ماما مكتوب بيها احنه طالعين هسه خل خالتج تحضر روحها لأن محمد وسراب اجو وياي قريت الرساله ماصدكت طرت من الفرح رحت لخالتي وكلتلها خالتي نخبصت ضلت تحتار شنو تسوي تنضف البيت لو تطلع تتسوك كلتلها ابقي نضفي البيت واني رايحه اتسوك كتبت الاغراض التحتاجهن بلموبايل وطلعت جبتهن ورجعت السوك جان قريب علينه ضليت اساعد خالتي كملنه تنضيف البيت وسويت وياها دولمه وعفتها هيه تكمل ورحت أخذت شاور وسويت شعري ومكياجي كملت كلشي ورحت لخالتي وكفت كدامها
خاله شكلي حلو