تولين/ بعد الريوك كلمن راح لشغله وكمنه اني وسراب نضفنه البيت ونسوان عمامي حضرن الغده خلص اليوم عادي وثاني يوم هم نفس الشي والثالث إلى أن اجه رابع يوم جنه كاعدين جان تدخل تبارك تبجي
الكل كام يشوف شبيها
حسن/ ها بابا شبيج ليش تبجين
تبارك/ عمو فدوه مااريد ابقه هناك خلوني يمكم فدوه لتخلوني ارجع لبيت خالي
حسن/ ليش شصاير
تبارك/ مصاير شي بس عوفوني هنا فدوه لترجعوني
حسن/ اكو شي صاير وياج واحد محاجيج كولي
تبارك/ عمو يردون يزوجوني غصب عني وبدون علمكم
حسن/ منو يريد يزوجج
تبارك/ بشهكه.. خالي
حسن/ اهدي شويه حته تفهميني شكو كافي لتبجين سراب جيبي لأختج مي بسرعه
راحت سراب جابت مي ورجعت
تولين/ ضلينه كاعدين ننتضرها ترتاح حته تحجي واباوع على عمامي والولد كوه واكفين احسهم عبالك يردون يتعاركون بعد شوي وبدت تبارك تحجي شصار وياها
تبارك/ عمو اني قبل شكم مره خطبني ابن خالتي واني جنت ارفض وماما تتعارك وياي لأن تريدني اقبل بي وبعد وفاة بابا رحنه لبيت خالي كعدنه يمهم كام يوميه ابن خالتي يجي هناك اني مااطلع كدامه لأن ماعندي علاقه ولا احب اختلط بيهم وفوك كل هاذا اني منا متقيده من ولد خالي هم ويانه بلبيت وماماخذه راحتي ممتعوده عليهم بعدين هوه كام يلح بجياته وشكم مره اسمع خالتي تكول لأمي خل بس نعقدلهم حته ميجون بيت عمها ياخذوها حته هم اضمنها لأبني وهيه هم كدام عيونج كامت تجي وتحجي براس امي يوميه لمن قنعتها واليوم رادو يرحون يعقدولنه غصب عني وبدون علمكم وبدون ميدرون اجيتكم فدوه لترجعوني مااريد اتزوجه
حسن/ هاذا بيتج وامج اذا تريد تشوفج هيه تجيج بعد متروحين لهناك واني اعلمهم
تولين/ اباوع عليهم الغضب بعيونهم احسهم كوه لازمين روحهم طلع عمي حسن للديوان وكلهم راحو ورا ضلينه احنه يم تبارك نهدي بيها كلش نقهرت عليها ابوها بعد ماصارله فتره من مات شسوو بيها صدك البنيه بدون ابوها تضيع بعد شوي سمعنه صوت سيارات طلعت راحت مرة عمي باوعت ورجعت
ام جلال/ صخام الصخمني ولجن الحكن آخذو السلاح وراحو دخيلك ياربي شيخلصها اليوم
ام شهم/ خليهم حيل بيهم يستاهلون
تولين/ بس سمعت بلسلاح احس رجليه متشيلني بعد ادنيت يم سراب وحجيت بهمس
ولج شحيصير ليش آخذو السلاح
سراب/ راحو يسوولهم جرة إذن
تولين/ مافهمت شلون يعني
سراب/ شوي بعد تفهمين
أنت تقرأ
عشقتها وهي صغيرة
General Fictionرغم البعد الذي بيننا لايوجد اقرب منك لقلبي تحكي القصه عن شاب بعمر ال 27 فرقته السنين عن حب الطفوله فرقته عن البنت الجان مايبدي يومه اله وياها وينهي وياها فرقتهم السنين ١٣ سنه هوه مشايفها غير مره وحده بس بقى حبها بقلبه وماكدر ينساها نشوف راح يرجعون...
