تولين/ كعدت الصبح راسي أحسه يريد ينفجر غسلت وجهي وفرشت اسناني ونزلت صبحت عليهم جان البيت هوسه صاحولي ع ريوك كلتلهم مااريد رحت كعدت بلصاله وضليت لازمه راسي موتني من الوجع خلصو ريوك كامن البنات ينضفن بلبيت كمت اساعدهن واني اشتغل دخت ماكدرت اضل واكفه بسرعه كعدت ولزمت راسي حيل
سراب/ يااا توت شبيج
تولين/ دخت
سراب/ كومي اكعدي جوه احنه نكمل
تولين/ لا متعوده دوم يصير بيه هيج تجيني الدوخه شويه وتروح عادي
سراب/ ليش هيج يصير بيج مارحتي للدكتور
تولين/ بس نرجع لبغداد اشوفلي دكتور زين واروحله
سراب/ اي لئن موزين تضلين هيج
تولين/ كمت كملت ويا البنات صارت الساعه ب١ صعدت أخذت شاور وسويت شعري من كدام رفعته بف وبرمت اطرافه من جوه وسويت مكياج لون وردي ولبست فستان جان شكله كلش نازك قماشه ستن لونه وردي مستور وسويت شعري ويفي ولبست طقم كرستال ناعم كلش ولبست حذائي وخليته عطر كملت كلشي أجن البنات هم سويتلهن مكياجهن صارت الساعه ب٤ وربع خلصنه كلشي وردنه ننزل جوه بعدين تذكرت الشال كلت اخذ الشال من هسه حته من نطلع بس اخلي ع راسي أخذت شال من سراب نفس لون فستاني ونزلنه مجان اكو شباب بلبيت بس البنات ضلينه نركص ونصور لمن كالو حضرو روحكم علمود الزفه نروح ناخذ العروسه من بيت اهلها للقاعه اني بسرعه رحت عدلت المكياج حته خاف صاير بي شي وحطيت شالي ع راسي بس هيج شكل رحت صعدت بسيارة بابا البنات ماقبلن يجن وياي ماما راحت ويا ام العريس ضليت بس اني انتضر بابا يجي شويه جان ينفتح باب السيارة جان يصعد شهم
شهم/ كعدت الصبح وطلعت خلصت شغل ويا الشباب ضلينه نشتغل لحد الساعه ب٣ ونص صعدت أخذت شاور ولبست الدشداشه والغترة وطلعت نتحضر للزفه سيارتي اخذها والدي هوه وعمي ابو تولين يرحون بيها وسيارة عمي اني اروح بيها اجه وقت الزفه رحنه كلمن لسيارته صعدت بسيارة عمي شفت تولين كاعده بلسيارة هاي انتي هنا
تولين/ شكو جاي انته بابا وين لعد
شهم/ ابوج راح بسيارتي
تولين/ لعد اني شلون
شهم/ شنو انتي
تولين/ اريد اروح وياهم
شهم/ باوعت عليها وقفلت السياره ابتسمتلها طالعه حلوه اليوم
تولين/ بغرور اني من زمان حلوه بس صيح لبابا خل اروح ويا يلاا
شهم/ حركت السيارة وحجيت شعجب لبستي شال لازم تخافين من العقاب
تولين/ ياعقاب تره اني لبسته لأن شفت شكله حلو ويا الفستان
شهم/ باوعت عليها ورفعت حاجبي متاكده
أنت تقرأ
عشقتها وهي صغيرة
Fiksi Umumرغم البعد الذي بيننا لايوجد اقرب منك لقلبي تحكي القصه عن شاب بعمر ال 27 فرقته السنين عن حب الطفوله فرقته عن البنت الجان مايبدي يومه اله وياها وينهي وياها فرقتهم السنين ١٣ سنه هوه مشايفها غير مره وحده بس بقى حبها بقلبه وماكدر ينساها نشوف راح يرجعون...
