عشقتها وهي صغيرة

بارت/ 21

تولين/ اوك .. حضنت سراب وضلت تلعب بشعري لحد ماغفيت

مر يومين صرت احسن بس بعدني كل مااتذكر اني وشهم قصتنا انتهت انهار بلبجي .... جنت كاعده ويا ماما جان يدخلون تبارك وشهم سوه وأشوف الكل يباركلهم بعدين عرفت شهم وتبارك كملو عقد المحكمه حسيت نفسي راح انهار ماكدر اضل واكفه واباوعلهم وأشوف الكل يباركلهم صعدت فوك ضليت ابجي لمن فقدت كلش اتصلت على مصطفى كتله يجي ياخذني هوه سمعني ابجي حاول يهديني ويفهم مني شصاير ماحجيتله كتله لو يجي ياخذني لو اسوي شي بروحي مااتحمل بعد نهيت الاتصال بدون مااسمع جوابه دزلي رساله كال جايج كمت لميت أغراضي وعفتهن بلغرفه ونزلت لكيت الكل كاعدين سوه صحت لبابا وماما يجون احجي وياهم رحنه للغرفه دخلو اهلي دخلت وراهم وسديت الباب

ام تولين/ شكو شصاير

تولين/ مصاير شي بس شسمه

ابو تولين/ بس شنو

تولين/ شوف بابا ذاك اليوم كلتك اريد اروح لبغداد وانته كلت بس تصيرين زينه اخليج تروحين وحلفتلي مو صح

ابو تولين/ اي صح

تولين/ واني هسه صرت زينه

ابو تولين/ ايي شنو يعني تردين تروحين

تولين/ اي

ابو تولين/ وشغلي شلون مااكدر اوديج هسه انتضري شكم يوم

تولين/ مصطفى راح يجي ياخذني

ابو تولين/ يعني متفقه ويا عل رجعه

تولين/ توني خابرته واجيت كلتلكم بابا مااتحمل اضل هنا

ابو تولين/ شكد تضلين هناك

تولين/ من ترتاح نفسيتي ارجع

ابو تولين/ بقلة حيله..بكيفج بس ديري بالج على روحج

ام تولين/ تضلين يم خالتج مو تروحين للبيت تكعدين وحدج هناك

تولين/ لا شكو كاعده بلبيت وحدي

ابو تولين/ بس حاولي متطولين هناك

تولين/ نشالله بس بابا عفيه مو تكول كدامهم راح اروح خلوها بيناتنه

ام تولين/ ليش

تولين/ سراب خطيه هسه تضل تبجي خليها قبل مااطلع اله اكللهم

ابو تولين/ ماشي بس مو تنسين انتبهي على نفسج

تولين/ اوك
طلع بابا فلوس من جيبه وانطانياهن
شنو هاي بابا

ابو تولين/ تحتاجيهن هناك

تولين/ بس عندي

ابو تولين/ حتلو عندج اخذيهن

تولين/ أخذت الفلوس من بابا وحضنته وبسته بعدين طلع هوه وماما للصاله اني صعدت فوك أخذت شاور ورتبت روحي ونزلت قررت اروح اشوف فاطمه قبل ماارجع لبغداد .... بابا فدوه وديني لفطومه بس اشوفها وارجع مااتأخر