شهم/ مااعرف هاذا الحب وين راح يوصلني تعبني التفكير مااعرف اخطبها وغصبآ عليها توافق لو اضل انتضر بس اذا رجعت تكمل دراستها اكيد مراح اشوفها وراح ترجع لبغداد ضليت محتار شنو اسوي طفيت الجكاره ورحت نمت
تولين/ كعدت من النوم على صوت الهلاهل طفرت من الفراش بسرعه ونزلت جوه اريد اشوف شكو لكيت مرة عمي تهلهل وفرحانه سألتهم شصاير كالو أهل وصال ردولنه الموافقه وبعد اربع ايام المشيه عفتهم ورجعت صعدت أخذت شاور ورتبت شعري ونزلت ضليت جوه لحد ماصار العشه تعشيت ورحت كعدت بلصاله ضليت اكلب بل انستا لمن مليت باوعت للساعه جانت ب١٠ ذبيت الموبايل وطلعت اتمشه بلحديقه مجان اكو ضوه بيها بس ضوه الكمر والجو بارد صفنت عل كمر اجه بالي شهم ضليت احجي بداخلي ياربي شكد مشتاقتله مشتاقه لصوته ولسوالفه ولعركاتنه مشتاقه لكلشي بي اوووف ياربي بلا هوه هم مشتاقلي اكيد ميفكر بيه مثل مااني افكر بي حته ماكلف على نفسه وتصل
ضليت كاعده تقريبآ نص ساعه لمن بردت كلش طبيت أخذت موبايلي وصعدت للغرفه ضليت أقره قصص لمن نمت
تسريع الأحداث
تولين/ اليوم الخطوبه مال محمد كعدت متأخره اني هاي القصص طيحت حضي كمت بسرعه أخذت شاور ورجعت سويت مكياجي وشعري سويته ويفي ولبست فستان تسعين لون ابيض وحذاء كعب لون اصفر وسويت مكياج سمبل كملت ونزلت جوه كعدت بغرفة ماما لمن صار الوقت لبست البشت وحطيت شال على راسي وطلعنه لبيت أهل وصال السيارات ترسن الشارع اول ماوصلنه نزلت بسرعه دخلت سلمت عليهم ورحت لغرفة وصال جانن بنات خالاتها وعماتها كلهن يمها سلمت عليهن ورحت لوصال
ولج هاي شطالعه
وصال/ ولج والله مستحيه شوفي شلبسني ومحمد راح يدخل شلون اضل كدامه هيج الفستان مفتوح من كل مكان
تولين/ لا عادي راح يصير زوجج حتلو شافج
وصال/ لا استحي والله
تولين/ عوفي المستحه وتعالي غيري حمرتج مو حلوه ويا المكياج
وصال/ توج كلتي شطالعه
تولين/ اقصد عل ملابس
لا عوفي لتغيرين شي بمكياجها تعبت اله سويته الها هيج
تولين/ تره اليوم خطوبتها مو يوم عادي مكياجها فاتح
لا حلو هيج عوفي
تولين/ باوعتلها بطرف عيني ودرت وجهي شلون تريد اسحلها هسه
تعالي وصال اكعدي هنا
طلعتي حمرتي جنت جايبتها وياي حطيتلها وطوختلها المكياج صار شكلها احلى
وصال/ هسه احلى مو صح
تولين/ اي طبعآ هسه احلى قبل شويه جنج وحده مريضه حمرتج فاهيه لازم تخلين هيج لون جريء لأن اليوم يوم مميز حبي
يلا امشينه خل نطلع حته يعقدولكم
وصال/ يلا
تولين/ ضلينه كاعدات شويه بعدها صاحولها حته يعقدولهم جنت واكفه اصور بيها جان تجي هاي البنيه الماقبلت اعدل مكياجها
أنت تقرأ
عشقتها وهي صغيرة
Ficción Generalرغم البعد الذي بيننا لايوجد اقرب منك لقلبي تحكي القصه عن شاب بعمر ال 27 فرقته السنين عن حب الطفوله فرقته عن البنت الجان مايبدي يومه اله وياها وينهي وياها فرقتهم السنين ١٣ سنه هوه مشايفها غير مره وحده بس بقى حبها بقلبه وماكدر ينساها نشوف راح يرجعون...
