مسلسل "إيلاف" 🤎

" الحلقه السابعه "

الحلقه السابعه من مسلسل "إيلاف"

ورجعت كتبت جنب العنوان "ايلاف بتحب ايه وبتفرح بيه"

-الجري
-البيتزا

مسج من رقم غريب "عايز اقابلك ضروري، فيه سر لازم تعرفيه قبل ماناخد اي خطوه مع بعض"

قامت من علي الكرسي بخضه "يخرب بيتك هو انا مش هخلص منك"، مسكت الفون واتصلت برحمه..

-الو
_ايه يالولو عامله ايه
-الحقيني
_في ايه
-آسر بعتلي مسج
_ لا!
-والله
_قالك ايه
-بيقول عايز يقابلني عشان فيه سر
_احيه سر، تفتكري وراه ايه
-مش عارفه انا هموت من القلق وبعدين خايفه يطلع حوار عشان اقابله ومش عايزه ابان رخيصه كده اللي هو بمزاجه
_بقولك ايه، انا جيالك
-بسرعه

قفلِت مع رحمه وطلعت تجري ع مامتها توريها المسج..
-تفتكري السر ممكن يكون ايه؟
_هتجنن ياماما
-مصيبه يكون عارف ابوكي
_اااا، وفيها ايه لو عارفُه؟
-فيه مليون احتمال، اقلهم سوء يكون مسلَطُه عليكِ والواد مثلًا مقدرش يكمل تمثيل عليكِ فـ قال يصارحك
_للدرجه دي
-اه طبعًا
_امممم، جايز

فضلوا قاعدين ادام التلفزيون، مامتها بتتفرج وايلاف قاعده باصه للمسج وبتهِز رجليها، لحد مارحمه وصلت، خدت رحمه ودخلوا الاوضه..

_بصي المسج اهي
-ايه الالغاز اللي ع الصبح دي بقي
_فيه مشكله اكبر!
-ايه تاني انا تعبتلك
_ماما بتقولي مصيبه يكون عارف ابوكي..
-وهو ماله بـ والدك اصلا؟
_يعني بتقول يكون مسلطُه عليا وكده
-بتهزري، مش للدرجه دي
_المشكله انه فعلًا سألني عنه وقفشت عليه..
-لا كده انتي بترعبيني زياده، ده احنا ننفخه لو طلع الحوار بجد
_او مثلا اروح اقابله الاقي بابا هناك!
-يالهوي، طب وبعدين انا بدأت أتوتر كده
_انا جيباكي نفكر فِ حل مش توتريني زياده
-جتلي فكره جامده
_ايه قولي بسرعه
-احنا ندور عالاكونت بتاعه ومن خلال الاكونت هنشوف اذا كان والدك عنده ولا لا
_صح فكره حلوه

مسج من نفس الرقم "انا مش حابب اتصل وابقي مُزعج بس لازم اقابلك ياايلاف وتسمعيني، وبعدها اوعدك مش هحاول اوصلك تاني لو طلبتي ده"

قرإت المسج هي ورحمه وبصوا لبعض..
-نروح سوا؟
_بس احنا بنتين، لو فيه مصيبه مين يلحقنا!
-طب وبعدين انا الفضول قتلني
_مش يمكن هو بيلعب بأعصابنا عشان نجري وراه
-لا هو مش عيل تافه، اكيد عنده حاجه عايز يقولها، اقولك؟ قبل مانقابله هندور ف الاكونت بتاعه الأول ايه رأيك؟
_ماشي
-هو طلبك للسيشن منين؟
_انستجرام، بس الاكونت برايفت فـ مش هنعرف نفتح الفولورز
-بس نعرف نعمل سيرش بنفس الاسم عالفيسبوك

عملوا سيرش، اول اسم ظهر، الحقي ده باعتلك ريكوست!
_وريني كده
-اهو
_والله ماخدت بالي، انتي عارفه انا ماليش في الفيسبوك اوي
-نفتح بقي الفريندس نفتِش..