مسلسل "إيلاف" 🤎

" الحلقه التاسعه "

الحلقه التاسعه من مسلسل "إيلاف"

إيلاف بتعدِل قعدتها وبتبصله بتركيز أكتر "انت شادي محمد؟"
رضوي : ايه ده انتِ تعرفيه
شادي : ايوه ايلاف، انا قولت الاسم ده عدي عليا زمان، ايوه ايلاف منصور الحكيم
ايلاف : ايوه انا
رضوي : ماحد يفهمنا ياجماعه عارفين بعض منين
شادي : هحكيلك ياستي
رضوي : قول
شادي : أيام الجامعه، اول يوم في سنه تانيه ،سمعت حد بينادي على إسمها، طبعًا اتفاجأت وقعدت اتريق مع صحابي عالاسم، اتفاجأت انها سمعتني، جت وهزأتني ادام الجامعه كلها، وبصراحه انا استاهل انا كنت سخيف جدًا مع كل البنات لاني مكنتش بطيقهم، تاني يوم حسيت بالذنب فـ روحت اعتذرلها صدتني جامد، حسيت انها مش زي البنات كده ودلع وافوره لا بت بمية راجل..

"ابتسمت ايلاف"

شادي : فـ قررت انها هتبقي اول زميله اتعامل معاها وكانت الاخيره الحقيقه لان
ايلاف : وبس كده بقينا زمايل يعني، كان زميلي الوحيد لاني الحقيقه مكنتش بطيق الرجاله
شادي : اه بس انا مكنتش بعاملك كـ شاب ده انتِ كنتي صاحبي
ايلاف : متزودهاش هه
رضوي : حرام عليك بقي السكر الرقيقه دي تبقي واحد صاحبك، انا عرفت انت ليه سينجل لحد دلوقتِ
شادي : انا سينجل عشان حطيت واحده فِ دماغي وقولت ياهي يابلاش "بيبُص لايلاف"
ايلاف : رضوي حبيبتي ممكن تعرفيني لو حبيت اصلي، اصلي فين؟
رضوي : اه طبعًا، ماشاء الله بتصلي ربنا يثبتك
ايلاف : اللهم امين حبيبتي

خدتها في الشقه جوا وشاورتلها علي اوضه وقعدت جنبها لحد ماخلصت صلاه "شكلك جميل وانتِ بتصلي، انتِ عارفه انا نفسي اوي انتظم في الصلاه"

_طب ايه اللي مانعك؟
-مش عارفه، يعني كل يوم بقول هصلي النهارده وبعدين بلاقي اليوم خِلِص وارجع اقول هصلي بكره
_عشان انتِ طول بتأجلي الخطوه، ياستي صلي بليل ايه يعني، صلي حتي العشا، مش لازم تبدأي بالضهر، وواحده واحده لما تاخدي علي الصلاه هتلاقي نفسك بتحسي بالذنب ان فيه صلاه سبتيها، وممكن لو بتنسي تنزلي ابلكيشن علي التليفون يرن وقت الصلاه عشان متنسيش..
-عندك حق، هو أنا ممكن احضنك، حاسه انك هتفهميني غلط
_لا طبعا ليه بتقولي كده، تعالي

حضنوا بعض، رضوي بعيون مدمعه "كان نفسي اوي يكون ليا أخت بنت جميله زيك كده تنصحني ونحكي ونخرج سوا، بس نصيبي"
_متبصيش للحاجه الناقصه بصي للموجود، الحمدلله عايشه في بيت مستقر، بابا وماما واضح بيحبوا بعض ماشاءالله، وعندك اخ رجع اهو يبقي ضهرك وسندك، وانا ياستي اهو اعتبريني اختك
-عندك حق، الحمدلله فعلًا دي نعمه، هو احنا ينفع نتغدا سوا؟
_لا لا مش هينفع خالص
-والله هينفع، عشان خاطري، مره واحده
_طيب هكلم والدتي الاول ماشي؟
-ماشي بس بجد هفرح اوي لو اتغديتي معانا

اتصلت بوالدتها وقالتلها هتغدي بره وهي وافقت، رجعت لرضوي "هتغديني هغديكي هه، يعني كده ليكِ عزومه عندي"