مسلسل "إيلاف" 🤎

" الحلقه الـ ١٢ "

الحلقه الـ ١٢ من مسلسل "إيلاف"

-انا منستش انك بتحبي المشويات
_اها انا فعلا بحبها اوي
-ايه اللي اها انا بحبها اوي مافيش شكرا تسلم، مبسوطه انك اسه فاكر، انتِ لسه دكر زي مانتِ
_والله مش عاجبك روح اطفح لوحدك
-لا خلاص هطفحك معاكِ، اصل الكيف بيذِل

دخلوا قعدوا، المنيو وصلت، فتحت المنيو بتاعتها لقِت ورقه مكتوبه عليها "تتجوزيني؟"

شالِت المنيو من علي وشها وبصِت، لقِت شادي فِ ايده بوكس صغير فيه دبله ومُبتسم "قولتي ايه؟"

بصِت بإستغراب "ايه ده؟"
_تتجوزيني ياايلاف، انا مش عايزك تخافي أكون بلعب او بتسلي وانا فعلًا..

قفلِت المنيو وقفلت بوكس الدبله وهو فِ ايده "لا ياشادي، لالالالالا، لا ياشادي مش كده لا!"

حط البوكس علي الترابيزه..

_لا ليه ياايلاف، هو انا وحش؟
-لا طبعًا انت مش وحش والله واي بنت تتمناك بس..
_بس ايه، وانا مش عايز اي بنت انا استنيتك انتِ وراجعلك انتِ، انا مش عارف انساكي، حاولت اعرف دي ودي محدش فاهمني زيك، ده انا لما بكدب بتعرفي، لو زعلان ومخبي بتعرفي، حتي اهلي حاسين انك واحده منهم، رضوي اختي اتعلقت بيكِ اوي..
-بص ياشادي انا مش عارفه اقولك ايه بجد..
نبرته اتغيرت من حُزن لغضب "لا قولي، قولي ياايلاف، المره اللي فاتت انتِ مشيتي وانا مش عارف العيب فِ مين، وفضلت طول الوقت فاهم ان انا مستاهلكيش، بس لما رجعت شوفت فِ عينك نظرة إعجاب، يبقي لا ليه، فهميني"
_..
-ماتردي ياايلاف في ايه، قولي ايه مشكلتك ونحلها سوا انا مستعد احل معاكِ اي حاجه بس اديني فرصه مره واحده بس

" رقم غريب بيتصِل" بتبُص للرقم وبتكنسِل..

_اه آسر، واضح انه عاجبِك
-ايه اللي بتقوله ده ياشادي انتَ عبيط، مانا حكيتلك كل اللي حصل
_امال بترفضيني للمره التانيه ليه، فهميني
-مش عارفه، انا بس مش مستوعبه ان انا وانت نبقي مع بعض و..
_خرجتي مع آسر وقعدتي معاه علي النيل وكنتي معجبه بيه وادتيله فرصته لحد ماطلع خاطب، اشمعنا انا، انا مش فاهم فيا ايه وحش كده اترفض مرتين، انا تعبت من المحاوله ياايلاف، بجد تعبت

طلع تليفونه وقعد يدوس ع حاجات، وقام راح طلب اكل ورجع، حط شنطة الاكل ادامها وخد الدبله "ده غداكي واسف اني مش هقدر اقعد اكل معاكي، وطلبتلك اوبر ادامه ٥ دقايق ويبقي هنا حسابه مدفوع، واوعدك مش هحاول اوصلك تاني"

-ياشادي افهمني بالله عليك
_سلام

مشي شادي وخدت ايلاف شنطة الاكل ونزلِت وهي بتتصل برضوي..

_رضوي ازيك، بصي انا محتاجاكي فِ خدمه ضروري جدًا
-في ايه، انتي كويسه؟
_هفهمك

وبدأت تشرح لرضوي سوء التفاهم اللي حصل وانها مش حابه يكون زعلان او مكسور بخاطره، راحت هي علي البيت وحطوا ف الجنينه ترابيزه وكرسيين وحطوا الاكل، واتصلت رضوي بشادي وتقوله يجي ضروري، دخل شادي ولقي ايلاف قاعده وحاطه الاكل "لو فاكرني كويس هتعرف اني مبعرفش اكل مشويات لوحدي"