اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
من يحتوي قلبي بقلم (( امل مهدي)) البارت السابع ++++++++++++++++++
محد نشد عني وكال هاوين عدل ميت عليك شطاح هاوين فز كلبي بعلات الصوت هاوين عليكم يلكطعتو الوصل بيه. *********************' ثائر........ لج شهد شمسويه شهد.... وكفت وكمت ارجف شمسويه ثائر...... ما كلنه ماريد اي اتصال من زياد اشلون تتصلين وشلون هيج
تحجين ولج غبيه امسجليلج ودزو اليه
اسعد.... تحجي صدك
ثائر...... هاك يابه اسمع التسجيل واكتبيلي رساله اكضبو بنتكم لا تتصل على زياد
هوزان..... الله لا يوفقج شهد
ثائر...... واني شستفاد من هذا الحجي والله الا اكطعج اتكطع ياحقيره ولزمني من شعري كفخات ودفرات
ابويه وماهر كوه خلصوني منه اخذتني رنا بالغرفه مالت امي
ابجي خذلان عمر اليه حطمني حتى علاقتي بأهلي خربهه انسان فعلا مو كد الثقه ياريتني ما شفته ولاتزوجته ولا تعلقت بي ولا عشت ويا هل كم يوم الكسرني بيهم بجيت وبجيت لمن احس تعبت ونمت ابمكاني ثائر ويا كل الحق زياد خدعني وغشني يسجلي حتى يذل اخواني
الله ينتقم منكم كلكم دعيت عليهم كلهم لمن غفيت والدمع بعيوني
ثاني يوم نايمين اصبح وصحينه على الباب يندك حيل وصوت بجي اسعد.... خير يا ستار شكو فتحت الباب انتصار شايله ابنه وتبجي عمو ابو ثائر الحكلي ابني راح يروح مني على الهوسه كعد ثائر وماهر وجانت ساره بايته يمنه امي كامت اصيح لان ابن اخوهه هوزان.... ولج اصارلو ابنج انتصار..... وكع من الدرج خلص دمو الحكولي عامر ما موجود ثائر.... جيبي ابسرعه ناخذو على المستشفي راحت ساره وثائر ويه انتصار والولد دخلو عمليات كالو نازف كل دمو ويحتاج بطلين دم
متبرعيلو ثائر وساره من دمهم وباقين وياهه للعصر ما تاركيهه الا اجه خالي عامر للمستشفى يالله رجعو شهد...... اسمعهم يحجون واتعجب على طيبة كلبهم اهلي البارحه حاركين دمهم بالتسجيل وهسه يوكفون ويه الحيه المسمومه بنتهم اني ما اشمت بس الله يمهل ولا يهمل اني ادري لليوم انتصار تحجي عليه يمهم وتقلبهم ضدي علش تكرهني ما ادري وليش سعت بزواجي من اخوهه هم ما ادري
