كعدت ثاني يوم قبل فرقد سبحت ودخلت المطبخ اسوي ريوك لكيت كرجيه ونوال كاعدات صبحت عليهم ما ردو عرفت ما يردون يحجون ويايه دخلت للمطبخ حضرت الريوك ورحت على فرقد لكيته كاعد يراسل اكيد جماعته البلجيش شهد.... صباح الخير فرقد... ابتسم بوجهي صباح النور اشعدج كاعده من وكت شهد.... ساعه ١١ حضرتلك الريوك فرقد.... كرجيه ونوال كعدو شهد... اي شمر مبايله بسرعه ولبس دشداشته وطلع يطمن عليهن اتصلت عليه امي تطمن كلتله باحسن حال وكلش مرتاحه ما كلتلهه مكتوله بثاني يوم عرسي تجربتي ويه عمر ما اريد اعيده ولا احجي شي عن حياتي كل اعتقادي اني فعلا جنت غلطانه من جنت اشكي لاختي
امير.... اليوم حنته للمره الثانيه اخذل كلبي واكف مجتف اني واحد ما يستاهل يحب ويستاهل كل اليجراله اظل اجلد روحي واعاقبه واستاهل اعيش محروم من السعاده لا اني عايش ويه بتول وناسي كلبي ولا اني متخذ قرار واعيش ويه شهد
