اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
من يحتوي قلبي... مو بارت...
بس حبيت اوضح وجهة نظري
اكثر القصص نقراها للمتعه... بس!!!! لازم من خلال موضوعه نستخلص بعض الملاحظات للاستفاده لمن قررت اكتب القصه لربما موضوعه عادي وهواي يحصل بمجتمعنه بس ليش يصير وشلون هو هذا الردت اوضحه هوايه تعليقات انتقدت شهد ممكن تكون غلطانه ابعض الامور بس هذا يرجع لان هيه ما عده خبره دائما لمن نفشل بحياتنه الزوجيه نكول حظ ماكو هيه قسمه مو بدينه
ممكن اكو هوايه ما محظوظين بس ميصير الحظ انسوي شماعه انعلك عليه اخطائنه خصوصا بالزواج لازم يكون تأني والمعروف اذا فشل الزواج الاول راح الواحد تلقائيايبدي يتخوف ويحسب حسابات بعيده بالزواج الثاني مثل الاخذ جرعة لقاح لمرض ممكن يرجع ما بيه شي الانسان يعيد التجربه لان يبقه بحاجه الى الاستقرار وشريك يآنسه ويقاسمه الحياة وتاكدو احنه ممكن نصنع سعادتنه من خلال اهتمامنه وتصرفاتنه اتجاه الاخر
بزواج الثاني لشهد صارت مقارنه عمر زغير وطايش فرقد كبير وواعي عمر ما عنده عمل عايش على ابو فرقدفاتح بيت وراتبه راتبه خير من الله عمرمستهتر وما مقدر الحياة الزوجيه فرقدناضج وواعي ويقدر الزوجه وهذا ابدا مو مقياس للزواج الناجح بلاخير طلعو اثنينهم رغم الاختلاف فاشلين بحتواء قلب امرأه هيه عدهه الكل المقومات ان تكون زوجه وحبيبه وحلم بسيط بلاستقرار بدون شك تدخل اي طرف ثالث في حياة اي اثنين مزوجين عامل مهم للمشاكل
كل الشراكات بالحياة ممكن بيه الاختلاف والفصخ الا شراكة الزواج صعب فصخه لان يكون ربحه مو مالي ربحه انساني براعم اطفال
لازم تكون عدنه روأيا واضحه لشريك العمر ونشوف المقومات العنده تناسبني او لا واني لازم اعرف شنو الاريده من البدايه اريد هذا الزوج يحققلي الاحلام الي ما حققوهه الي اهلي لو اريده يكملني حتي نعيش بتكافئ او اريد حيالله رجال يجد عليه واني للزم بيته شغل وجهال
من البدايه اكول لكل بنت انسي شغلة رجال يحقق احلامج الانادرا انت اذا عندج حلم معين كافحي وحققيه قبل الزواج حتي تجين وانت واقع حال امام الرجل الختارج تكملين ويا والشغله الثانيه لكل التتفرج على المسلسلات وتعيش حلم يقضه حلو ويه فارس من فرسان المسلسل... لازم تصحه واقعنه مر وصعب وممكن الله يرزقج بفارس احلام على كد حالج بس بعد الزواج لا تنصدمين من اتشوفي يشخر من ينام لان يجي تعبان من يوم متعب يكد بي طول النهار ابضروف كله ضده حر الجو ازدحام الشوارع اصطدامه بناس ناقصه تربيه حتى يوفر االعيش المناسب الج ولاولادج.... والاهل كذلك لمن دلل بنتك وتحبه وتوصله لاعله الشهاده حتى تفخر بيه انت سويت العليك واكثر بس لاتنسه تعلمه... تبقى هيه بنت وباجر اتكون مسؤله عن زوج واولاد هناك دوره الاساسي يجب انتتفوق بي لان الشهاده والدراسه تعتبرالمهم بس مو الاهم ... الاهم دورهه كزوجه وام
كذلك الولد اشكد احب افتخر بي واكبره لازم اعلمه يكون كد المسؤليه بيوم يكون زوج واب
يمكن طولت عليكم شويه اتمنه تقرون بتفكير عميق لان كل بنيه ممكن توكع بشباك القسمه والنصيب ويكون نصيبه مثل شهد
تحياتي وامنياتي الخالصه لكل فتاة وشاب بالزواج الناجح السعيد
