اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
من يحتوي قلبي # امل مهدي # البارت الخامس والعشرين ******************* لاتسولفلي اعله جرحك عمري ضاع.... الجرح يشفه اسنيني وين الكيهه.......... كون موكد الهوه شجابك عليه..... جفوف مويمك شكو تلاويهه.... لاتبرر ذبلت الورده بديك.... انته موكدهه الشمس شعليهه...... ******************* ماهر..... فرقد واحد لوتي.... مستعد يستفز المقابيل ويوكعه بالغلط . ويفر الموضوع ويطلعه الغلطان سنين صارله بالجيش وكل الحيل والدروب مطبع بيه قررت اروح واتفاهم ويا بلكت الكه حل ثائر نام بالسجن وهيه هاي اليريده من زمان بينهم حرب بارده فرقد وثائر وستغل الموضوع حتى ياخذ ثاره من ثائر وهم يضغط على شهد حتى ترجعله تقهرني شهد عمر ظلمه وهسه وكعت بيد هذا الظالم فرقد رجال شايف وعايف مثل ما يكولون واختي بريئه وفقيره ندري بي يحبه ويريدهه وهو منو ينطي... بنيه بكد بنته بس ما راعاها ابد من اخذهه لليوم تشكي منه وخواته محارباته اني من البدايه ما موافق على هذا الزواج بس ادري بيهم قنعوهه وهيه وافقت اتصلت بي الو... فرقد فرقد... منو تفضل ماهر... ماهر فرقد... اهلا وسهلا خير ماهر.... اريد اجيك انت وين فرقد... بالشقه تعال منتظرك
اسعد.... هذا ماعنده احترام لاحد لا تعب نفسك ماهر... يابه شنو يظل ثائر بالسجن لازم اكو حل اسعد... راح يكلك شهد ترجع ماهر... ماكو هيج شي شهد... اني راضيه بس خلي يطلع ثائر ماهر... واني ما اقبل ترجعين اسعد... مو دكلك يريد نرجعله اختك انت ليش معاند ماهر... اروح واشوف اشلون احجي ويا شهد... اذا مصر يساومني بثائر اني راضيه هوزان... الله يرضه عليج والله اخوج تبهذل ماهر... اباوع لامي اهم شي عدهه ثائر شهد... اي ماما راح يطلع ثائر بس اني ادخل مكانه السجن هوزان... اسم الله عليج ماما ازلمتج يحبج اشكد ما يكون نذل بس ايحبج ماهر... مو تكولين نذل اشلون تردين تعيش ويا
ماهر وصلت المكان لكيته واكف اباب العماره لابس اتراكسود وايده بجيبه رحب بيه وصعدنه سوه اول مره اشوف شقتهم مبينه الشقه ما بيه احد غيره فرقد... كول ماهر علويش جاي ماهر... اريد تتنازل عن ثائر فرقد.... ههه اني آسف انتو اتاذيتو بس هو يستاهل... يعتدي عليه بمكان عملي وكدام صحباني واكفه كلش ماهر... وهاي شهر محبوس ما كافي فرقد... سكت اريد ترجع شهد ماهر.... متريد ترجع تريد تطلك فرقد... عصر كلبي من كال تطلك انزعجت... بس ماردت يشمت بيه شوف كله الشقه بس اله محد وياهه خلترجع وتنازل عن اخوك ماهر... اني ما جيت احجي عن شهد اجيتك نحجي بموضوع ثائر وتكدر تاخذ فصل وتتنازل فرقد.... ابوك عرض عليه هذا الموضوع اني ما رايد غير شهد ترجع ماهر... كمت وكفت عبالي اكو باقي عندك شويه اعتبار للزاد والملح الاكلته ابيتنه فرقد.... اذا ما اسوي هيج اختك ما ترجع ماهر...واذا مارايدتك شلون الك نفس تعيش ويا ها اشوفه يباوعلي وعيونه صارن حمرمن الاعصاب حس باهانه َ متعمد هيج حجيت بلكت يعوفه فرقد.... باجر اخوك عدكم ماهر.... بس شهد مترجعلك فرقد.... وكف وكال ابكيفهه خليهه مترجع اني ما طلك ماهر.... طلعنه وصلني الباب العماره سلمت عليه ورجعت للبيت اسعد.... ها بشر ماهر... يكول باجر يتنازل هوزان.... باجر يطلع ثائر يارب دخيلك يا الله ياالله وكامت وسجدت شكر لله والكل انخبصو ولتمو على ماهر اسعد... وشهد اني الوحيده الكاعده بعيد كانه اعرف الينتظرني ماهر... بالبدايه ساومني على رجعته بس لمن عرف هيه ما تريده كال هيه حره اذا ترجع وحدهه بالشقه الكل سكت وكانه صارو ممنونين منه راح يتنازل عن ثائر وبدون ما يحجون عرفت نظرتهم تكول هاي صرتي ابيت ابحدج بعد شنو تردين
