اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
من يحتوي قلبي
بقلم. (( امل مهدي ))
البارت العاشر
+++++++++++++
غشيم وچنت اكول الدنيا خلصانه ..
وزارع طيبتي اعله اجروف عطشانه ..
صرت مثل النهر بس يوكف يعوفوه
واذا رد يمشي كلها اتصير صحبانه ..
ويصعد على اجتافه العشب والعاكول
ويمدله بلا حيه الناعور ذرعانه ..
سفينه بنص بحر هدت عليهه الريح
تاهت والتكتلك كلها ................سفانه...
+++++++++++++
دك مبايلي...هذا فرقد
شهد.... الوهلو فرقد... احجي واضحك جنت ويا رباب.... طلعت
من الهوسه
فرقد.... شنو هاي الهوسه اليمج
شهد... اني مو كلتلك خطوبة بنت عمتي
فرقد.... اي واكيد ولد عمتج وولد عمج موجودين والله اليدري بعد منو وانت تركصين بنص الزلم
شهد... شنو هذا الحجي انت تحجي كل عقلك اشايفني
فرقد.... باين من صوتج وضحكج
شهد... انت شتريد مخابرني حتى تتعارك وياي تره اني واهلي هنا ومن يروحون اروح
فرقد.... اني ما اريد اعاركج بس ما ريد تفترين بين كرايبج
شهد.... يعني شسوي اكعد بالغرفه وحدي
فرقد... اي اكعدي ولا تطلعين
ومن تخلصون ارجعي ويه اهلج فورا
شنو اتفرفربن بين الزلم اني ما اقبل
شهد..... باوع فرقد اني بعدني ابيت اهلي وانت صح خطيبي بس ما تفرض عليه شي
المهم اني بلغتك وذوله الزلم التحجي عنهم تربيت وياهم
عيب تحجي عليه بهاي الطريقه
اني ما اقبل
فرقد.... انت ليش اتعاندين
شهد.... روح فرقد مو وكت الحجي
هسه
فرقد..... لعد وكت الضحك والاغاني
شهد... انت شتريد من ارجع نحجي
فرقد.... بسيطه شهد يصير خير
شهد.... سد الموبايل بوجهي
هذا اشلون اتعامل ويا حيرني والله
رجعت هوسه طلع احَمد واهله
واحنه بدلنه ملابسنه واخذت رباب
ونزعت البدله مالته
اجينه بالهول لكينه مادين السفره
كعدنه كلنه الكرايب رجال ونساء
سوالف وضحك حلو من نلتم
كملنه الاكل
ثائر..... يله تحضرو اروح
رباب.... شهد ابقي يمي
شهد.... يمعوده انجن من سمع الاغاني والهوسه وتعارك ويايه خليني اروح اشوف اشلون اصرف
ويا
رباب.....اخذي بالمسايسه هذا يبين عصبي
شهد.... هو حظي واعرفو وين ماكو حقنه يتسرسح عليه
رباب..... هههه خرب ببليسج
احمد كال بعد شهر رمضان
نزوج.... انت اشوكت
شهد... بعد ما محددين يله باي
رباب..... دروحي الله وياج
ثائر.... السياره ما تكفي راح اخذ رنا والجهال وماهر وورود
وبعدين ارجع اخذ الباقين
امير.. .... روح اني اجيبهم
اسعد.... اي لعد روح انت يجيبنه وراك
ثائر.... ماشي
صعد بابا وامي واني وساره ووصلنه
ابو ثائر.... انزل امير
امير... .. لا خالي مشكور مو مال كعده
شهد.... غراضي بالجنطه مال السياره ممكن تفتحه اخذهن
امير.... اي ماشي
فتح الجنطه واني اخذ الغراض
امير..... التفتت كلهم فاتو للبيت
شهد شفتج تخابرين بالغرفه وصايره اعصاب اكيد غثج فرقد
شهد..... لا ماكو شي
امير... شهد الحياة تنعاش مره وحده لا تفوتين بزواج فاشل مره ثانيه
شهد.... باوعتله بعتب لعد شتريد اظل انتظر منو
امير... يلتفت ويحجي انتظريني اني صحيح ما عندي شي اوعدج بي هسه بس ممكن المستقبل يتغير
