
من يحتوي قلبي
بقلم (( امل مهدي ))
البارت التاسع
:::::::::::::::::::::::::
محد نشد عني وكال هاوين
عدل ميت عليك شطاح هاوين
فز كلبي بعلات الصوت هاوين
عليكم يلكطعتو الوصل بيه
:::::::::::::::::::::::::::
هوزان..........
شهد هاج خطيبج يريدج
شهد.... ارتبكت شنو شعنده ليش
يتصل
هوزان..... اخذي الموبايل امي احجي ويا
رباب..... خطفت الموبايل من ايد مرت خالي وحطيته بيد شهد
شهد.... الو
فرقد...... اشلونج شهد شخبارج
شهد..... كان يحجي بهدوئ ورقه
.... زينه
فرقد..... ردت اعرف شنو تحتاجين
شنو يعجبج البدله الصالون
شنو تحتاجون للحفله
شهد...... ما ادري شوف ماما وتفق وياهه
فرقد.... وانت ما رايده شي معين اجيبو الج الحفله حفلتج والفرحه فرحتج
شهد.... ها
فرقد.... راح اتصل بليل شوفي انت الوالده وعرفيلي اشتحتاجون
حتي اجيبه الكم
شهد.... اي تمام
فرقد... مع السلامه
شهد.... الله وياك وسديت الموبايل
رباب.. اشبيج جامده سولفي ويا تجاوبي
شهد.... اني ما اريد
رباب..... ليش تحسسيني انج ما
موافقه
شهد.... اني وافقت بالاقناع يعني عسى ولعل يطلع آدمي ويسعدني
لان. الكل يشيد باخلاقو
واني بعد عمر ما كمت ادور شباب وجمال
يكيفيني انسان اعيش براحه ويا
رباب.... انشالله ترتاحين حبيبتي
احجي ويا تعرفي عليه
شهد.... اشلونج انت واحمد
رباب.... لحد الان ماكو شي يتمنى رضايه
شهد... يعني شنو انت ما راضيه
لامو هيج بس احنه الى الان بس اتصال ومرات اشوفه كامره احسه على نار يريد يتقدملي
كلشي كاله حلو بس بيه خوفه لا بعدين يطلع غير شكل
شهد.... مو كل الزلم سرمد ولا عمر
اكو زينين يحبون ويحتون المره
هوزان...... شهد هاج الموبايل خطيبج يتصل
شهد......
الو هلو فرقد
فرقد.... هلو يا كلبي انت ما عندج موبايل ليش الا اتصل على ابوج او امج زحمه
شهد.... لا والله اني ما عندي شسوي بي
من احتاج اتصال اخذ مبايل ماما
فرقد... لا هسه الوضع اختلف اريد
احجي وياج اريد اسولف اني راح اجيبلج مبايل وشريحه خاصه الج
زين حبيبتي
شهد.. اي زين بعدين حجينه بالكيك
ومصاريف الحفله
فرقد... اني باجر اجي انطيج الفلوس واجيبلج الموبايل
يله... تصبحين علي خير
شهد... وانت من اهلو
سديت الموبايل ونطيته لامي وجيت يم رباب انام
لكيته تحجي ويه احمد فرحانه وتضحك
شهد..... اشرتله كافي سدي
رباب.... اني اعوفك احمد تريدني شهد يله باجر نحجي
احمد.... سلميلي عليه وكوليله الف مبروك
رباب..... يسلم عليج ويكول مبروك الخطوبه
شهد.... الله يبارك بي كوليله
رباب... تشكرك احمد يله روح
احمد.... كلبي ما ينطيني اعوفج
احسبي حسابج هذا الشهر اخطبج
رباب... واذا خواني ما انطوني
احمد... اخذج وانهزم بيج
رباب.... هههه صدك هيج تحبني
احمد.... اوووووف حب من اول
شوفه
من شفتج تلعبين طوبه ويه بنت خالج والولد الزغير وياكم حبيت
ضحكتج وانت تلعبين حسيتج فراشه ملونه وطايره
رباب.... كلامك حلو لامس كلبي
احمد..... لانه صادق ونابع من كلبي
رباب..... يبين مراح تعوفني للصبح
احمد..... لا يمعوده شيخلصني من شهد يله تصبحين على الف خير
رباب..... اجمعين
سديت الخط واني سعيده وفرحانه
سرمد ظلمني وضحك عليه بس الله
انشالله عوضني باحمد اتمنه ينصفني حظي هلمره
شهد.. واني هم انشالله مثل ما يحجون عنه
